1 Samuel 10 - Ṅmãle̱ Kroṅkroṅ Le̱

¹ Ke̱ke̱ ni Samuel dšie mũ ke̱ to̱ le̱ ni efo̱se eſie eyiteṅ, ni eſo̱ enā ni ekē̱: Ani dšee mũ Iehowa efo̱o ní oye lumo̱ ye̱ ewebii le̱ ano̱ lo?

² Kē̱ odše̱ miṅõ ṅme̱ne̱ ni ōya le̱, ooyanina hĩĩ enye̱ ye̱ *Rahel fū̃he le̱ ye̱ Benyamin hũsũ le̱ no̱ ye̱ Zelza, ni ame̱akē̱o ake̱: Tedšiyei le̱ ní oteame̱ taomo̱ le̱, anaame̱; ni na, otše̱ efo te-dšiyei le̱ ahe dſẽṅmo̱, ni etsui miye ye̱ nyehewo̱, ekē̱: Té mafe tēṅ ye̱ mibi le̱ hewo̱ṅ? *1 Mose 35,19.

³ Ke̱ke̱ le̱ kē̱ odše dše̱i ni ōya ohĩe ni oyaše̱ Tabor tšo kple le̱ he le̱, oke hĩĩ etẽ ni yaä Nyoṅmo̱ ṅõ ye̱ Betel aakpe; mokome tēre abotiabii etẽ, ni mokome hũ tēre abolo akwābo̱i etẽ, ni mokome hũ tẽre wein woloto̱ kome.

⁴ Ni ame̱aflao, ni ame̱ahão aboloi enyo̱, ní ohe ye̱ ame̱deṅ.

⁵ No se̱ le̱ oyaše̱ Nyoṅmo̱ goṅkpo̱ le̱ he, heni Filistibii le̱ asrafoi yo̱ le̱; ni aaba mli ake̱, ké̱ oše̱ dše̱i mã le̱ṅ le̱, oke̱ gbaloi asafoku bakpe, ni ame̱dše̱ he groṅṅ le̱ ame̱mīkpleke ši ni obenta ke̱ mĩle̱ ke̱ ble̱ ke̱ saṅkũ nyie ame̱hīe, ni ame̱mīgba.

⁶ Ni Iehowa Mumo̱ le̱ aabayi ono̱, ni oke̱ame aagba, ni aatšṍo gbomo kroko. K. 10.

⁷ Ni aaba mli ake̱, ké̱ ne̱ke̱ okadii ne̱ ba mli le̱, ofe bo̱ni oonyẽ; edšake̱ Nyoṅmo̱ ke̱o ye̱.

⁸ Ni otšṍ mihĩe ke̱-kpleke ši ke̱-ya Gilgal; ni na, mi hũ mibakpleke ši ke̱-ba oṅõ, ní mabašã sã-afo̱lei, ni mabagbe šĩdā-afo̱lei. Hĩ ši ni *omẽ gbīĩ kpawo ke-yaši beyino̱ ni maba oṅõ, ni mahã ole noni oofe! *13,8.

⁹ Ni eba mli ake̱, beni etšṍ ehe ní edše Samuel ṅõ eyaã le̱, Nyoṅmo̱ hãle̱ tšuĩ kroko; ni nakai okadii le̱ fẽ ha mli nakai gbĩ le̱.

¹⁰ Ni beni ame̱še̱ dše̱i ye̱ goṅkpo̱ le̱ he le̱, na, gbalo̱i asafoku ke̱le̱ bakpe; ni *Nyoṅmo̱ Mumo̱ bayi eno̱ ni egba ye̱ ame̱teṅ. *19,20-24.

¹¹ Ni eba mli ake̱, beni mei fẽ ni lele̱ sá le̱ na, ake̱ na, eke̱ gbalo̱i le̱ migba le̱, mei le̱ kē̱kē̱ ame̱he ake̱: Meni po feo̱ Kiš bi le̱ ne̱? Ani Saul hũ ye̱ gbalo̱i le̱ ateṅ?

¹² Ni moko ni dše̱ dše̱i noṅṅ here no̱ ni ekē̱: Ši namo hũ dši ame̱tše̱? Nohewo̱ le̱ ebatšõ abe̱ ake̱: Ani Saul hũ ye̱ gbalo̱i le̱ ateṅ?

¹³ Ni beni egba egbe nā le̱, eba he groṅṅ le̱.

