2 Korintobii 6 - Ṅmãle̱ Kroṅkroṅ Le̱

¹ Ši ake̱ noni *hefatalo̱i nitšulo̱i dšiwo̱ hewo̱ le̱, wo̱wieo̱ wo̱tšõo̱nye hũ, ní nyekahé Nyoṅmo̱ dromo̱ le̱ yakatſā; *1,24; 5,20.

² edšake̱ *ekē̱ ake̱: “Be ni sa mli miboö toi ye̱, ni walaheremo̱ gbĩ no̱ hũ miye mibuao ye̱.” Na, †be ní sa dšogbāṅ ne̱; na, walaheremo̱ gbĩ ne̱. *Ies. 49,8. †Luk. 4,19. 21.

³ Ni asaṅ wo̱too mokomoko pāmpi ye̱ nokonoko mli, koni akagbe súomo̱ le̱ he guo̱;

⁴ ši moṅ, nofẽno mli le̱ *wo̱ke̱ wo̱he tšõo̱ ake̱ Nyoṅmo̱ súolo̱i, ye̱ tšuišĩṅmē̃ babaō mli, ye̱ amanehũlũi amli, ye̱ fĩmo̱i amli, ye̱ haomo̱i amli, *4,2.

⁵ ye̱ yii amli, ye̱ gbokle̱foi-atšũi amli, ye̱ hōfemo̱i amli, ye̱ deṅme-gbomo̱i amli, ye̱ kpešii amli, ye̱ buadayelii amli, 11,23-27.

⁶ ye̱ *hetšemo̱ mli, ye̱ nilē mli, ye̱ dſẽṅmo̱ ní se̱ tše̱o̱ mli, ye̱ mlihĩle̱ mli, ye̱ Mumo̱ kroṅkroṅ mli, ye̱ suomo̱ ní pasaa mli, *1 Tim. 4,12.

⁷ ye̱ ano̱kwale wiemo̱ mli, ye̱ *Nyoṅmo̱ hewale̱ mli, ke̱-tšṍ dšale̱ tawūnii ni dši ninedšŭrõ nõ ke̱ nineabe̱ku nõ le̱ amli, *1 Kor. 2,4.

⁸ ke̱-tšṍ anumnyam ke̱ heguo̱gbē mli, ke̱-tšṍ hewiemo̱ fõṅ ke̱ hewiemo̱ kpakpa mli; tamo̱ šišiulo̱i, kẽle̱ ano̱kwafoi dšiwo̱;

⁹ tamo̱ mei ní alee ke̱ mei ní ale kre̱dē̱; tamo̱ mei ní *gboio̱, ni na, wo̱hĩe kãmo̱; tamo̱ mei ní †agblaame̱ toi, ni kẽle agbekowo̱; *4,10. 11. †Lal. 118,18.

¹⁰ tamo̱ ṅko̱mo̱yelilo̱i, ši wo̱mī še̱o̱ dā; tamo̱ ohĩafoi, ši wo̱tšakeo̱ mei pī wo̱feo̱ame̱ niiatše̱mei; tamo̱ mei ní be̱ noko, ni kẽle̱ wo̱ye̱ nii fiā. Fil. 4,12. 13.

¹¹ Wo̱nābu egble ehãnye, Korintobii, wo̱tšui mli hũ elē̱.

¹² Gbe̱ ye̱ wo̱mli hãnye, ši nyedientše̱ nyemli moṅ nyefīo̱ ye̱.

¹³ Ni nye hã nyehãa nyemli alē̱a nakai noṅṅ, ní nyeke̱-towo̱ nãdšiaṅ (mike̱nye mīwie *tamo̱ bii). *1 Kor. 4,14.

¹⁴ Nyeke̱ mei ni hee yee le̱ akagblaä kõṅtšo kome ní yee egbo̱! Edšake̱ *mẽ bō̱ dšale̱ ke̱ mlatõmo̱ yo̱? alo mẽ yeli la ke̱ duṅ yo̱? *Ef. 5,11.

¹⁵ Ni mẽ gbēkpãmo̱ Kristo ke̱ Belial yo̱? alo mẽ nidšā moni heo̱ yeo ke̱ moni hee yee yo̱?

¹⁶ Ni asaṅ mẽ ekomefemo̱ Nyoṅmo̱ so̱lemo̱we ke̱ amãgãi yo̱? Edšake̱ *Nyoṅmo̱ hĩekãlo̱ le̱ so̱lemo̱tšũ dšinye, take̱ bo̱ni Nyoṅmo̱ †kē̱ ake̱: “Mahĩ ame̱mli, ni manyie ye̱ ame̱teṅ, ni matšṍ ame̱-Nyoṅmo̱, ni ame̱ hũ ame̱atšṍ mimaṅ.” *1 Kor. 3,15. †3 Mose 26,12.

¹⁷ *Nohewo̱ le̱ Iehowa kē̱, nyedšea ame̱teṅ, ni nyetšea nyehe, ni nyekataä mũdši noko he, ni maherenye atū, *Ies. 52,11. Kpods 18,4.

¹⁸ ni matšṍ nyetše̱, ni nye hũ nyeatšṍmo̱ mibihĩĩ ke̱ mibiyei, bo̱ni Iehowa, Ofe le̱, kē̱ ne̱. Ier. 21,9; 32,38.