2 Korintobii 5 - Ṅmãle̱ Kroṅkroṅ Le̱

¹ Edšake̱ wo̱le ake̱, ke̱ akũmo̱ *wo̱šikpoṅ ne̱ no̱ bū šĩa ne̱ dšiṅṅ, wo̱ye̱ tšũ ko ni dše̱ Nyoṅmo̱ ṅõ, šĩa ko ní dšee nidši ake̱-fe, ní hĩo̱ ši ke̱-yaä nāno, ye̱ ṅwei. *Hiob 4,19. 2 Pet. 1,13. 14.

² Edšake̱ wo̱dõmoo̱ ntšo̱i tete ye̱ ene̱ mli, ni wo̱ſeo̱ ake̱ aṅõ wo̱tšũ ní dše̱ ṅwei le̱ awowo̱, Rom. 8,23.

³ ni ke̱ ake̱-wowo̱ ne̱ke̱ le̱, no le̱ anaṅwo̱ ake̱ mei ní nyie yayai.

⁴ Edšake̱ wo̱ ní wo̱yo̱ bū le̱ṅ le̱ hū, ake̱-ní wohe dšrawo̱ hewo̱ le̱, wo̱dõmoo̱ ntšo̱i, edšake̱ wo̱sumo̱o̱ ake̱ adšie wo̱henii, ši moṅ wo̱sumoo̱ ake̱ *awowo̱ nii aſie no̱, koni wala le̱ amĩ noni gboo̱ le̱. *1 Kor. 15,53.

⁵ Ši moni sāwo̱ hã ene̱ noṅṅ dši Nyoṅmo̱, mo hũ ní hãwo̱ Mumo̱ le̱ kleṅkleṅnõ le̱. 1,22. Rom. 8,16. 25. Ef. 1,18. 14.

⁶ Nohewo̱ le̱ wo̱ye̱ tšui dā, ni wo̱le ake̱ gbĩĩ abo̱ ni wo̱yo̱ gbomotšo le̱ mli ne̱ wo̱dom *ke̱-dše̱ Nuṅtšo̱ le̱ ṅõ, — *Heb. 11,13.

⁷ edšake̱ hemo̱-ke̱-yeli nā wo̱-nyieo̱ ye̱, ši dšee ninamo̱ nā, — 1 Kor. 13,12.

⁸ ši wo̱ye̱ tšui, ni esa wo̱hĩe moṅ ake̱ wo̱o̱dom ke̱-dše̱ gbomotšo ne̱ mli, ni wo̱yahĩ šĩa ye̱ Nuṅtšo̱ le̱ ṅõ. Fil. 1,23.

⁹ Nohewo̱ le̱ oti ní wo̱ṅõ-mã wo̱hĩe dši ake, šĩa wo̱yo̱ dsio, *dommo̱ wo̱dom dšio, ní wo̱sa ehĩe. *Lal. 39,13.

¹⁰ Edšake̱ dša wo̱fẽ wo̱pue ſaṅṅ *ye̱ Kristo kodšomo̱sẽi le̱ hĩe, koni mofẽmo aná nii ní efe ye̱ gbomotšo mli le̱, bo̱bo̱ ní efe le̱, ekpakpa dšio, efõṅ dšio. *Bo̱f. 17,31. Rom. 2,16; 14,10.

¹¹ Nohewo le̱, ake̱-ní wo̱le Nuṅtšo̱ le̱ he ni yo̱ gbeyei hewo̱ le̱, wo̱wieo̱ wo̱tšõo̱ gbomei, ši wo̱ye̱ faṅṅ ye̱ Nyoṅmo̱ hĩe; ni mihĩe kã no̱ ake̱ wo̱ye̱ faṅṅ ye̱ nyehenilē mli hũ.

¹² Edšake̱ dšee *wo̱dientše̱ wo̱he yi wo̱dšieo̱ wo̱hãanye ekoṅ, ši moṅ wo̱ke̱mīhãnye gbe̱ ní nyeṅõ-fã nyefõ wo̱no̱, koni nyená eko nyekē̱ mei ni ſãa ye̱ hĩeaṅ ši dšee tšui mli le̱. *3,1.

¹³ Edšake̱, ké̱ se̱ke̱ wo̱yeo̱ dšiṅṅ, Nyoṅmo̱ wo̱yeo̱ wo̱hãa; ní ké̱ wo̱hĩe kã ši hũ dšiṅṅ, ekã ši ehãnye.

¹⁴ Edšake̱ Kristo suomo̱ le̱ nyẽo̱ wo̱no̱, ni wo̱kodšoo̱ ne̱ke̱, ake̱, ké̱ mokome gbo mei fẽ yigbĕle le̱, bĕle̱ mei le̱ fẽ egboi.

¹⁵ Ni egbo *mei fẽ yigbĕle, †koni mei ni hĩe kãmo̱ le̱ ahĩe akakãmo̱ mīhã ame̱dientše̱ ame̱he doṅṅ, ši moṅ ame̱hĩe akãmo̱ ahã moni gbo ni atēle̱ ši ekoṅ ahãame̱ le̱. *1 Tim 2,9. †Rom. 14,7. 8.

¹⁶ Nohewo̱ le̱, ke̱-dše̱o̱ ṅme̱ne̱ no̱ ke̱-yaä ne̱, wo̱lee mokomoko doṅṅ ye̱ helo mli; ni ké̱ helo mli wo̱le Kristo ye̱ tete le̱, kẽle̱ agbe̱ne̱ le̱ wo̱leele̱ nakai doṅṅ.

¹⁷ Hewo̱ le̱, *ke̱ moko ye̱ Kristo mli le̱, †bō̱nõ hi dšile̱; blemanii le̱ ého; **na, nibii fẽ étšṍmo ehẽ. *Rom. 8,1. 10. †Gal. 6,15. **Kpods. 21,5.

¹⁸ Ši nibii ne̱ fã dše̱ Nyoṅmo̱ deṅ, *moni tšṍ Iesu Kristo no̱ ekpãtã le̱dientše̱ eke̱wo̱ teṅ, ni eke̱ kpãtãmo̱-súomo̱ le̱ hãwo̱ le̱; *Rom. 5,10.

¹⁹ no dši ake̱ Nyoṅmo̱ tšṍ Kristo no̱ ekpãtã le̱dientše̱ eke̱ dše le̱ teṅ, ni ebuu ame̱no̱tõmo̱i le̱ ehããame̱, ni etu kpãtãmo̱-wiemo̱ le̱ ewo wo̱deṅ. Rom. 8,24. 25. Kol. 1,19. 20.

²⁰ Nohewe̱ le̱ wo̱dši *bo̱foi ye̱ Kristo, nãdšiaṅ, tamo̱ ake̱ Nyoṅmo̱ etšṍ wo̱no̱ eke̱ mei mīwie: wo̱damoo̱ Kristo nãdšiaṅ wo̱kpaänye fai ake̱: nyehãa akpãtãa nye ke̱ Nyoṅmo̱ teṅ! *Ies. 13,7.

²¹ Edšake̱ *moni lee eša le̱, wo̱hewo̱ le̱ ehã etšṍ †eša, koni wo̱ le̱ wo̱tšṍmo̱ **Nyoṅmo̱ dšale̱ ye̱ emli. *Heb. 4,15. †Gal. 3,13. **1 Kor. 1,30. Fil. 3,9.