2 Kronika 13 - Ṅmãle̱ Kroṅkroṅ Le̱

¹ Agbe̱ne̱ maṅtše̱ Ierobeam yino̱ afi ni dši nyoṅma ke̱ kpānyo̱ le̱ no̱ Abia baye Iuda no̱ maṅtše̱.

² Ni eye maṅtše̱ afii etẽ ye̱ Ierusalem; ni enye gbe̱i dši Mikaia, Uriel ni dše̱ Gibea le̱ biyō le̱. Ni ta kā Abia ke̱ Ierobeam teṅ.

³ Ni Abia ke̱ hĩĩ kākãlo̱i ata ní nā šĩo̱ mei ní ahala akpei-ohai-edſe̱ tše̱ ta le̱, ni Ierobeam ke̱ hĩĩ ní ahala ní dši hĩĩ kãkãlo̱i akpei-ohai-kpānyo̱ gbá ta wole̱.

⁴ Ni Abia badamo̱ Zemaraim goṅ ni yo̱ Efraim gõdši le̱ ano̱ le̱ yiteṅ, ni ekē̱: Nyeboami toi, Ierobeam ke̱ Israel mū le̱ fẽ!

⁵ Ani nyelee ake̱ Iehowa, Israel Nyoṅmo̱ le̱, eṅõ Israel no̱ maṅtše̱yeli le̱ ehã David ke̱ ebii le̱ ke̱-mīya nāno̱ ye̱ *ṅō kpãṅmo̱ nā lo? *3 Mose 2,15. 4 Mose 18,19.

⁶ Ši Ierobeam, Nebat bi ní dši David bi Salomo tšũlo̱ le̱, te ši ni etše enuṅtšo̱ le̱ hĩe atũa.

⁷ Ni hĩĩ fõdši ní dši yakagbomei yafata ehe, ni ame̱wadše amehe ame̱ši Rehabeam, Salomo bi le̱; ni Rehabeam edako ni etsui esako, hewo̱ le̱ enyẽēame̱.

⁸ Ni agbe̱ne̱ nyekē̱ nyemīte ši nyewo Iehowa maṅtše̱yeli le̱ ní yo̱ David bii le̱ adeṅ le̱, edšake̱ nyeyi fá, ni nyehĩe *šika tšinabii ní Ierobeam fe hānye ake̱ nyoṅmo̱i le̱. *1 Maṅ. 12,28.

⁹ Nto nyeſie Iehowa oso̱foi, ní dši Aaron bii le̱, ke̱ Levibii le̱, ni *nyewo oso̱foi nyehã nyehe tamo̱ bo̱ni šikpõdši krokomei ano̱ bii feo̱ le̱? Mofẽmo ní ke̱ tšina oblanyo ko ke̱ tōagboi kpawo baa ni awole̱ oso̱fo le̱, ke̱ke̱ le̱ etšṍ nii ní dšee nyoṅmo̱i le̱ aso̱fo. *11,15.

¹⁰ Ši wo̱ le̱, Iehowa dši wo̱-Nyoṅmo̱, ni wo̱kwakole̱ ni wo̱ye̱ oso̱foi ni dši Aaron bii ní súmoo̱ Iehowa, ke̱ Levibii ní hĩe ame̱nitsumo̱ mli;

¹¹ ni *dā lebi ke̱ gbe̱ke̱ le̱ ame̱šãa šã-afo̱lei ke̱ tšofã-ke̱-ṅma ame̱hāa Iehowa, ni asaṅ ame̱too̱ hĩe-mā-abolo le̱ gbe̱dšiano̱ ye̱ okplō ni he tše le̱ no̱, ni ame̱sāa šika kanetšo ke̱ ehe kanei ni asuo̱ dā gbe̱ke̱ le̱; edšake̱ wo̱ le̱ wo̱feo̱ Iehowa, wo̱-Nyoṅmo̱ le̱, gbe̱nānii le̱, ši nye le̱ nyekwale̱! *4 Mose 28,3-8.

¹² Ni na, Nyoṅmo̱ ke̱wo̱ ye̱, ni enyie wo̱hĩe, ke̱ eso̱foi ke̱ *ošebō̱ te̱tre̱mantre̱i ni ake̱-bo̱ oše awonye. Ō Israelbii! nye-ke̱ Iehowa, nyetše̱mei a-Nyoṅmo̱ le̱, akawua; edšake̱ nyeyeṅ omanye! *4 Mose 10,9.

¹³ Ši Ierobeam hã káwolo̱i lo̱go̱ame̱ ke̱-yadse ame̱se̱gbe̱; ni ame̱ye̱ Iuda hĩegbe̱, ši káwolo̱i le̱ ye̱ ame̱se̱gbe̱.

¹⁴ Ni beni Iudabii le̱ yakwe̱ ame̱se̱ le̱, na, ta ye̱ ame̱hĩegbe̱ ke̱ ame̱se̱gbe̱. Ke̱ke̱ ni ame̱blo̱ ame̱tšé̱ Iehowa, ni oso̱foi le̱ kpã te̱tre̱mantre̱i le̱,

¹⁵ ni Iudabii le̱ bo̱ oše; ni eba mli ake̱, beni Iudabii le̱ bo̱ oše le̱, Nyoṅmo̱ tſia Ierobeam ke̱ Israel mū le̱ fẽ nii ye̱ Abia ke̱ Iuda hĩe.

¹⁶ Ni Israelbii le̱ dšo foi ye̱ Iuda hĩe, ni Nyoṅmo̱ tuame̱ ewo ame̱deṅ,

¹⁷ Ni Abia ke̱ emaṅ le̱ gbeame̱ butū, ni mei ní nyõnyõi ye̱ Israel dši mei akpei-ohai-enumo̱, hĩĩ ni ahala so̱ṅṅ.

¹⁸ Ni aba Israelbii le̱ aši ye̱ nakai be le̱ mli; ši Iudabii le̱ ná hewale̱, edšake̱ ame̱ṅõ ame̱hĩe ame̱fõ Iehowa, ame̱tše̱mei a-Nyoṅmo̱ le̱, no̱.

¹⁹ Ši Abia tiu Ierobeam, ni eyašõ mãdši ye̱ edeṅ: Betel ke̱ ehe mãdši le̱, ke̱ Iešana ke̱ ehe mãdši le̱, ke̱ Efron ke̱ ehe mãdši le̱.

²⁰ Ni Ierobeam náá hewale̱ ko doṅṅ ye̱ Abia gbĩĩ le̱ amli; ni Iehowa tſale̱ nõ ni egbo.

²¹ Ni Abia tšṍ agbo; ni ew̌e̱ yei nyoṅma ke̱ edſe̱, ni efo bihĩĩ nyoṅmai enyo ke̱ enyo̱ ke̱ biyei hũ nyoṅma ke̱ ekpa.

²² Ni Abia he sãdši ni eſe̱ le̱ ke̱ enifemo̱nii ke̱ ewiemo̱i le̱, aṅmã ye̱ gbalo̱ Ido šišitsõmo̱wolo le̱ mli. *12,16.

²³ [Y 14,1] Ni Abia ke̱ etše̱mei le̱ yawo̱, ni ame̱fũle̱ ye̱ David mã leii; ni ebi Asa baye maṅtše̱ ye̱ ese̱. Eyino̱ le̱ šikpoṅ le̱ no̱ dšo̱ afii nyoṅma.