2 Mose 10 - Ṅmãle̱ Kroṅkroṅ Le̱

¹ Ni Iehowa kē̱ Mose ake̱: Ta Farao ṅõ, ši miwadše etšui ke̱ etšũdši le̱ atšui, beni afe ní mafe mikadii ne̱ fẽ matšõame̱,

² koni ogba nibii ní mife ye̱ Mizraim, ke̱ mikadii hũ ní mife ye̱ ame̱teṅ le̱, owo obii ke̱ obii abii atoiaṅ, koni nyená nyele ake̱ *midši Iehowa le̱. *6,2-7.

³ Ni Mose ke̱ Aaron te Farao ṅõ, ni ame̱yakē̱le̱ ake̱: Bo̱ni Iehowa, *Hebribii a-Nyoṅmo̱ le̱, kē̱ ne̱: Mẽ beyino̱ po ookplẽ ní oba ohe ši ye̱ mihĩe? Hã mimaṅ le̱ aya, ní ame̱yasúmo̱mi. *5,3.

⁴ Ši ke̱dši okplẽẽ ní mimaṅ le̱ aya le̱, na, wó̱ le̱ mahã bālabii aba okpokpai le̱ ano̱,

⁵ ni ame̱aha šikpoṅ le̱ hĩe, bo̱ni anaṅ šikpoṅ; ni ame̱aye nii ní ſe̱ ní hĩe kpãtãã ní nyoṅmo̱ṅte̱i le̱ šĩ hãnye le̱, ni ame̱-aye nyetšei fẽ ní tšĕrẽo̱ bāi ye̱ ṅãno̱ le̱.

⁶ Ni ame̱ayimo̱ ošĩai ke̱ otšũdši fẽ ašĩai ke̱ Mizraimbii fẽ ašĩai, bo̱ni otše̱mei le̱ ke̱ otše̱mei atše̱mei le̱ enako no̱ pẽṅ ke̱-dše̱ beyino ní ame̱ba šikpoṅ le̱ no̱ ke̱-baši ṅme̱ne̱ gbĩ ne̱. Ni etšṍ ehe, ni edše Farao ṅõ.

⁷ Ke̱ke̱ ni Farao tšũdši le̱ kē̱le̱ ake̱: Mẽ beyino noṅṅ ni nū ne̱ aahaowo̱ ke̱-yaši? Hã gbomei le̱ aya ní ame̱yasúmo̱ Iehowa, ame̱-Nyoṅmo̱ le̱! Ani oleko ake̱ Mizraim mifite?

⁸ Ni ayaṅõ Mose ke̱ Aaron ke̱-ba Farao hĩe ekoṅ, ni ekē̱ame̱ ake̱: Nyeyaä ní nyeyasúmo̱a Iehowa nye-Nyoṅmo̱ le̱. Namei ke̱ namei dši mei ní baya le̱?

⁹ Ni Mose kē̱: Wo̱ke̱ wo̱gbekẽbii ke̱ wo̱nukpai le̱, ke̱ wo̱bihĩĩ ke̱ wo̱biyei le̱, ke̱ wo̱tōi ke̱ wo̱tšinai baya; edšake̱ wo̱yaye *gbĩdšŭrõ wo̱hã Iehowa. *5,1.

¹⁰ Ni ekē̱ame̱ ake̱: Iehowa aadšŏ̱nye, bo̱ni mi hũ mibahãnye ke̱ nyebii le̱ aya ne̱! Nyekwe̱a, ani dšee sane fõṅ yo̱ nyeyitšoṅ ne̱?

¹¹ Dabi; nyehĩĩ le̱ ke̱ke̱ nyeyaä nyeyasúmo̱a Iehowa; edšake̱ no noṅṅ dši noni nyetaoo̱! Ni aſieame̱ ke̱-dše̱ Farao hĩe.

¹² Ke̱ke̱ ni Iehowa kē̱ Mose ake: Kpã onine mli ye̱ Mizraim šikpoṅ le̱ no̱ ye̱ bālabii le̱ ahewo, koni ame̱ba Mizraim šikpoṅ le̱ ne̱, ní ame̱baye šikpoṅ le̱ no̱ bāi fẽ ke̱ nibii fẽ ní *nyoṅme̱ṅte̱i le̱ ešì le̱. *9,32.

¹³ Ni Mose kpã etšo le̱ mli ye̱ Mizraim šikpoṅ le̱ no̱, ni Iehowa hã bokã kō̱yo̱ batſa ye̱ šikpoṅ le̱ no̱ nakai gbĩ le̱ fẽ ke̱ nakai nyō le̱ṅ fẽ; ni beni dše tše̱reo̱ le̱, bokã kō̱yo̱ le̱ ke̱ bālabii le̱ eba.