¹⁴ Ši Saul tše̱kwẽ le̱ kē̱le̱ ke̱ oblanyo le̱ ake̱: Nẽgbe̱ nyete? Ni ekē̱: Wo̱te tedšiyei le̱ ataome̱, ni beni wo̱naa-ame̱ le̱, wo̱te Samuel ṅõ.

¹⁵ Ke̱ke̱ ni Saul tše̱kwẽ le̱ kē̱: Agbe̱ne̱ gbāmi noni Samuel kē̱nye!

¹⁶ Ni Saul kē̱ etše̱kwẽ le̱ ake̱: Ekē̱wo̱ ake̱ ana tedšiyei le̱. Ši egbaale̱ noni Samuel kē̱ ye̱ maṅtše̱yeli le̱ he le̱.

¹⁷ Ke̱ke̱ ni Samuel tšé̱ maṅ le̱ ke̱-kpe ye̱ Iehowa ṅõ ye̱ Mizpa.

¹⁸ Ni ekē̱ Israelbii le̱ ake̱: Bo̱ni Iehowa, Israel Nyoṅmo̱ le̱, kē̱ ne̱: Mikpla Israel ke̱-dše̱ Mizraim ke̱-ba, ni midšie-nye ke̱-dše̱ Mizraimbii adeṅ ke̱ maṅtše̱-yelii fẽ ni gba nyenā le̱ adeṅ;

¹⁹ ši nye le̱, ṅme̱ne̱ gbĩ ne̱ *nyekwa nye-Nyoṅmo̱ le̱, moni le̱dientše̱ ehere nyeyiwala ke̱-dše̱ nyemanehũlũi ke̱ nye-fĩmo̱i fẽ amli le̱, ni nyekē̱le̱ ake̱: Dabi, ši wo maṅtše̱ ohãwe̱! Nohewo̱ le̱ agbe̱ne̱ nyebadamo̱a Iehowa hĩe ye̱ nyekutšei ke̱ nyekpekpei le̱ anã! *8,7.

²⁰ Ni Samuel hã Israel akutšei le̱ fẽ tši be̱ṅke̱, ni ake̱ Benyamin akutšo le. 14,11. 42. Jos. 7,16.

²¹ Ni beni eke̱ Benyamin akutšo le̱ be̱ṅke̱ ye̱ ewekui anā le̱, ako̱ Matribii aweku le̱, ni ako̱ Saul, Kiš bi le̱; ši beni ame̱taole̱ le̱, ame̱naale̱.

²² Ni ame̱sā ame̱yabi Iehowa ekoṅ ake̱: Ani nū le̱ eba bĩe̱ lo? Ni Iehowa kē̱: Na, eyatẽ ehe ye̱ nibii le̱ ateṅ.

²³ Ni ame̱ša foi ni ame̱yaṅõle̱ ke̱-dše̱ dše̱i. Ni heni eba ebadamo̱ mei le̱ ateṅ le̱, eke̱ fè mofẽmo ke̱-dše̱ ekõṅ no̱ āhũ ke̱-te ṅwei.

²⁴ Ni Samuel kē̱ maṅ mū le̱ fẽ ake̱: Nyekwe̱a moni Iehowa ehala le̱; edšake̱ mokomoko tamo̱o̱le̱ ye̱ maṅbii le̱ fẽ ateṅ! Ni maṅ mū le̱ fẽ bo̱ oše ame̱kē̱: *Maṅtše̱ yi aná wala! *1 Maṅ. 1,25.

²⁵ Ke̱ke̱ ni Samuel gbaame̱ *maṅtăe̱-yeli le̱ gbe̱nānii le̱, ni eṅmã ewo wolo mli, ni eṅõ-ṅmẽ Iehowa hĩe. Ni Samuel dšie maṅ le̱ fẽ gbe̱, ni mofẽmo te ewe. *8,11. 5 Mose 17,14-20.

²⁶ Ni Saul hũ yiṅ ete ewe ye̱ Gibea; ni kãkãlo̱i ní Nyoṅmo̱ etra ame̱tšuii amli le̱ ke̱le̱ te.

²⁷ Ši *yakagbomei komei kē̱: Té aafe tēṅ ní mone̱ aahere wo̱yiwalaṅ? Ni ame̱-gbe ehe guo̱, ni ame̱bakeele̱ noko. Ši efe tamo̱ noni enuu. *11,12.