1 Samuel 6 - Ṅmãle̱ Kroṅkroṅ Le̱

¹ Ni Iehowa adeka le̱ hĩ Filistibii le̱ ašikpoṅ le̱ no̱ nyõdši kpawo.

² Ke̱ke̱ ni Filistibii le̱ tšé̱ oso̱foi le̱ ke̱ okõmfoi le̱ ke̱-ba ni ame̱kē̱: Té wo̱fe Iehowa adeka le̱ he tēṅ? Nyetšõawo̱ noni wo̱o̱ṅõ-fata he ke̱-ya heni edše̱.

³ Ni ame̱kē̱: Ke̱dši nyemīhă ake̱ Israel Nyoṅmo̱ le̱ adeka le̱ aya le̱, nyekahã ake̱-mīya eflo, ši moṅ dša nyeke̱ sõ-afo̱le fata he ke̱-te; no dăni nyehe aatã ni nyeale nõ hewo̱ ni enine edšeko nyeno̱ le̱.

⁴ Ni ame̱kē̱: Mẽ sõ-afo̱le wo̱o̱ṅõ-fata he ke̱-ya? Ni ame̱kē̱: Šika gbuṅtuii enumo̱ ke̱ šika kwakwei enumo̱ ye̱ *Filistibii le̱ alumei le̱ ayikule̱ nā; edšake̱ haomo̱ kome kă nyefẽ ke̱ nyelumei le ano̱. *Ios. 13,3.

⁵ Nohewo̱ le̱ nyefea nyegbuṅtuii le̱ ano̱ ke̱ nyekwakwei ní fiteo̱ šikpoṅ le̱ hũ ano̱, ni nyeke̱ anumnyam aha Israel Nyoṅmo̱ le̱; ekole̱ eebagbo̱dšo̱ enine mli ye̱ nye ke̱ nyenyoṅmo̱i le̱ ke̱ nyešikpoṅ le̱ no̱.

⁶ Ni mẽha nyewadšeo̱ nyetšui tamo̱ boni *Mizraimbii le̱ ke̱ Farao wadše ame̱tšui le̱? Ani dšee heni etšu nākpe̱nii ye̱ ame̱teṅ egbe nā le̱, dãni †ame̱ṅmẽame̱ gbe̱ ni ame̱te? *2 Mose 8,15. †2 Mose 12.32.

⁷ Nohewo̱ le̱ agbene̱ nyefea ſīli hẽ, ni nyeṅõa tšinayei enyo̱ ni hãa fufo̱ ni apă eyako ame̱kue̱ dã, ni nyefĩmo̱ tšinai le̱ nyewo ſīli le̱ nā, ni nyetšere̱ ame̱bii le̱ ye̱ ame̱he ke̱-ya šia;

⁸ ni nyewo Iehowa adeka le̱ ni nyeṅõ-mã ſīli le̱ no̱; ni nyeṅõ šika dſinei le̱ ní nyeke̱-bahãle̱ ake̱ sõ-afo̱le le̱ nyewo adeka fiō ko mli nyemã emase̱i, ni nyedšiele̱ gbe̱ ni eya.

⁹ Ni na, ke̱dši etšṍ ehũsũ le̱ no̱ gbe̱ ke̱-te Bet-Šemeš le̱, bēle̱ le̱ efewo̱ ne̱ke̱ efõṅ kpeteṅkple ne̱; ši ké̱ dšee nakai le̱, bĕle̱ wo̱ná wo̱le ake̱ dšee le̱ enine haowo̱ le̱, ši ošrã ko ke̱ke̱ bašrãwo̱.

¹⁰ Ni gbomei le̱ fe nakai, ni ame̱ṅõ tšinayei enyo̱ ní hãa fufo̱, ni ame̱fīmo̱-ame̱ ame̱kpe̱te̱ ſīli le̱ nā, ni ame̱ṅã́mo̱ ame̱bii le̱ ayi ye̱ šĩa;

¹¹ ni ame̱wó Iehowa adeka le̱ ame̱mã ſīli le̱ no̱ ke̱ adeka fiō le̱ ni šika kwakwei le̱ ke̱ ame̱gbuṅtuii le̱ aheno̱i le̱ yo̱ mli le̱.