¹⁴ Ni bālabii le̱ ba Mizraim šikpoṅ le̱ fẽ no̱, ni ame̱baſie Mizraim kpokpai le̱ fẽ no̱ nyẽṅẽnyẽṅẽ, bālabii le̱ eko bako dã ní tame̱ame̱, ni ame̱se̱ ne̱ hũ eko baṅ nakai doṅṅ.

¹⁵ Edšake̱ ame̱ha šikpoṅ mū le̱ fẽ hĩe ni šikpon le̱ ne̱ wo duṅ, ni ame̱ye šikpoṅ le̱ no̱ bāi fẽ ke̱ tšei ní nyoṅmo̱ṅte̱i le̱ šĩ le̱ no̱ yibii fẽ, ni nokonoko eſe̱e̱ ní dši efo̱ ye̱ tšei lo bāi ano̱ ye̱ ṅãno̱ ye̱ Mizraim šikpoṅ le̱ no̱ fẽ.

¹⁶ Ke̱ke̱ ni Farao tšũ ayatšé̱ Mose ke̱ Aaron ke̱-ba oya mli ni ekē̱: *Mife Iehowa, nye-Nyoṅmo̱ le̱, ke̱ nye hũ eša; *9,27.

¹⁷ ši agbe̱ne̱ ṅõ mihe eša le̱ ofami šikome ne̱ hũ, ni *nyekpaä Iehowa, nye-Nyoṅmo̱ le̱, fai, koni edšie ne̱ke̱ gbĕle ne̱ ke̱ke̱ ke̱-dše̱ mino̱. *8,8. 1 Sam. 12,19.

¹⁸ Ni edše Farao ṅõ ete *eyakpa Iehowa fai. *4 Mose 11,2.

¹⁹ Ni Iehowa hã anai kō̱yo̱ ní nā wa naakpa batſa, ni elō bālabii le̱ ke̱-te, ni eke̱ame̱ yaſie Ṅšo̱-tšuru le̱ mli; bālabii le̱ ateṅ ekomeflo eſe̱e̱ ye̱ Mizraim kpokpai le̱ fẽ no̱.

²⁰ Ši Iehowa wadše Farao tšui, ni ehãã Israelbii le aya. 4,21.

²¹ Ni Iehowa kē̱ Mose ake: Kpã onine mli ke̱-ya ṅwei, koni duṅ awo ye̱ Mizraim šikpoṅ le̱ no̱, duṅ kabitī.

²² Ni Mose kpã enine mli ke̱-te ṅwei, ni duṅ kpī wo ye̱ Mizraim šikpoṅ le̱ no fẽ gbĩĩ etẽ;

²³ mokomoko enaa enanyo, ni mokomoko etee ši ye̱ egbe̱he gbĩĩ etẽ; ši dšeṅ tše hã Israelbii le̱ fẽ ye̱ ame̱hĩle̱hei le̱.

²⁴ Ke̱ke̱ ni Farao tšé̱ Mose ni ekē̱. Nyeyaä ní nyeyasúme̱a Iehowa; nyetoi ke̱ nyetšinai le̱ ke̱ke̱ nyešĩa ye̱ bie̱; *nyebii le̱ hũ kenye aya. *K. 10.

²⁵ Ni Mose kē̱: Dša bo hũ ohãwo̱ gbē-afo̱lei ke̱ šā̃-afo̱lei wo̱hĩe wo̱dẽ, ní woyašã we̱hã Iehowa, wo̱-Nyoṅmo̱ le̱.

²⁶ Ni wo̱koloi akui le̱ hũ wo̱ke̱-mīya, ni ašĩṅ kokloto tete ye̱ se̱; ši nomei eko wo̱ke̱-yasúmo̱ Iehowa, wo̱-Nyoṅmo̱ le̱; ši wo̱dientše̱ wo̱lee noni wo̱ke̱-yasúmo̱ Iehowa, ake̱ dša wo̱še̱ dše̱i fẽdã.

²⁷ Ši Iehowa wadše Farao tšui, ni ekplẽẽ ake̱ ameya. 4,21.

²⁸ Ni Farao kē̱le̱ ake̱: Dšee mino̱ ní oya! Kwe̱ ohe ní ahĩ, ní okaba mihĩe doṅṅ; ši gbĩ ne̱ ní oona mihĩe le̱, oogbo.

²⁹ Ni Mose kē̱: Odšogbāṅ; mibaṅ ohĩe doṅṅ!