2 Kronika 8 - Ṅmãle̱ Kroṅkroṅ Le̱

¹ Ni eba mli ake̱ afii nyoṅmai-enyo̱ ni Salomo ke̱-mã Iehowa šĩa le̱ ke̱ le̱dientše̱ ešĩa le̱ se̱ le̱,

² Salomo sā mãdši ni Huram hãle̱ le̱ hũ, ni ehã Israelbii yahĩ dše̱i.

³ Ke̱ke̱ ni Salomo yiṅ ete Hamat-Zoba, ni eye eno̱.

⁴ Ni eto Tadmor ye̱ ṅã le̱ no̱, ke̱ nitō-mãdši fẽ ní eto ye̱ Hamat le̱.

⁵ Ni esā eto Bet-Horon ni yo̱ yiteṅ-gbe̱ le̱ ke̱ Bet-Horon ní ye̱ šišigbe̱ le̱, ni dši mãdši ní atſa gbogboi awo he ke̱ amenā agboi ke̱ ame̱se̱ adabãṅi le̱;

⁶ ke̱ Baalat ke̱ nitō-mãdši ní Salomo yo̱ le̱ fẽ, ke̱ ſīlii amãdši le̱ fẽ, ke̱ okpo̱ṅo̱iatše̱mei amãdši le̱, ke̱ nofẽno ni Salomo taoo amã ye̱ ehĩetšĕre̱dšiemo̱ hewo ye̱ Ierusalem ke̱ Lebanon ke̱ eno̱yeli šikpoṅ mū le̱ fẽ no̱ le̱.

⁷ Asaṅ Hitbii ke̱ Amorbii ke̱ Perizbii ke̱ Hivbii ke̱ Iebusbii le̱ ateṅ mei fẽ ni ſe̱ ní dšee Israelbii le̱,

⁸ ame̱bii ni ſe̱ ye̱ ame̱se̱ ye̱ šikpoṅ le̱ no̱, *ní Israelbii le̱ kpãtãã ame̱hĩe le̱, ame̱ Salomo tšũo̱ame̱ nyṍdši-onīa ke̱-baši ṅme̱ne̱ gbĩ ne̱. *Ios. 16,10.

⁹ Ši Israelbii le̱, Salomo eṅõõ ame̱teṅ mokomoko efee nyṍṅ ní etšu nii ehãle̱, ši moṅ ame̱dsi tabiloi ke̱ esafoiatše̱mei le̱ ano̱ onukpai ke̱ eſīlii ke̱ ekpo̱ṅo̱iatše̱mei le̱ ano̱kwe̱lo̱i.

¹⁰ Mene̱mei dši maṅtše̱ Salomo tšũdši nukpai: mei ohai-enyo̱ ke̱ nyoṅmai-enumo̱ ni yeo̱ maṅ le̱ no̱.

¹¹ Ni Salomo ṅõ Farao biyō le̱ ke̱-dše̱ David mã le̱ṅ ke̱-ba šĩa ni emã ehãle̱ le̱; edšake̱ ekē̱: Miṅã le̱ akahĩ Israel maṅtše̱ David we le̱; edšake̱ ake̱-ni Iehowa adeka le̱ eba dše̱i hewo̱ le̱ hekroṅkroṅ ni.

¹² *Ni Salomo šã šã-afo̱lei ehã Iehowa ye̱ Iehowa afo̱lešãlate̱ le̱ ni †emã ye̱ koi le̱ hĩe le̱ no̱, *1,3-5. †4,1.

¹³ gbĩ-fẽ-gbĩ ke̱ enõ, ni ešã afo̱lei le̱ bo̱ni *Mose wo kitã le̱, ye̱ hedšō̱mo̱gbĩĩ le̱ ke̱ nyõdši hēi le̱ ke̱ gbĩĩ dšudši ni ato le̱ ano̱ šii etẽ ye̱ afi mli: ye̱ akpĩtĩ gbĩdšũrõ le̱ ke̱ otšii agbĩdšũrõ le̱ ke̱ asesei agbīdšũrõ le̱ no̱. *4 Mose 28,2. 9. 11. 17. 25; 22,12.

¹⁴ Ni eke̱ *oso̱foi asafokui le̱ damo̱ ame̱súomo̱ le̱ nā, bo̱ni etše̱ David eto gbe̱dšiano̱ le̱, ke̱ Levibii le̱-hũ ye̱ ame̱nitšumo̱i le̱ anā, ní ame̱la yidšiemo̱lalai ni ame̱súmo̱ ye̱ oso̱foi le̱ ahĩe, gbĩ-fẽ-gbĩ ke̱ enõ, ke̱ agbónākwe̱le̱i le̱ hũ ye̱ ame̱-safokui le̱ anā ye̱ agbṍ-fẽ-agbṍ he; edšake̱ nakai Nyoṅmo̱ gbomo David wo kitã. *1 Kron. 23-26.

¹⁵ Ni ame̱kpalee ke̱-dšee maṅtše̱ le̱ kitã ni ewo oso̱foi le̱ ke̱ Levibii le̱ ye̱ sane-fẽ-sane ke̱ dſetrii le̱ ahewo̱ le̱ he.

¹⁶ Ni Salomo nii ni etšu ke̱-dše̱ gbĩ ní ato Iehowa šĩa le̱ šiši le̱ āhũ ke̱-yaši beyino̱ ni egbe nā, ni Iehowa šĩa le̱ ye emū le̱, asā fẽ ato.

¹⁷ No be le̱ mli le̱ Salomo yiṅ ete Ezion-Geber ke̱ Elot ní yo̱ ṅšo̱ nā ye̱ Edom šikpoṅ le̱ no̱ le̱.

¹⁸ Ni Huram tšṍ le̱dientše̱ etšũdši anine no̱ eyahãle̱ le̱dši ke̱ tšũdši ni le ṅšo̱ he nii, ni ame̱ke̱ Salomo tšũdši le̱ yiṅ te Ofir, ni ame̱yaṅõ šika talentai ohai-edſe̱ ke̱ nyoṅmai-enumo̱ ye̱ dše̱i, ni ame̱ke̱-bahã maṅtše̱ Salomo.