1 Samuel 26 - Ṅmãle̱ Kroṅkroṅ Le̱

¹ Ni *Zifbii le̱ ba Saul ṅõ ye̱ Gibea ame̱bakē̱le̱ ake̱: Ani dšee David ebatẽ ehe ye̱ Hakila goṅkpo̱ le̱ ní yo̱ ṅã kpatā le̱ hĩe le̱ no̱ le̱? *23,19. Lal. 54,2.

² Ke̱ke̱ ni Saul te ši ni ekpleke ši ke̱-te Zif ṅã le̱ no̱, ni eble Israel hĩĩ akpei-etẽ ni ahala, ní eyatao David ye̱ Zif ṅã le̱ ne̱.

³ Ni Saul yabo̱ nsra ye̱ Hakila goṅkpo̱ le̱ ni yo̱ ṅã kpatā le̱ hĩe le̱ no̱, ye̱ gbe̱ le̱ he; ši David hĩ ṅã le̱ no̱, ni ena ake̱ Saul nyie ese̱ ke̱-mība ṅã le̱ no̱.

⁴ Ni David tšũ sralo̱i, ni ená ele ake̱ Saul ená eba le̱le̱ṅ.

⁵ Ke̱ke̱ ni David te ši ni eba hégbe̱ ni Saul ebo̱ nsra ye̱ le̱; ni David na hégbe̱ ní Saul ke̱ *etatše̱ Abner, Ner bi le̱, kāmo̱; ni Saul kă ſīlii ateṅ, ni maṅ le̱ ebo̱ nsra ke̱-bo̱lele̱ ke̱-kpe. *14,50; 17,55.

⁶ Ke̱ke̱ le̱ yadše David nā le̱ ekē̱ Ahimelek, Hitnyo le̱, ke̱ Abišai, Zeruia bi ni dši Ioab nyemi le̱, ake̱: Namo ke̱-mi aakpleke ši ke̱-ate Saul ṅõ ye̱ nsra le̱ṅ? Ni Abišai kē̱: Mike̱o aakpleke ši ke̱-ate!

⁷ Ke̱ke̱ ni David ke̱ Abišai ba maṅ le̱ ṅõ nyōṅ, ni na, Saul kã ši ewo̱ ye̱ ſīlii le̱ ateṅ, ni ekplo̱ le̱ tše̱ke̱ šikpoṅ ye̱ eyiteṅgbe̱; ši Abner ke̱ maṅ le̱ kãmo̱ ehewo̱ ke̱-bo̱lelo̱ ke̱-kpe.

⁸ Ni Abišai kē̱ David ake̱: Nyoṅmo̱ edšie ohenye̱lo̱ le̱ ewo odeṅ, nohewo̱ le̱ agbe̱ne̱ *hã matšule̱ akplo̱ ke̱-mõ ši-kpoṅ šikome nyoṅlo, ni mihãṅ atīale̱ šii enyo̱! *2 Sam. 16,9.

⁹ Ši David kē̱ Abišai ake̱: Kākpãtã ehĩe; edšake̱ namo po aanyẽ akpã enine mli ye̱ moni Iehowa efo̱le̱ mũ le̱ no̱, ni eeye ehe?

¹⁰ David sā ekē̱ ekoṅ ake̱: *Gbĩĩabo̱ ni Iehowa hĩe kă ne̱, dša †Iehowa dši moni aatſale̱ nõ, alo egbi aaše̱ ni eegbo, alo eete ta ni eeyanyõ. *28,10. †24,13.

¹¹ Iehowa akahã ene̱ mīgbalemi fō̃ṅfō ake̱ makpã minine mli ye̱ moni Iehowa efo̱le̱ mũ le̱ no̱! Ni agbe̱ne̱, ofai ne̱, ko̱ akplo̱ le̱ ni yo̱ eyiteṅgbe̱ le̱, ni owó nu-ke̱-kpulu le̱, ní wo̱te!

¹² Ke̱ke̱ ni David ko̱ akplo̱ le̱ ni ewó nu-ke̱-kpulu le̱ ye̱ Saul yiteṅ, ni ame̱-dše dše̱i ame̱te, ni mokomoko enaa, ni mokomoko lee, ni asaṅ mokomoko hĩe etšẽẽ, ši ame̱fẽ ame̱wo̱wo̱i; edšake̱ Iehowa *ehã wō̱ ní tšī ko enyõ ame̱no. *1 Mose 2,21; 15.13.

