1 Petro 4 - Ṅmãle̱ Kroṅkroṅ Le̱

¹ Agbe̱ne̱ ake̱ noni Kristo na amanehũlũ ehãwo̱ ye̱ helo mli hewo̱ le̱, nye hũ nyeke̱ nakai dſẽṅmo̱ le̱ noṅṅ amĩaä ake̱ tawūnii, edšake̱ moni na amanehũlũ ye̱ helo mli le̱, efõ ešafemo̱,

² koni be ní eſe̱ ehãle̱ ye̱ helo mli šihĩle̱ ne̱ mli le̱, ekahĩ ši ye̱ gbomei ako̱no̱i anā, ši moṅ ye̱ Nyoṅmo̱ suomo̱nānii anā.

³ Edšake̱ *efá hãwo̱ ake̱ wala-be ní eho momo le̱ mli le̱ wo̱tšu dšeṅmãdšiaṅbii atšuinānii le̱, ni wo̱ba wo̱dšeṅ ye̱ nyenyeṅtſibō̱i, ako̱no̱i, dā̃to̱i, ſe̱mo̱i, fu-femo̱i ke̱ wo̱ṅdšámo̱i ní ahĩo̱ le̱ amli, *Ef. 2,2. 3. Tit. 3,3.

⁴ nõ mli ní efeo̱ame̱ sane sro̱to ko ake̱ nyeke̱ame̱ šaa foi ke̱-yaa ne̱ke̱ sakasakafemo̱ še̱ī ne̱ noṅṅ mli, ni ame̱wieo̱ musubō̱-wiemo̱;

⁵ mei ní babu akontā ahã *moni ēsā ehe éto ní ebakodšo hĩekãlo̱i ke̱ gbohĩĩ fẽ le̱. *2 Tim. 4,1.

⁶ Edšake̱ ene̱ hewo̱ ni adšadše sanekpakpa le̱ atšõ *gbohĩĩ tete hũ, koni akodšoame̱ ye̱ gbomei anā ye̱ helo gbe̱fãṅ moṅ, ši ame̱hĩe akã ye̱ Nyoṅmo̱ nā ye̱ mumo̱ gbe̱fãṅ. *3,19.

⁷ Ši nibii fẽ anāgbē le̱ eše̱ etã. Hewo̱ le̱ nyedſẽṅmo̱ mli atšea ni nyehĩe akãa ši ahãa so̱lemo̱i. 1 Kor. 10,11. 1 Ioh. 2,18.

⁸ Ši titri le̱ nyesuomo̱ ní nyeke̱-sume̱sumoo̱ nyehe le̱ mli awa, edšake̱ *suomo̱ haä ešai babaō no̱. *Abei 10.12. Iak. 5,20.

⁹ Nyefea nyehe gbo̱i ní hũhū̃hũwiemo̱ akafutu mli. Heb. 13,2.

¹⁰ Bo̱ni mofẽmo éná dromo̱kēnii le̱, nyeke̱-súmo̱súmo̱a nyehe, tamo̱ Nyoṅmo̱ dromo̱nii sro̱toi le̱ ano̱kwe̱lo̱i kpakpai.

¹¹ Ké̱ wiemo̱ moko wieo̱ le̱, ewie ake̱ Nyoṅmo̱ wiemoi; ké̱ súomo̱ moko súmoo̱ le̱, edše̱ hewale̱ ní Nyoṅmo̱ droo̱ le̱ le̱ mli; koni atšṍ Iesu Kristo no̱ awo Nyoṅmo̱ hĩe nyam ye̱ nii fẽ mli, mo nõ ni dši anumnyam le̱ ke̱ hewale̱ le̱ ke̱-yašio̱ nāno̱i anāno̱ le̱! Amen. Rom. 12,7.

¹² Suomo̱meĩ, nyekahãa *amanehũlũ la ní aṅõ-kaänye le̱ mīfenye sane sro̱to ko, tamo̱ ake̱ noko sro̱to ko feo̱nye le̱, *1,6. 7.

¹³ ši moṅ babaō ni *nyenaä Kristo amanehũlũi le̱ eko le̱, †nyemi aše̱a, koni enumnyam kpodšiemo̱ le̱ mli hũ nyemī aše̱ ni nyemli aflinye. *Rom. 8,17. †Bo̱f 5,41. Iak. 1,2.

¹⁴ Ké̱ Kristo gbe̱i ahewo̱ adšé̱o̱nye le̱, *adšō̱nye, edšake̱ anumnyam mumo̱ ke̱ Nyoṅmo̱ Mumo̱ le̱ dšo̱ō̱ ehe ye̱ nyeno̱. [Ame̱ le̱ ame̱wieo̱ ehe efõṅ, ši nye le̱ nyewoo̱ eble nyam.] *2,20.

¹⁵ Ši nyeteṅ mokomoko akana amanehũlũ ake̱ awuyelo̱ lo dšalo̱ lo efõṅfelo̱ alo moko ní ke̱ ehe woo̱ meikrokomei asãdši amli;

¹⁶ ši ké̱ moko naä amanehũlũ ake̱ Kristofonyo le̱, ehĩe akagbo, ši moṅ *éwo Nyoṅmo̱ hĩe nyam ye̱ ne̱ke̱ gbe̱i ne̱ mli. *Fil. 1,20.

¹⁷ Edšake̱ be ni abadše kodšomo̱ šiši ke̱-dše̱ Nyoṅmo̱ *we le̱ eše̱ etã; ši ke̱ wo̱no̱ tšutšu edše̱ le̱, mei ní boo Nyoṅmo̱ sanekpakpa le̱ toi le̱, té ame̱nāgbē aafe tēṅ? *Ezek. 9,5. Ier. 25,29.

¹⁸ ni ké̱ ekpakpa aafe dãni aahere dšalo̱ yiwala le̱, moni šee Nyoṅmo̱ gbeyei ke̱ ašafelo̱ le̱, nēgbe̱ ame̱badamo̱? Abe̱i 11,31. Luk 23.31.

¹⁹ Nohewo̱ le̱ mei ni naä amanehũlũ ye̱ Nyoṅmo̱ suomo̱ le̱ nā le̱ hũ *atu ame̱susumai awo bo̱lo̱ ano̱kwafo le̱ deṅ ye̱ ekpakpafemo̱ mli. *Lal. 31,6.