1 Samuel 21 - Ṅmãle̱ Kroṅkroṅ Le̱

¹ [Yi. 20,43.] Ni David te ši ni eyiṅ ete. Ši Ionatan ba mã le̱ṅ.

² [1.] Ke̱ke̱ ni David ba Nob ye̱ oso̱fo Ahimelek ṅõ. Ni Abimelek ke̱ he-kpokpomo̱ ba eke̱ David bakpe ni ekē̱-le̱ ake̱: Mẽba okometō onyie, ni mokomoko fataa ohe ne̱?

³ [2.] Ni David kē̱ oso̱fo Ahimelek ake̱: Maṅtše̱ ehãmi nitšumo̱ ko ni efã́mi ni ekē̱mi ake̱: Kāhã mokomoko mīle sane ní mitšũo ye̱ he ne̱ ke̱ kitã ní miwoö ne̱! Ni miblahĩĩ le̱ mihã ame̱te hei komei.

⁴ [3.] Ni agbe̱ne̱, meni oyo̱ ye̱ onine no̱? hãmi aboloi enumo̱ lo nõ mahĩe mideṅ, lo nofẽno ní oona.

⁵ [4.] Ni oso̱fo le̱ here David no̱ ni ekē̱: Yaka abolo ko be̱ minine no̱, ši *abolo kroṅkroṅ le̱ eko yo̱; ke̱dši oblahĩĩ le̱ †etako yei ahe, ke̱ke̱ le̱ ehĩ. *3 Mose 21,5-9. †3 Mose 22,3-7. 2 Mose 19,15.

⁶ [5.] Ni David here oso̱fo le̱ no̱ ni ekē̱le̱ ake̱: Ano̱kwale mli le̱ aafe gbĩĩ etẽ ni wo̱yiṅ ne̱, wo̱tako yei ahe, nohewo̱ le̱ oblahĩī le̱ anii le̱ ye̱ kroṅkroṅ; ni ke̱dši ne̱ke̱ gbe̱ ne̱ he tšee le̱, no le̱ ṅme̱ne̱ ake̱ nii ne̱ aafele̱ kroṅkroṅ.

⁷ [6.] Ke̱ke̱ ni oso̱fo le̱ ke̱ abolo kroṅkroṅ le̱ hāle̱, edšake̱ abolo ko abolo ko be̱ dše̱i, ake̱ dša hĩe-mã-abolo le̱ ni adšie ye̱ Iehowa hĩe, koni ake̱ abolo kla ayamã ši gbĩ no̱ ni adšie le̱ noṅṅ le̱. Mat. 12,8.

⁸ [7.] Agbe̱ne̱ le̱ nū ko ni dše̱ Saul tšũdši le̱ ateṅ ye̱ dše̱i nakai gbĩ le̱, ni atšĩ enā ye̱ Iehowa hĩe, ni egbe̱i dši *Doeg, Edomnyo le̱, ni dši Saul kolokwe̱lo̱i le̱ ateṅ onukpa. *22,9. 19.

⁹ [8.] Ni David kē̱ Ahimelek ake̱: Ni kole̱ akplo̱ lo klante ko be̱ odeṅ ye̱ bie̱ ne̱? Edšake̱ miklante ke̱ minii tete mikō̱lo̱o̱ mihīee mideṅ ke̱-baa; edšake̱ ãye maṅtše̱ sane le̱ he oyái!

¹⁰ [9.] Ni oso̱fo le̱ kē̱: Goliat, Filistinyo le̱, ni *ogbele̱ ye̱ Ela dšō̱ le̱ṅ le̱ klante le̱, na, no aha he mama ni ekã efod le̱ se̱ le̱; ke̱dši osumo̱ ake̱ ooko̱ le̱, ko̱, edšake̱ ekroko ko be̱ bie̱. Ni David kē̱: Eko tamo̱o̱ no; ṅõhãmi! 17,50. 51.

¹¹ [10.] Ke̱ke̱ ni David te ši ni edšo foi nakai gbĩ le̱ ye̱ Saul hĩe, ni eyiṅ ete Akiš, *Gat maṅtše̱ le̱, ṅõ. *Lal. 56,1.

¹² [11.] Ni Akiš tšũdši le̱ kē̱le̱ ake̱: Ani dšee David, šikpoṅ le̱ no̱ maṅtše̱ le̱ ne̱? Ani dšee mone̱ be lala alaã ye̱ dšõ̀ mli akē̱o̱ ake̱: Saul egbe ekpeikpei le̱, ši David egbe ekpei-nyoṅmanyo-ṅmai le̱? 18,7; 29,5

¹³ [12.] Ni David ṅõ ne̱ke̱ wiemo̱i ne̱ eto etšui mli, ni eše Gat maṅtše̱ Akiš gbeyei naakpa.

¹⁴ [13.] Ni etšake *enifemo̱ ye̱ ame̱hĩe, ni ekwa eye se̱ke̱ ye̱ ame̱deṅ, ni eṅmlā okadii ye̱ agbó le̱ šĩnāi le̱ ahe, ni ehã eladšõ wu etšẽṅiaṅ kpo̱tō̱. *Lal. 34,1.

¹⁵ [14.] Ke̱ke̱ ni Akiš kē̱ etšũdši le̱ ake̱: Na, nyena ake̱ nū le̱ miye se̱ke̱; mẽhewo̱ mo̱ ni nyeke̱le̱ ba miṅõ?

¹⁶ [15.] Ani mītao se̱ke̱yelo̱i, hewo̱ ni nyekpla mone̱ ke̱-ba ní ebafe se̱ke̱yelo̱i anii ye̱ mihĩe ne̱? Aso esa ake̱ kũle̱ mone̱ aaba miwe po, be̱?