2 Kronika 14 - Ṅmãle̱ Kroṅkroṅ Le̱

¹ Ni Asa fe noni hĩ ke̱ noni dša ye̱ Iehowa, e-Nyoṅmo̱ le̱, hĩe;

² [3.] edšake̱ edšie maṅse̱ afo̱lešãlate̱i ke̱ hei groṅṅi le̱, ni ekũmo̱ amãgãi le̱, ni eflo̱ wo̱ṅkōi le̱ eſie ši;

³ [4.] ni ekē̱ Iuda ake̱ ame̱tao Iehowa, ame̱tše̱mei a-Nyoṅmo̱ le̱, se̱gbe̱, ni ame̱ye mla le̱ ke̱ kitã le̱ no̱.

⁴ [5.] Ni edšie hei groṅṅi le̱ ke̱ hũlũ amãgãi le̱ ye̱ Iuda mãdši le̱ fẽ amli. Ni maṅtše̱yeli le̱ no̱ dšo̱ ye̱ ehĩe.

⁵ [6.] Ni eto mãdši ni atſa gbogboi awo he ye̱ Iuda; edšake̱ šikpoṅ le̱ no̱ edšo̱, ni ake̱le̱ wuu ta ye̱ nakai afii le̱ amli; edšake̱ *Iehowa ehã ehe edšole̱. *15,15.

⁶ [7.] Nohewo le̱ ekē̱ Iuda ake̱: Nyehãa wo̱toa ne̱ke̱ mãdši ne̱, ni wo̱tſa gbogboi wo̱wo he ke̱ mõdši ke̱ agbói ke̱ ame̱se̱ adabãṅi; šikpoṅ le̱ kã ši hãwo̱, edšake̱ wo̱tao Iehowa, wo̱-Nyoṅmo̱ le̱, se̱gbe̱; wo̱taole̱, ni ehã wo̱he edšo̱wo̱ ye̱ hefẽhe ke̱-kpe. Ni ame̱totoi ni ame̱-te no̱ dšogbāṅ.

⁷ [8.] Ni Asa ye̱ tabiloi, ní hĩeo̱ tše̱ṅi wudši ke̱ akploi, akpei-ohai-etẽ ye̱ Iuda, ke̱ mei ni hĩeo̱ tše̱ṅi bibii ni ame̱-tšẽrẽo̱ gãii hũ akpei-ohai-enyo̱ ke̱ nyoṅmai-kpānyo̱ ye̱ Benyamin, mene̱mei fẽ le̱ hĩĩ kãkãlo̱i so̱ṅṅ ni.

⁸ [9] Ši Zera, Kušnyo le̱, ke̱ ta ni nā šio̱ mei akpei-akpe ke̱ ſīlii ohai-etẽ fã batuaame̱, ni eba Mareša tō̃.

⁹ [10.] Ni Asa fã ni eke̱le̱ yakpe, ni ame̱gbá ta ye̱ Zefata dšō̱ le̱ṅ ye̱ Mareša mase̱i.

¹⁰ [11.] Ni Asa blo̱ tšé̱ Iehowa, e-Nyoṅmo̱ le̱, ni ekē̱: Iehowa! *moni he wa ke̱ moni he waa teṅ le̱ moko be̱ ní aanyẽ aye abua mo ake̱ dša bo. Ye obuawo̱, Iehowa, wo̱-Nyoṅmo̱! Edšake̱ bo noṅṅ ono̱ wo̱hĩe kã, ni ogbe̱i ano̱ wo̱-baä wo̱ke̱ asafo babaō no̱ abakpe ne̱. Iehowa, bo dši wo̱-Nyoṅmo̱; kāhã ádesã nine mĩtšṍ ono̱! *1 Sam. 14,6.

¹¹ [12.] Ke̱ke̱ ni Iehowa tſia Kušbii le̱ anii ye̱ Asa ke̱ Iuda hĩe, ni Kušbii le̱ dšo foi.

¹² [13.] Ni Asa ke̱ maṅ ni fata ehe le̱ tiuame̱ ke̱-yaši Gerar; ni Kušbii le̱ ateṅ mei pī nyõnyõi ni ame̱nyẽẽ ame̱he ame̱kã doṅṅ; edšake̱ afeame̱ butū ye̱ Iehowa ke̱ eta le̱ hĩe. Ni ame̱lō hānii babaō dientše̱.

¹³ [14] Ni ame̱tſia mãdši fẽ ní hole Gerar ke̱kpe le̱ anii; edšake̱ Iehowa he ṅmiṅmi emõmo̱ame̱. Ni ame̱ba mãdši le̱ fẽ; edšake̱ hānii babaō ye̱ mli.

¹⁴ [15.] Ni ame̱tua lẽ̱̀koloi abũi le̱ hũ, ni ame̱lō tōi babaō ke̱ yomai, ni ame̱kũ ame̱se̱ ke̱-ba Ierusalem.