1 Samuel 9 - Ṅmãle̱ Kroṅkroṅ Le̱

¹ Agbene̱ Benyaminnyo ko ye̱ ni atšé̱o̱ egbe̱i ake̱ Kiš, ni edši Benyaminnyo bi Apia le̱ bi Bekorat bi Zeror bi Abiel bi, ni gbomo kpanā dšile̱.

² Ni eye̱ binū ko ní atšé̱o̱ egbe̱i ake̱ Saul, oblanyo ni he yo̱ fe̱o, ni Israelbii le̱ ateṅ le̱ mokomoko be̱ ní fèle̱ hefe̱o; ke̱-dše̱ ekõṅ no̱ āhū ke̱-yaä ne̱ eke̱ fè maṅ le̱ mli mofẽmo.

³ Ni Kiš, Saul tše̱ le̱, tedšiyei lādše; ni Kiš kē̱ ebi Saul ake̱: Ṅõ oblahĩĩ le̱ ateṅ mokome ofata ohe agbe̱ne̱, ni ote ši ni oyatao tedšiyei le̱!

⁴ Ni ame̱yakpa Efraim goṅ le̱ no̱, ni ame̱yakpa Šališa šikpoṅ le̱ no̱, ši ame̱naa-ame̱; ke̱ke̱ ní ame̱yakpa *Šaalim šikpoṅ le̱ no̱, ni ame̱be̱ dše̱i hũ; ni ame̱-yakpa Benyaminbii ašikpoṅ le̱ no̱, ši ame̱naa-ame̱. Ioh. 8,23.

⁵ Ni beni ame̱ba Zuf šikpoṅ le̱ no̱ le̱, Saul kē̱ eblanyo ní ke̱le̱ nyie le̱ ake̱: Ba ni wo̱kũ wo̱se̱ wo̱ya; ke̱-dšee nakai le̱, *mitše̱ aafõ tedšiyei le̱ ase̱dī, ní etšui aabaye ye̱ wo̱ moṅ wo̱hewo̱! *10,2.

⁶ Ni ekē̱le̱ ake̱: Na, Nyoṅmo̱ gbomo ko ye̱ ne̱ke̱ mã ne̱ṅ, ni edši nū ko ni hĩe yo̱ nyam; nofẽno ní ekē̱o̱ le̱, ebaă mli pe̱. Nohewo̱ le̱ hã wo̱te dše̱i; ekole̱ eetšõwo̱ gbe̱ ko ní wo̱tšṍ no̱.

⁷ Ke̱ke̱ ni Saul kē̱ eblanyo le̱ ake̱: Ši na, ke̱dši wo̱te le̱, meni ne̱ke̱ wo̱ke̱-ate ayahã nū le̱? edšake̱ abolo le̱ etã ye̱ wo̱nii le̱ amli, ni noko be̱ ní wo̱ke̱-ate ayake Nyoṅmo̱ gbomo le̱; meni wo̱yo̱?

⁸ Ni oblanyo le̱ sā to he ehã Saul ake̱: Na, mihĩe dſie̱te̱i šekel mlidšāi edſe̱ mli ekome, mike̱ no ahã Nyoṅmo̱ gbomo le̱, koni etšõwo̱ gbe̱.

⁹ Sá le̱, ké̱ moko yabi nii ye̱ Nyoṅmo̱ ṅõ ye̱ Israel le̱, bo̱ni ekē̱o̱ ne̱: Nye-baă ní wo̱tea *ninalo̱ le̱ ṅõ! Edšake̱ moni atšé̱o̱le̱ gbalo̱ ṅme̱ne̱ṅme̱ne̱ le̱, sá le̱ ninalo̱ atšé̱o̱le̱. *2 Maṅ. 17,18. 1 Kron. 3,22. 4 Mose 24,3.

¹⁰ Ke̱ke̱ ni Saul kē̱ eblanyo le̱ ake̱: Owiemo̱ le̱ hĩ; ba ni wo̱te! Ni ame̱yiṅ ke̱-te mã le̱ṅ, heni Nyoṅmo̱ gbomo le̱ yo̱ le̱.

¹¹ Beni ame̱hereo̱ ṅmeṅme le̱ ke̱-yaä mã le̱ṅ le̱, ame̱na oblayei mīdše kpo ame̱yaye̱ nu, ni ame̱biame̱ ake̱: Ninalo̱ le̱ ye̱ bie̱ lo?

¹² Ni ame̱to he ame̱hãame̱ ni ame̱kē̱: Eye̱, na, le̱ eyaä ye̱ ohĩe le̱; ohe afe oyá agbe̱ne̱, edšake̱ eba mã le̱ṅ ṅme̱ne̱, edšake̱ mã le̱ṅ bii le̱ bašã afo̱le ṅme̱ne̱ ye̱ he groṅṅ le̱.