¹³ Ke̱ke̱ ni David tše mli ke̱-te se̱ le̱, ni eyadamo̱ goṅ le̱ yiteṅ ye̱ se̱ fle̱ṅṅ, gbe̱ kplaṅṅ kã ame̱teṅ.

¹⁴ Ni David blo̱ tšé̱ maṅ le̱ ke̱ Abner, Ner bi le̱, ekē̱: Oheree no̱ lo? Abner! Ke̱ke̱ ni Abner here no̱ ni ekē̱: Bo namo oblo̱ō̱ owoo maṅtše̱ le̱?

¹⁵ Ni David kē̱ Abner ake̱: Ani dšee nū dšio? ni namo tamo̱o ye̱ Israel? kole̱ mẽba ni obuu onuṅtšo̱ maṅtše̱ le̱ he? Edšake̱ moko dše̱ mei le̱ ateṅ ba ní kũle̱ ebakpãtã onuṅtšo̱ maṅtše̱ le̱ hĩe.

¹⁶ Noni ofe ne̱ ehīĩ po! Ake̱ nõ kẽ ní Iehowa hĩe kă ne̱, gbēle bii dšinye, edšake̱ nyebuu nyenuṅtšo̱ ni dši moni Iehowa efo̱le̱ mũ le̱ he! Ni agbe̱ne̱, kwe̱ heni maṅtše̱ akplo̱ le̱ ke̱ nu-ke̱-kpulu le̱ ní yo̱ eyiteṅgbe̱ le̱ yo̱.

¹⁷ Ke̱ke̱ ni Saul yo David gbē, ni ekē̱: Mibi David, ogbē ne̱? Ni David kē̱: Migbē ni, minuṅtšo̱ maṅtše̱!

¹⁸ Ni ekē̱: Mẽba minuṅtšo̱ nyie etšũlo̱ se̱ ne̱ke̱ ne̱? Ši meni mife? alo mẽ efõṅ po yo̱ mideṅ?

¹⁹ Ni agbe̱ne̱, hã minuṅtšo̱ maṅtše̱ abo etšũlo̱ wiemo̱i atoi: Ke̱dši Iehowa ni tẽo ši womi le̱, hã ehere afo̱le ṅma; ši ke̱-dii ádesãi abii ni le̱, no le̱ alomo̱ame̱ ye̱ Iehowa hĩe, edšake̱ ame̱ſiemi ṅme̱ne̱, ko-ni mikakpe̱te̱ Iehowa no̱yelihe le̱ he, ame̱-kē̱: Ya ni oyasúmo̱ nyoṅmo̱i krokomei!

²⁰ Nohewo̱ le̱ agbe̱ne̱ kāhã mila mīſie šikpoṅ ye̱ Iehowa hĩe; edšake̱ Israel maṅtše̱ efã kpo eba lo̱po kome taomo̱, take̱ bo̱ni moko yagbo̱bio̱ afi ye̱ gõdši ano̱ le̱!

²¹ Ke̱ke̱ ni Saul kē̱: Mife eša; kũ ose̱, mibi David; edšake̱ gbĩĩabo̱ ní misusuma dšra wa ye̱ ohĩe ṅme̱ne̱ ne̱, mifeṅo efõṅ ko doṅṅ; na, miye kwašiai asane, ni mitõ babaō dientše̱!

²² Ni David here no̱ ni ekē̱: Na maṅtše̱ akplo̱ le̱! hã oblahĩĩbii le̱ ateṅ mokome aba ní ebaṅō!

²³ Ši Iehowa aawo mofẽmo nyõmo̱ ye̱ edšale̱ ke̱ eno̱kwayeli hewo̱; edšake̱ Iehowa tuo ewo mideṅ ṅme̱ne̱, ši mi ni misumo̱o̱ ake̱ mikpāa minine mli ye̱ moni Iehowa efo̱le̱ mũ le̱ no̱.

²⁴ Ni na, bo̱ni osusuma da kpeteṅkple ṅme̱ne̱ ye̱ mihĩe le̱, nakai noṅṅ misusuma aada kpeteṅkple ye̱ Iehowa hĩe, ni eedšiemi ke̱-dše̱ amanehũlũi fẽ amli!

²⁵ Ni Saul kē̱ David ake̱: Aadšō̱o, mibi David! Ootšu nii wudši, ni ooye kũnim hũ! Ke̱ke̱ ni David yiṅ te, ni Saul kũ ese̱ ke̱-te edšé̱he.