2 Mose 8 - Ṅmãle̱ Kroṅkroṅ Le̱

¹ Ni Iehowa kē̱ Mose ake̱: Ya Farao ṅõ ní oyakē̱le̱ ake̱: Bo̱ni Iehowa kē̱ ne̱: *Hã mimaṅ le̱ aya, ní ame̱yasúmomi! *5,1.

² Ni ke̱dši okplẽẽ ní ameya le̱, na, mike̱ ko̱ko̱denei bahao okpokpai le̱ fẽ;

³ ni fā le̱ aawo ko̱ko̱denei nyẽṅẽnyẽṅẽ, ni ame̱aba owe le̱ ke̱ ose̱tšũṅ ke̱ osā no̱ ke̱ otšũdši awei ke̱ omaṅbii le̱ ateṅ ke̱ oflõnõi amli ke̱ omãtšesei amli;

⁴ ni ko̱ko̱denei le̱ aatũmo̱ ke̱-ba bodientše̱ ke̱ omaṅbii le̱ ke̱ otšũdši le̱ fẽ no̱ tete.

⁵ Ni Iehowa kē̱ Mose ake̱: Kē̱mo̱ Aaron ake̱: Kpã onine mli ke̱ otšo le̱ ye̱ nudšō̱i le̱ ke̱ fāi le̱ ke̱ kpākpoi le̱ ano̱, ni ohã ke̱ke̱denei atũmo̱ ke̱-ba Mizraim šikpoṅ le̱ ne̱.

⁶ Ni Aaron kpã enine mli ye̱ Mizraim nui le̱ ano̱, ni ko̱kodenei le̱ ba, ni ame̱baha Mizraim šikpoṅ le̱ hĩe fẽ.

⁷ Ni ṅkũnyāyelo̱i le̱ ke̱ ame̱ṅkũnyāyeli-ṅāi le̱ fe nakai noṅṅ, ni ame̱hã ko̱ko̱denei ba Mizraim šikpoṅ le̱ no̱. 7,11.

⁸ Ke̱ke̱ ni Farao tšé̱ Mose ke̱ Aaron ni ekē̱: *Nyekpaä Iehowa fai, koni edšie ko̱ko̱denei le̱ ye̱ mi ke̱ mimaṅbii le̱ ano̱, ni mahã maṅ le̱ aya, koni ame̱yašã afole ame̱hã Iehowa. *K. 28; 3,28; 10,17.

⁹ Ni Mose kē̱ Farao ake̱: Bodientše̱ tšomo̱ beyino ní mikpa fai mihão ke̱ otšũdši ke̱ omaṅ le̱, koni adšie ko̱ko̱denei le̱ ye̱ bo ke̱ owe le̱, ní ame̱ſe̱ ye̱ fā le̱ mli ke̱ke̱.

¹⁰ Ni ekē̱: Wó̱. Ni ekē̱: Afe bo̱ni okē̱ le̱ koni oná ole ake̱ *mokomoko be̱ ní tamo̱ Iehowa wo̱-Nyoṅmo̱ le̱. 9,14; 15.11.

¹¹ Ni koko̱denei le̱ badše bo ke̱ owe le̱ ke̱ otšũdši le̱ ke̱ omaṅbii le̱ ano̱ aya, ni ame̱aſe̱ ye̱ fã le̱ mli ke̱ke̱.

¹² Ni Mose ke̱ Aaron dše Farao hĩe; ni Mose yabo etšé̱ Iehowa ye̱ ši ní ewo Farao ye̱ koko̱denei le̱ ahe le̱ hewo̱.

¹³ Ni Iehowa fe boni Mose kē̱ le̱, ni ko̱ko̱denei le̱ gboi ye̱ šĩai ke̱ kpoi ano̱ ke̱ dſe̱iaṅ.

¹⁴ Ni ame̱buabua nā kuikui, ni šikpoṅ le̱ no̱ dše fũ.

¹⁵ Ši beni Farao na ake̱ ená hedšo̱le̱ le̱, ewadše etsui, ni ebooame̱ toi, take̱ boni Iehowa ewie le̱. 4,21.

¹⁶ Ni Iehowa kē̱ Mose ake̱: Ke̱mo̱ Aaron ake̱: Kpã otšo le̱ mli ní oke̱-tſa šikpoṅ le̱ ne̱ mlu le̱, koni etšṍ tõntõṅi ye̱ Mizraim šikpoṅ le̱ no̱ fẽ.

¹⁷ Ni amefe nakai; ši Aaron kpã enine mli ke̱ etšo le̱ ni eke̱-tſa šikpoṅ mlu le̱, ni etšṍ tõntõṅi ye̱ gbomei ke̱ koloi ahe, šikpoṅ mlu fẽ tšṍ tõntõṅi ye̱ Mizraim šikpoṅ le̱ no̱ fẽ.

