2 Kronika 35 - Ṅmãle̱ Kroṅkroṅ Le̱

¹ Ke̱ke̱ ni Iosia ye Hehō gbĩdšũrõ ye̱ Ierusalem ehã Iehowa, ni ame̱gbe Hehō tōbi le̱ ye̱ kleṅkleṅ nyõṅ le̱ no̱ gbĩ ní dši gbĩ nyoṅma ke̱ edſe̱ le̱ no̱.

² Ni eke̱ oso̱foi le̱ yadamo̱ amenitšumo̱i le̱ anā, ni ewoame̱ hewale̱, koni ame̱súmo̱ ye̱ Iehowa we le̱.

³ Ni ekē̱ Levibii ni tšõo̱ Israel mū le̱ fẽ nii ni ame̱dši mei kroṅkroṅi ame̱-hã Iehowa le̱ ake̱: Nyewóa adeka kroṅkroṅ le̱ nyeyamãa *šĩa ní Salomo, Israel maṅtše̱ David bi le̱, mā le̱; etẽremo̱ kãã nyekõṅ doṅṅ. Agbe̱ne̱ nyesúmo̱a Iehowa, nye-Nyoṅmo̱ le̱, ke̱ emaṅ Israel; *1 Maṅ. 6,1.

⁴ ni nyesāa nyehe ye̱ nyetše̱mei awei le̱ anā ye̱ nyesafokui le̱ anā, take̱ bo̱ni David, Israel maṅtše̱ le̱, ke̱ ebi Salomo ṅmã le̱;

⁵ ni nyedamo̱a hekroṅkroṅ le̱ ye̱ nyenyemimei maṅbii le̱ atše̱mei awei le̱ amlidšāi le̱ anā, ke̱ Levibii le̱ awekui le̱ amlidšāi le̱ anā;

⁶ ni nyegbea Hehō tōbi le̱, ni nyefea nyehe kroṅkroṅ, ni nyesāa nyehãa nyenyemimei le̱, ni nyefe take̱ bo̱ni Iehowa tšṍ Mose no̱ ewie le̱.

⁷ Ke̱ke̱ ni Iosia *hā maṅbii le̱ tōi, gwanteṅbii ke̱ abotiabii, koni ake̱ fẽ afe Hehō-afo̱lei ahã mofẽmo ni yo̱ dše̱i, ame̱-yibo̱ dši akpei-nyoṅmai-etẽ, ke̱ tšinai hũ akpei-etẽ; nii ne̱ fẽ dše̱ maṅtše̱ le̱ nii le̱ amli. *30,24.

⁸ Ni enukpai le̱ hũ hã maṅ le̱ ke̱ oso̱foi le̱ ke̱ Levibii le̱ eko ye̱ ame̱suo-mo̱ nā. Hilkia ke̱ Zakaria ke̱ Iehiel ni dši Nyoṅmo̱ we le̱ lume̱i le̱ hã oso̱foi le̱ tōi akpei-enyo̱ ke̱ ohai-ekpa ke̱ tšinai ohai-etẽ ni ake̱-fe Hehō-afo̱lei.

⁹ Ni Konania ke̱ Šemaia ke̱ Netanel, enyemimei le̱, ke̱ Hašabia ke̱ Ieiel ke̱ Iozabad ni dši Levibii le̱ anukpai le̱ hũ hã Levibii le̱ tōi akpei-enumo̱ ke̱ tšinai ohai-enumo̱ ni ake̱-fe Hehō-afo̱lei.

¹⁰ Ke̱ke̱ ni ato súomo̱ le̱ gbe̱dšiane̱, ni oso̱foi le̱ damo̱ ame̱šidamo̱he le̱ ke̱ Levibii le̱ hũ ye̱ ame̱safokui le̱ anā, ye̱ maṅtše̱ le̱ kitã le̱ nā.

¹¹ Ni ame̱gbegbẽ Hehō tōbii le̱, ni oso̱foi le̱ ṅō lá le̱ ke̱-dše̱ ame̱deṅ ame̱fã, ši Levibii le̱ kplo̱ ame̱hewodši le̱.

¹² Ni ame̱dšie šã-afo̱lei le̱ ye̱ he, koni ame̱ṅõ-hã ye̱ maṅbii le̱ atše̱mei awei le̱ amlidšāi le̱ anā, ni ake̱-hã Iehowa, take̱ bo̱ni aṅmã ye̱ Mose wolo le̱ mli le̱; ni nakai noṅṅ ame̱fe tšinai le̱ hũ.

¹³ Ni ame̱šã Hehō tōbii le̱ ye̱ la no̱, tamo̱ bo̱ni ato le̱; ši nii kroṅkroṅi le̱ ame̱hõ ye̱ kukwe̱ii ke̱ dadeseṅi ke̱ kãi amli, ni ame̱ke̱-bahã maṅbii le̱ oyá.

¹⁴ No se̱ le̱ ame̱fe ame̱dientše̱ ame̱nõ ke̱ oso̱foi le̱ hũ anõ; edšake̱ oso̱foi le̱ ní dši Aaron bii le̱ kã šã-afo̱lei le̱ ke̱ fo̱i le̱ ašā̃ he ke̱-yaši dšenamo̱, nohewo̱ ni Levibii le̱ fe ame̱dientše̱ ame̱nõ ke̱ oso̱foi ni dši Aaron bii le̱ hũ anõ le̱.

