2 Mose 22 - Ṅmãle̱ Kroṅkroṅ Le̱

¹ Ke̱dši moko yadšu tšina lo tō, ni egbe lo ehõ le̱, eṅõ tšinai enumo̱ eto tšina kome nãdšiaṅ, ni eṅõ tōi edſe̱ eto tō kome nãdšiaṅ. Luk. 19,8.

² Ke̱dši amõ dšulo̱ ko ní ēgbu gbogbo ewo mli, ni atſale̱ nõ ni egbo le̱, akaſie lá ši ahãle̱.

³ Kē̱ hũlũ dše ye̱ eno̱ le̱, aſie lá ši ahãle̱. Ši kũle̱ to sa ake̱ eto nãdšiaṅ; ni ké̱ ebe̱ noko le̱, ahõle̱ ye̱ edšū le̱ hewo̱.

⁴ Ke̱dši ana dsūnii le̱ ye̱ edẽ ní ehĩe kã le̱, tšina dšio, tedši dsio, tō dšio, ekũ ebo he toi enyo eto nãdšiaṅ.

⁵ Ké̱ moko hã aye ṅmõ lo weintrom ko mli nii, ni eṅmē̃ ekolo he, ni eyaye mokroko ṅmosi nii le̱, le̱dientše̱ enmõši nii kpakpai, ke̱ le̱dientše̱ eweintrom mli nii kpakpai eṅõ-to nãdšiaṅ.

⁶ Ke̱dši la dše, ni eyamõ ṅmeii ni ešã able-aboṅo lo able ní damo̱ ši lo ṅmõ le̱, moni wo la le̱ ato nãdšiaṅ.

⁷ Kē̱ moko ṅõ šika lo nibii ehã enanyo šitō, ni adšu ye̱ mo le̱ we le̱, ke̱-dši ana dšulo̱ le̱, ekũ ebo̱ he toi enyo̱ eto nãdšiaṅ.

⁸ Ké̱ anaa dšulo̱ le̱, no le̱ ake̱ šĩatše̱ le̱ aba *Nyoṅmo̱ hĩe akwe̱ ake̱ enine etako enanyo le̱ nii le̱ ahe lo. *21,6.

⁹ Tõmo̱i sro̱toi fẽ ahe sadši le̱, tšina nõ dšio, tedši nõ dšio, tō nõ dšio, atade nõ dsio, lo nofẽno ní aalādše ní moko aakē̱ ake̱ enõṅ le̱, Nyoṅmo̱ hĩe noṅṅ ake̱ mei enyo̱ le̱ fẽ sane le̱ aba; ni mo fo̱ ní Nyoṅmo̱i aabu le̱, ekũ ebo̱ he toi enyo̱ eto enanyo le̱ nãdšiaṅ.

¹⁰ Ke̱dši moko ṅõ tedši lo tšina lo tō lo kolo-fẽ-kolo ehã enanyo šitō, ni egbo, lo ayele̱ awui, lo awole̱ kō, ni anaale̱ le̱,

¹¹ adšie Iehowa kitã ahã ame̱yi enyo̱ le̱ fẽ ame̱kãmo̱, ake̱ enine etako enanyo le̱ nii le̱ ahe lo, ni nõtše̱ le̱ akplẽ, ni ekatole̱ nãdšiaṅ.

¹² Ši ke̱ dšu adšu ye̱ eṅõ le̱, eto nõtše̱ le̱ nãdšiaṅ.

¹³ Asaṅ ke̱dši tšere̱mo̱ atšere̱le̱ le̱, hã eke̱-baye odase, ni *ekato noni atšere̱ le̱ nãdšiaṅ. *1 Mose 31,39.

¹⁴ Ni ke̱dši moko yamã kolo ko ye̱ enanyo ṅõ, ni ayele̱ awui, lo egbo ni nõtše̱ le̱ he be̱ mli le̱, dša eto nãdšiaṅ.

