1 Samuel 19 - Ṅmãle̱ Kroṅkroṅ Le̱

¹ Ni Saul kē̱ ebi Ionatan ke̱ etšũdši le̱ fẽ ake̱ ame̱gbe David; ši Saul bi Ionatan *tšuĩ ye̱ David he naakpa; *18,3.

² ni Ionatan yatſa David adafi ake̱: Mitše̱ Saul mītaoö egbe; nohewo̱ le̱ agbe̱-ne̱ wō̱ lebi le̱ kwe̱ ohe no̱, ni oyahī ni-fīfīaṅ he ko, ni otē ohe.

³ Ši mi le̱ mibadše kpo mayadamo̱ mitše̱ mase̱i ye̱ ṅã le̱ṅ heni oye̱ le̱, ni mike̱ mitše̱ bagba ohe sane, ni kē̱ mina noko le̱, makē̱o.

⁴ Ni Ionatan wie David he ekpakpa etšõ etše̱ Saul, ni ekē̱le̱ ake̱: Maṅtše̱ akafe etšũlo̱ David eša; edšake̱ efekoö eša ko, ni asaṅ enitšumo̱i ní etšu ehão le̱ hĩ naakpa.

⁵ Ni eṅõ ewala ehīe edeṅ, ni *eyagbe Filistinyo le̱, ni Iehowa tšu yiwalaheremo̱ nitšumo̱ kpeteṅkple ehã Israel fẽ. Ona ni onyã́ he; mẽhewo̱ mo̱ ni oofe eša oši lá ni eye bem le̱, ni ogbe David yakatſā? *17,50.

⁶ Ke̱ke̱ ni Saul bo Ionatan gbē toi; ni Saul kã kitã ekē̱: Gbĩĩabo̱ ni Iehowa hĩe kã ne̱, agbeṅle̱!

⁷ Ni Ionatan yatšé̱ David, ni Ionatan dšadše nakai wieme̱i le̱ fẽ etšõle̱. Ni Ionatan ke̱ David ba Saul ṅõ ekoṅ, ni ebahī ši ye̱ ehĩe tamo̱ tšutšu le̱.

⁸ Ši ta ba ekoṅ; ni David fã ni eke̱ Filistibii le̱ yawu, ni egbeame̱ butū, ni ame̱dšo foi ye̱ ehĩe.

⁹ Ke̱ke̱ ni Iehowa hã mumo̱ fõṅ le̱ ba Saul no̱, ni etá ewe le̱, ni ehĩe ekplo̱ le̱ ye̱ edeṅ, ni David mītſa saṅkũ. 18,10. 11.

¹⁰ Ni Saul mitao eke̱ ekplo̱ le̱ atšu David ke̱-mõ gbogbo; ší eša ehe ke̱-dše̱ Saul hĩe, ni efõ akplo̱ le̱ ke̱-yamõ gbogbo. Ni David dšo foi ni edše edeṅ nakai nyō le̱ṅ.

¹¹ Ke̱ke̱ ni *Saul tšũ bo̱foi ke̱-te David we le̱ ni ame̱yasrale̱ ní ame̱gbele̱ lebi. Ni Mikal, David ṅã le̱, kē̱le̱ ake̱: Ke̱dši oheree osusuma yiwala nyō ne̱ṅ le̱, wó̱ le̱ abagbeo! *Lal. 59,1.

¹² Ke̱ke̱ ni Mikal ši David ke̱-tšṍ samfle̱ mli ke̱-yi ši, ni eyiṅ ete ni edšo foi ni edše edeṅ.

¹³ Ke̱ke̱ ni Mikal wó amãgã efõ sā le̱ no̱, ni eṅõ abotia wolo no̱hānõ eha eyitšogbe̱, ni eṅõ mama eha he.

¹⁴ Ni beni Saul tšũ bo̱foi ake̱ ayamõ David ke̱-ba le̱, ekē̱: Ehe mīye.

¹⁵ Ni Saul tšũ bo̱foi le̱ ekoṅ ake̱ ame̱yasra David ame̱kwe̱, ekē̱: Nyewóale̱ ke̱ sā le̱ fẽ nyebahãami ní agbele̱.

¹⁶ Ni beni bo̱foi le̱ ba le̱, na, amãgã kã sā le̱ no̱ lo̱, ni abotia wolo no̱hānõ le̱ ha eyitšogbe̱.

¹⁷ Ke̱ke̱ ni Saul kē̱ Mikal ake̱: Mẽhewo̱ po ni ošišiumi ne̱ke̱, ni odšie mihenye̱lo̱ le̱ gbe̱ ni ete ni edše mideṅ ne̱? Ni Mikal kē̱ Saul ake̱: Le̱ ekē̱mi ake̱: Dšiemo̱mi gbe̱ ní maya; mẽhewo̱ ni magbeo?

¹⁸ Ši David dšo foi ni edše edeṅ, ni eba Samuel ṅõ ye̱ Rama, ni ebagbale̱ nii fẽ ni Saul efele̱ le̱. Ni eke̱ Samuel fẽ te ame̱yahĩ ši ye̱ Naiot.

¹⁹ Ni ayatſa Saul adafi ake̱: Na, David ye̱ Naiot ye̱ Rama.

²⁰ Ni Saul tšũ bo̱foi ake̱ ayamõ David ke̱-ba; ni beni ame̱na gbalo̱i asafoku ní gbaã le̱ ke̱ Samuel ní dši ame̱nukpa ní damo̱ Si le̱, Nyoṅmo̱ Mumo̱ ba Saul bo̱foi le̱ ano̱, ni ame̱ hũ ame̱gbagbai. 10,10-12.

²¹ Ni beni ayagba Saul le̱, etšũ bo̱foi krokomei ke̱-te, ni ame̱ hũ ame̱gbagbai nakai noṅṅ. Ni Saul sā tšũ bo̱foi ke̱-te ekoṅ noni dši šii etẽ, ni ame̱ hũ ame̱gbagbai.

²² Ke̱ke̱ ni le̱dientše̱ hũ eyiṅ ke̱-te Rama, ni beni eše̱ nubu kpeteṅkple ni yo̱ Seku le̱ he le̱, ebi ake̱: Nẽgbe̱ Samuel ke̱ David yo̱? Ni akē̱: Na, ame̱ye̱ Naiot ye̱ Rama.

²³ Ni eyiṅ ete Naiot ní yo̱ Rama le̱, ni Nyoṅmo̱ Mumo̱ yi le̱ hũ eno̱, ni ehĩe gbā āhũ ke̱-yaši beyino̱ ní eyaše̱ Naiot ye̱ Rama.

²⁴ Ni le̱ hũ ekplo̱ ehe atadei, ni le̱ hũ egba ye̱ Samuel hĩe, ni ekã ši ke̱ ehe flo nakai gbĩ le̱ ſaneſane ke̱ nyōṅnyōṅ fẽ. Nohewo̱ le̱ ame̱kē̱: Ani Saul hũ ye̱ gbalo̱i le̱ ateṅ?