2 Korintobii 1 - Ṅmãle̱ Kroṅkroṅ Le̱

¹ Paulo, ní dši Iesu Kristo bo̱fo *ye̱ Nyoṅmo̱ suomo̱ nā le̱, ke̱ wo̱nyemi Timoteo le̱ ṅmã yahã Nyoṅmo̱ asafo ní yo̱ Korinto le̱ ke̱ hetšelo̱i fẽ ní yo̱ Akaia mū le̱ fẽ le̱: *1 Kor. 1,1.

² Dromo̱ ke̱ hedšo̱le̱ ní dše̱ wo̱tše̱ Nyoṅmo̱ le̱ ke̱ Nuṅtšo̱ Iesu Kristo deṅ le̱ ahãnye. Rom. 1,7.

³ Adšō̱ Nyoṅmo̱ ke̱ wo̱-Nuṅtšo̱ Iesu Kristo tše̱ le̱, moni dši mũsũṅtšõle̱i atše̱ ke̱ *mīše̱dšemo̱ fẽ Nyoṅmo̱ le̱, *Rom. 15,5.

⁴ moni še̱dšeo̱ womī ye̱ wo̱manehũlũi le̱ fẽ mli, koni wo̱ hũ wo̱nyẽ wo̱ke̱ mīše̱dšemo̱, ní Nyoṅmo̱ ṅõ-še̱dšeo̱ wo̱dientše̱ wo̱mī le̱, aše̱dše mei ni naä amanehũlũ-fẽ-amanehũlũ le̱ amī;

⁵ edšake̱ boni Kristo amanehũlũi le̱ baä wo̱no̱ tekeo̱ no̱ le̱, nakai noṅṅ kẽ Kristo hewo̱ le̱ wo̱mīše̱dšemo̱ hū fáa tekeo̱ no̱. Lal. 34,20; 94,19.

⁶ Ši ke̱dši amanehũlũ wo̱naä dšiṅṅ, *nyemīše̱dšemo̱ ke̱ walaheremo̱ hewo̱ ni; ni ke̱dši wo̱mī aše̱dšeo̱ hũ dšiṅṅ, nyemīše̱dšemo̱ ní hãa wo̱too̱ wo̱tšui ši kpō ke̱-naä nakai amanehũlũi le noṅṅ le̱ hewo̱ ni. *4.14. 11.

⁷ Ni wo̱hĩe ní kã nyeno̱ le̱ gbugbãã, edšake̱ wo̱le ake̱, boni nyenaä amanehũlũi le̱ eko le̱, nakai noṅṅ kẽ nyenaa mīše̱dšemo̱ le̱ hũ eko.

⁸ Edšake̱, anyemimei, wo̱sumo̱o̱ ake̱ wo̱ṅõ *wo̱manehũlũĩ ni wo̱na ye̱ Asia le̱ wo̱tēnye, ake̱ wo̱na nõ tšṍ, fè boni wo̱o̱nyẽ po, ni wo̱hĩe kãã wala no̱ tete; *Bo̱f. 19,23. 1 Kor. 15,32.

⁹ ši moṅ wo̱dientše̱ wo̱na ye̱ wo̱mli faṅṅ ake̱ wo̱bagboi, koni wo̱kaṅõ wo̱hĩe wo̱fõ wo̱dientše̱ wo̱he no̱, ši moṅ wo̱ṅõ-fõ Nyoṅmo̱ ní tēo̱ gbohĩĩ aši le̱-no̱;

¹⁰ mo hũ ni dšiewo̱ ke̱-dše̱ gbĕle ní tamo̱ ne̱ke̱ ne̱ mli, ni edšieo̱wo̱ lolo, ni wo̱hĩe kã eno̱ ake̱ esā eedšiewo̱ kwrā, 2 Tim. 4,18.

¹¹ ake̱ noni nye hũ nyefataä wo̱he ke̱-kpaä fai, koni mei pī ada ši ahãwo̱ ye̱ dromo̱kēnii ni aṅõ-hãwo̱ ye̱ mei pī ahewo̱ le̱ hewo̱.