¹⁵ Ni *lalatše̱mei ni dši Asaf bii le̱ hũ ye̱ ame̱šidamo̱he le̱, ye̱ David ke̱ Asaf ke̱ Heman ke̱ Iedutun, maṅtše̱ le̱ ninalo̱ le̱, kitã le̱ nā; ni †agbónākwe̱lo̱i le̱ ye̱ agbó-fẽ-agbó nā. Ame̱be̱ hegbe̱ ake̱ ame̱-dšeo̱ ame̱šidamo̱he le̱, hewo̱ le̱ ame̱nyemimei Levibii le̱ feo̱ ame̱nõ hãa-ame. *1 Kron. 25,1. †1 Kron. 26,1.

¹⁶ Ni ato Iehowa súomo̱ le̱ gbe̱dšiano̱ ye̱ nakai gbĩ le̱ no̱, ni aye Hehō le̱, ni asã šã-afo̱lei le̱ ye̱ Iehowa afo̱lešãlate̱ le̱ no̱, tamo̱ bo̱ni maṅtše̱ Iosia wo kitã le̱.

¹⁷ Ni Israelbii ni ba dše̱i le̱ ye Hehō le̱ ye̱ nakai be le̱ mli, ke̱ akpĩtĩ gbĩ-dšũrõ le̱ gbĩĩ kpawo.

¹⁸ Ni ayeko *Hehō ko ni tamo̱ ene̱ pẽṅ ye̱ Israel ke̱-dše̱ gbalo̱ Samuel gbĩĩ le̱ ano̱; ni asaṅ Israel maṅtše̱mei le̱ eko eko yeko Hehō ko pẽṅ ní tamo̱ noni Iosia ke̱ oso̱foi le̱ ke̱ Levibii le̱ ke̱ Iuda mū le̱ fẽ ke̱ Israelbii ni ba dše̱i le̱ ke̱ Ierusalembii le̱ ye le̱. *30,24.

¹⁹ Iosia maṅtše̱yeli afi ni dši nyoṅma ke̱ kpānyo̱ le̱ no̱ aye ne̱ke̱ Hehō ne̱.

²⁰ Ene̱mei fẽ ase̱, beni Iosia esã so̱lemo̱we le̱, Mizraim maṅtše̱ Neko fã ke̱-ba ni eke̱ Karkemiš ni yo̱ Eufrate nā le̱ abawu. Ni Iosia yiṅ ete eke̱le̱ yakpe.

²¹ Ši etšũ bo̱foi ke̱-ba eṅõ abakē̱: Mẽ sane mike̱o yo̱, bo Iuda maṅtše̱? Dšee bo ono̱ miba ṅme̱ne̱ ne̱, ši moṅ šĩa ni mike̱-yo̱ ta le̱ ne̱ miba; ni Nyoṅmo̱ efã́-mi ake̱ mife oyá. Kākwe̱ ní obata Nyoṅmo̱ moni ke̱mi yo̱ le̱ he, ni ekpãtã ohĩe!

²² Ši Iosia tšṍṍ ehĩe ke̱-dše̱e̱ ehe, ši moṅ efĩ no̱ ake̱ eke̱le̱ aawu, ni eboo Neko wiemo̱i ní dše̱ Nyoṅmo̱ dāṅ le̱ toi, ni ete eke̱le̱ yawu ye̱ Megido dšō̱ le̱ mli.

²³ Ni gãitšẽlo̱i le̱ tšẽrẽ maṅtše̱ Iosia gãii; ni maṅtše̱ le̱ kē̱ etšũdši le̱ ake̱: Nyeke̱mi adšea bie̱, edšake̱ mipila naakpa!

²⁴ Ni etšũdši le̱ wóle̱ ye̱ ſīli le̱ mli ni ame̱ke̱le̱ wo ſïli kroko ni ehĩe le̱ mli, ni ame̱ke̱le̱ ba Ierusalem; ni ebagbo, ni afũle̱ ye̱ etše̱mei afũhei le̱. Ni Iuda ke̱ Ierusalem fẽ fó Iosia.

²⁵ Ni *Ieremia fo Iosia he yāfólala, ni lalatše̱mei hĩĩ ke̱ yei fẽ tšĩo̱ Iosia tã ye̱ ame̱yāfólalai amli ke̱ ṅme̱ne̱; hi ame̱-ke̱-fe gbe̱nā ní kã ši ye̱ Israel, ni na, aṅmã ye̱ yāfólalai le̱ amli. *Ier. 22,10. 11.

²⁶ Ši Iosia he sãdši ni eſe̱ ke̱ enii kpakpai ní efe take̱ bo̱ni aṅmã ye̱ Iehowa mla le̱ mli le̱,

²⁷ ke̱ ekleṅkleṅ ke̱ se̱kpẽ sãdši le̱, na, aṅmã ye̱ Israel ke̱ Iuda maṅtše̱mei le̱ awolo le̱ mli.