¹⁸ Ni ṅkũnyāyelo̱i le̱ hũ ke̱ ame̱ṅkũnyāyeli-ṅāi le̱ fe nakai, koni amehã tõntõṅi le̱ eko aba; ši *ame̱nyẽẽ. Ni tõntõṅi le̱ ha gbomei ke̱ koloi. 9,11.

¹⁹ Ke̱ke̱ ni ṅkũnyāyelo̱i le̱ kē̱ Farao ake̱: *Ene̱ le̱ Nyoṅmo̱ wao ne̱! Ši †awadše Farao tšui, ni ebooame̱ toi, boni Iehowa ewie le̱. *14,25. †4,21.

²⁰ Ni Iehowa kē̱ Mose ake̱: Te ši lebi mā̃ṅkpa, ní oyadamo̱ Farao hĩe, na, ēba fā le̱ nā; ni okē̱le̱ ake̱: Boni Iehowa kē̱ ne̱: *Hã mimaṅ le̱ aya, ní ame̱yasúmo̱mi. *5.1.

²¹ Ši ke̱dši ohãã mimaṅ le̱ aya le̱, no le̱ mahã ofo̱ii abaha bo ke̱ otšũdši ke̱ omaṅbii ke̱ owe le̱, ni Mizraimbii ašĩai ke̱ šikpoṅ ní ame̱yo̱ no̱ le̱ hũ aayimo̱ obõbõ ke̱ ofo̱ii le̱.

²² Ni nakai gbĩ le̱ madšie Gošen šikpõṅ le̱ ní mimaṅ le̱ ye̱ no̱ le̱ ye̱ mli, ní ofo̱ii le̱ akaya dše̱i; beni afe ní ole ake̱ *midši šikpoṅ le̱ fẽ Nuṅtšo̱. *7,5.

²³ Ni mike̱ dšiemo̱ okadi aato mimaṅ le̱ ke̱ omaṅ le̱ teṅ; wó̱ ní dši wó̱ le̱ ne̱ke̱ okadi ne̱ baba.

²⁴ Ni Iehowa fe nakai, ni ofo̱ii babaō ba. Farao we ke̱ etšũdši awei ke̱ Mizraim šikpoṅ le̱ no̱ fẽ; ni šikpoṅ le̱ hĩe kpãtã ye̱ ofo̱ii le̱ ahewo̱.

²⁵ Ni Farao tšé̱ Mose ke̱ Aaron ni ekē̱: Nyeyaä nyeyašãa afole nyehãa nye-Nyoṅmo̱ le̱ ye̱ šikpoṅ ne̱ no̱.

²⁶ Ni Mose kē̱: Esaa ake̱ afeo nakai; edšake̱ Mizraimbii anihĩnii woke̱bašã afole wo̱hã Iehowa, wo̱-Nyoṅmo̱ le̱; na, ke̱dši wo̱ke̱ *Mizraimbii anihĩnii le̱ šã afole ye̱ amehĩe ne̱, ani ametſiaṅwo tei? *1 Mose 43,32.

²⁷ Wo̱o̱nyie gbĩĩ etẽ gbe ke̱-ya ṅã le̱ no̱, ní wo̱yasã afole wohã Iehowa, wo̱-Nyoṅmo̱ le̱, *take̱ boni ekē̱wo̱ le̱, *3,18.

²⁸ Ni Farao kē̱ ake̱: Mibaṅmẽnye gbe̱ ní nyeya, koni nyeyašã afole nyehã Iehowa, nye-Nyoṅmo̱ le̱, ye̱ ṅã le̱ ne̱; ši šoṅṅ ke̱ke̱ ni nyekayaä; *nyekpaä fai nyehãami! *K. 8.

²⁹ Ni Mose kē̱: Na, mibadše oṅõ maya ní mayakpa Iehowa fai, koni ofo̱ii le̱ adše Farao ke̱ etšũdši le̱ ke̱ emaṅbii le̱ ano̱ wó̱; ši šišiumo̱ sane ke̱ke̱ ni Farao akaye doṅṅ ake̱ ehãṅ maṅ le̱ aya ayašã afole ahã Iehowa.

³⁰ Ni Mose dše Farao hĩe ni ete ni *eyakpa Iehowa fai. *K. 12.

³¹ Ni Iehowa fe boni Mose kē̱ le̱, ni edšie ofo̱ii le̱ ye̱ Farao ke̱ etšũdši ke̱ emaṅbii le̱ ane̱, eſe̱e̱ ekomeflo.

³² Ši Farao *wadše etšui ekoṅ, ni ehãã maṅ le̱ aya. *4,21.