¹³ Kè̱ nyebote mã le̱ṅ pe̱ le̱, nyeanale̱, dãni ekwo̱ ke-ya he groṅṅ le̱ eyaye nii. Ši dša ete dãni maṅ le̱ yeo̱ nii; edšake̱ le̱ ebadšō̱o̱ afo̱le le̱ no̱, dãni mei ní akpē le̱ yeo̱ nii le̱. Nohewo̱ le̱ nyeyaä, edšake̱ he mli noṅṅ ni nyeanale̱ ne̱.

¹⁴ Ni ame̱yiṅ ke̱-te mã le̱ṅ. Ni beni ame̱se̱ maṅ le̱ teṅ le̱, na, Samuel ke̱ame̱ bakpe ní ẽya he groṅṅ le̱.

¹⁵ Agbe̱ne̱ Iehowa etšẽ Samuel toi se̱ dšetše̱reno̱ dãni Saul ba le̱ ake̱:

¹⁶ Wó̱ aafe bene̱ yino̱ le̱ mibatšũ nū ko ní dše̱ Benyamin šikpoṅ le̱ no̱ ke̱-ba oṅõ, ni ofo̱le̱ mū owo mimaṅ Israel le̱ no̱ lumo̱, koni ehere mimaṅ le̱ yiwala ke̱-dše̱ Filistibii le̱ adeṅ; edšake̱ mikwe̱ mimaṅ le̱, ši ame̱blo̱mo̱ le̱ eše̱ miṅõ.

¹⁷ Nohewo̱ le̱ beni Samuel na Saul le̱, Iehowa herele̱ no̱ ake̱: Na nū le̱ ni mikē̱o le̱: mone̱ baye mimaṅ le̱ no̱ le̱!

¹⁸ Ke̱ke̱ ni Saul tši be̱ṅke̱ Samuel ye̱ agbó le̱ mli, ni ekē̱: Ofai ne̱, tšõmo̱mi heni ninalo̱ le̱ we yo̱.

¹⁹ Ni Samuel here Saul no̱ ni ekē̱: Midši ninalo̱ le̱; tšṍ mihĩe ke̱-ya he groṅṅ le̱, ši nyeke̱mi baye nii ṅme̱ne̱; ni wó̱ lebi le̱ mawoö gbe̱ ní oya, ni magbao nofẽno ni yo̱ otšui mli.

²⁰ Ni ke̱ ka otedšiyei le̱ ní lãdše ṅme̱ne̱ dši gbĩ etẽ le̱ ahewo̱ṅ le̱, kāye otšui; edšake̱ anaame̱. Ni namo nõ dší Israel nitaomo̱nii le̱ fẽ? Ani dšee bo ke̱ otše̱ we le̱ fẽ nõ ni?

²¹ Ni Saul here ne̱ ni ekē̱: Ani dšee Benyaminnyo dšimi, ni Israel akutšei le̱ amli noni dši bibiō fè fẽ le̱ mli midše̱, ni miweku le̱ dši *bibiō fè Benyamin akutšo le̱ mli wekui le̱ fẽ? ni mẽhewo̱ oke̱mi wieo̱ ne̱ke̱ wiemo̱ ne̱ mo̱? *15,17.

²² Ni Samuel ṅõ Saul ke̱ eblanyo le̱, ni eke̱ame̱ te asa le̱ no̱, ni ehã ameyatrá mei ni akpēame̱ niyeli ni še̱o̱ gbomei nyoṅmai-etẽ le̱ ayitšo.

²³ Ni Samuel kē̱ nihõlo̱ le̱ ake̱: Oke̱ fã le̱ ní miṅõ-hão ni mikē̱o ye̱ he ake̱: Oke̱-mã omase̱i le̱, aba!

²⁴ Ni nibōlo̱ te̱ ṅõ lõ ſuo̱ le̱ ke̱ noni tša no̱ le̱ ni eke̱-mā Saul hīe. Ní ekē̱: Noni aṅõ-to ahão ne̱; ṅõ mā ohĩe ni oye; edšake̱ bo ake̱-to ahā beni aké̱mi ake̱: Mikpẽ mei le̱. Ke̱ke̱ ni Saul ke̱ Samuel ye nii nakai gbĩ le̱.

²⁵ Ni beni ame̱dše̱ he groṅṅ le̱ ame̱kpleke ši ke̱-ba mā le̱ṅ le̱, eke̱ Saul wie ye̱ tšũ le̱ yiteṅ.

²⁶ Ni ame̱te ši mãṅkẽ mrã, ni eba mli ake̱, beni dše bõi tše̱remo̱ le̱, Samuel tšé̱ Saul ye̱ tšũ le̱ yiteṅ ni ekē̱: Te ši ní mawoõ gbe̱ ni oya! Ni Saul te ši, ni eke̱ Samuel fẽ dše kpo.

²⁷ Ni beni ame̱kplekee̱ ši ke̱-yaã maṅ le̱ klotia le̱, Samuel kē̱ Saul ake̱: Kē̱-mo̱ oblanyo le̱ ni ebaho eyayi wo̱hĩe ni ekitē; Si bo le̱ damo̱ ši, koni mahã onu Nyoṅmo̱ wiemo̱i!