¹² Ši wo̱ſā̃ le̱ ne̱: *wo̱henilē odase ní eyeo̱, ake̱ Nyoṅmo̱ kro̱ṅṅfemo̱ ke̱ hetšemo̱ mli wo̱ba wo̱dšeṅ ye̱ dše ne̱ṅ, titri le̱ ye̱ nyeteṅ, ni dšee †heloṅ nilē nā, ši moṅ Nyoṅmo̱ dromo̱ nā. *2,17. Heb. 13,18. †1 Kor. 1,17.

¹³ Edšake̱ wo̱nmãã nibii krokomei wo̱hããnye, fè nii ní nyekaneo̱ ni asaṅ nyele, ni mihĩe kã no̱ ake̱ nyeale ke̱-ate nāgbē hũ le̱,

¹⁴ take̱ bo noṅṅ ni nyená nyelewo̱ hũ fã-ke̱-fã, ake̱ nyeſā̃nõ *dšiwo̱, tamo̱ boni †nye hũ nyedši wo̱nõ ye̱ Nuṅtšo̱ Iesu gbĩ le̱ no̱ le̱. *5,12. †Fil. 2,16.

¹⁵ Ni ne̱ke̱ hĩe-ke̱-no̱fõ ne̱ hewo̱ mito miyiṅ ake̱ maba nyeṅõ tšutšu le̱, koni nyená dromo̱ ni dši enyo̱,

¹⁶ ni mibatšṍ nyeṅõ ke̱-ya Makedonia, ni asaṅ makũ mise̱ ke̱-dše̱ Makedonia maba nyeṅõ ekoṅ, koni nyeyadšiemi gbe̱ ke̱-ya Iudea. 1 Kor. 16,5. 6.

¹⁷ Bĕle̱ ní mito miyiṅ nakai le̱, yiṅ-fle̱fle̱ mike̱-fe? Alo miyiṅ ní mito le̱, helo nā mito ye̱? Dabi! ši mi-hē̃ le̱ hē̃ ni, ni mi-dabi le̱ dabi ni.

¹⁸ Ši ano̱kwafo dši Nyoṅmo̱, ake̱ wo̱-wiemo̱ ní wo̱ke̱nye wie le̱ edšee hē̃ ke̱ dabi šikome.

¹⁹ Edšake̱ Nyoṅmo̱ bi Iesu Kristo, moni mike̱ Silvano ke̱ Timoteo šie̱ ehe sane ye̱ nyeteṅ le̱, edšee hē̃ ke̱ dabi šikome, ši moṅ emli hē̃ yo̱.

²⁰ Ši Nyoṅmo̱ šiwōi abo̱ ní yo̱ ne̱, emli hē̃ le̱ yo̱ ni emli noṅṅ *amen le̱ yo̱, koni etšṍ wo̱no̱ awo Nyoṅmo̱ hĩe nyam. *Kpods 8,14.

²¹ Ši Nyoṅmo̱ dši moni hãa wo̱ ke̱ nye-fẽ fĩo̱ ši ye̱ Kristo mli ni *efo̱wo̱ mũ, *1 Ioh. 2,27.

²² le̱ noṅṅ ni eso̱o wo̱nā, ni eke̱ Mumo̱ le̱ yibāfonõ ehãwo̱ ye̱ wo̱tšuii amli hũ. 5,5. Rom. 8,16. Ef. 1,13. 14.

²³ Ši mi le̱, mītšé̱ Nyoṅmo̱ ní *ebaye misusuma odase, ake̱ nyeyibāmo̱ hewo̱ ni mináko maba Korinto le̱, *11,31. Rom. 1,9.

²⁴ Dšee ake̱ nyehemo̱-ke̱-yeli le̱ *nyṍṅ wo̱yeo̱, ši moṅ nyemīše̱ le̱ he nitšume̱ hefatalo̱i dšiwo̱, edšake̱ hemo̱-ke̱-yeli mli nyedamo̱ ši ye̱. *1 Pet. 5,3.