¹⁵ Ši ké̱ nõtše̱ le̱ he ye̱ mli le̱, ekato nãdšiaṅ; ké̱ edši apāyelinii le̱, bĕle̱ epāyeli eba.

¹⁶ Ni ke̱dši nū ko yalaka oblayō ní atše̱ko ehe bā, ni eke̱le̱ wo̱ le̱, hã ehãle̱ w̌ē̱nii ní etšṍ eṅã. 5 Mose 22,28. 29.

¹⁷ Ke̱dši etše̱ aakwa ake̱ eke̱le̱ hããle̱ le̱, eṅmẽ šika ehã, take̱ bo̱ni ahãa oblayei aw̌ē̱nii le̱.

¹⁸ Kāṅmẽ yō-ṅkũnyāyelo̱ gbe̱, ní ehĩ dšeṅ. 3 Mose 20,6. 27. 5 Mose 18,10. 1 Sam. 28,9.

¹⁹ Mofẽmo ní ke̱ kolo aawo le̱, dša agbele̱. 3 Mose 18, 23. 5 Mose 27,21.

²⁰ Mofẽmo ní aašã afo̱le ahã nyoṅmo̱ ko ye̱ Iehowa se̱ le̱, etšo musu. 5 Mose 13,7-13; 17,2-7.

²¹ Kāwa gbo̱ yi, ni kāhaole̱ hũ; edšake̱ nye hũ nyeyatšṍmo̱ gboi ye̱ Mizraim šikpoṅ le̱ no̱. 23,9. 3 Mose 19,33. 34. 5 Mose 10,18. 19; 24,17. 18; 27,19.

²² Nyekawaä yō-okũlafo ko lo awusã ko yi. Ies. 1,17.

²³ Ši ke̱dši owaame̱ yi, ni ame̱fó ame-tšé̱mi le̱, dša mibo ame̱yāfó le̱ toi;

²⁴ ni mimlifũ le̱ nā aawa naakpa, ni mike̱ klante aagbenye, ni nyeṅãmei aatšṍmo̱ okũlafoi, ni nyebii aatšṍmo̱ awusãi.

²⁵ Ke̱dši ofa mimaṅbĩi le̱ ateṅ ohĩafo ko ní ke̱o yo̱ šika le̱, kāšile̱ akaple, ni kāhele̱ hekpa hũ. 3 Mose 26,36. 5 Mose 23,20; 24,10.

²⁶ Ke̱dši he po oohe onanyo hebo awaba le̱, oke̱-kũ se̱ ohãle̱ dãni hũlũ ayanyõ ši; 5 Mose 24,12. 13.

²⁷ ši no pe̱ dši ehehanõ, ehewolo no̱ mama ni; meni eha ke̱-wo̱? ni aaba mli ake̱ ke̱dši ebo etšé̱mi le̱, mabo toi; edšake̱ me̱bo̱nalo̱ dšimi.

²⁸ *Kodšolo̱i le̱, kādše̱ame̱; ni †omaṅ-onukpa hũ, kālomole̱. *21,6. †Dsads. 10,20. Bo̱f. 23,6.

²⁹ *Onikpame̱nii ke̱ owein mli kleṅ-kleṅnõ hãmo le̱, kāṅo-šašao ši. Obihĩĩ ateṅ †kromo̱bi le̱, ṅõ-hãmi. *5 Mose 18,4. †2 Mose 13,2. 13.

³⁰ Nakai noṅṅ ofe otšinai ke̱ otoi le̱: gbĩĩ kpawo eke̱ enye ahĩ ši; gbĩ ní dši gbĩ kpānyo le̱ oṅõle̱ ohãmi. 3 Mose 22,27.

³¹ Ni nyeafe mei kroṅkroṅi nyehãmi; nohewo̱ le̱ nyekayea lō ko ní *atšere̱ ye̱ ṅãno̱; nyeše̱re̱a nyeſiea gbẽ́i. *3 Mose 7,24; 11,40; 17,15; 22,8. 5 Mose 14,21. Ezek. 44,31.