¹² Ni tšinai le̱ ko̱ gbe̱ trẽnē̃ ke̱-tšṍ Bet-Šemeš gbe̱ le̱, ni amenyie gbe̱dšegbe̱ le̱ no̱ ke̱-te, ni beni ame̱yaä le̱ ame̱hĩe blo̱mo̱, ni ame̱gbáá ninedšũrõ lo abe̱ku; ni Filistibii le̱ alumei le̱ nyie ame̱se̱ ke̱-haši Bet-Šemeš hũsũ le̱ no̱.

¹³ Ni Bet-Šemešbii le̱ mīkũ ame̱ṅmā̃ ni eba le̱ ye̱ dšō̱ le̱ṅ; ni beni ame̱yahole ame̱hĩṅme̱ii ano̱ le̱, ame̱na adeka le̱, ni ame̱nyá ake̱ ame̱na.

¹⁴ Ni ſīlii le̱ ba Iošua, Bet-Šemešnyo le̱, ṅmõši, ni ebawa dše̱i, ye̱ heni te̱ kpeteṅkple ko yo̱ le̱; ni ame̱gbla ſīli le̱ tšei le̱, ni ame̱ṅõ tšinai le̱ ame̱šã šã-afo̱le ame̱hã Iehowa.

¹⁵ Ni Levibii le̱ wó Iehowa adeka le̱ ame̱mã ši, ke̱ adeka fiõ le̱ ni fata he ni šika dſinei le̱ yo̱ mli le̱, ni ame̱ṅõ-mãmo̱ te̱ kpeteṅkple le̱ no̱, ni Bet-Šemešbii le̱ bašãšã šã-afo̱lei ni ame̱gbegbē gbē-afo̱lei nakai gbĩ le̱ noṅṅ ame̱hã Iehowa.

¹⁶ Ni beni Filistibii le̱ alumei enumo̱ le̱ na le̱, ame̱kũ ame̱se̱ ame̱ba Ekron nakai gbĩ le̱ noṅṅ.

¹⁷ Ni šika gbuṅtuii ní Filistibii le̱ ke̱-bahã ní aṅō-fe sõ-afo̱le ahã Iehowa le̱ ne̱: Ašdod nõ ekome, Gaza nõ ekome, Aškelon nõ ekome, Gat nõ ekome, Ekron nõ ekome;

¹⁸ ke̱ šika kwakwei le̱ ye̱ Filistibii le̱ amãdši le̱ fẽ ni dši lume̱i enumo̱ lo̱ anii le̱ ayikule̱ nā, mãdši ní atſa gbogbo awo ame̱he le̱ ke̱ kose̱ akrowai le̱ fẽ. Ni te̱ kpeteṅkple le̱ ní ake̱ Iehowa adeka le̱ mã no̱ ye̱ Iošua, Bet-Šemešnyo le̱, ṅmõ le̱ṅ le̱ yeo̱ odase ke̱-baši ṅme̱ne̱.

¹⁹ Ni etſia Bet-Šemešbii le̱ ateṅ meikomei anii, edšake̱ *ame̱yakwe̱ Iehowa adeka le̱ mli, ni egbe maṅ le̱ mli mei nyoṅmai-kpawo, mei nyoṅmai-enumo̱ ye̱ mei akpe mli; ni maṅ le̱ ye ṅko̱mo̱, edšake̱ Iehowa egbe maṅ le̱ butū. *4 Mose 4,20. 2 Sam. 6,6. 7.

²⁰ Ni Bet-šemešbii le̱ kē̱: Namo po anyẽ Iehowa Nyoṅmo̱ kroṅkroṅ ne̱ hĩe adamo̱? ni namo ṅõ eedše wo̱ṅõ ke̱-ate?

²¹ Ni ame̱tšũ bo̱foi ke̱-te Kiriat-Iearimbii le̱ aṅõ ayakē̱: Filistibii le̱ ke̱ Iehowa adeka le̱ ekũ se̱ eba ekoṅ; nyebaä ni nyebawóa ke̱-yaä nyeṅõ!