1 Petro 2 - Ṅmãle̱ Kroṅkroṅ Le̱

¹ Nohewo le̱ *nyeše̱re̱a efõṅ fẽ ke̱ kũtũmpo̱o fẽ ke̱ osato ke̱ hetšẽmo̱i ke̱ meia-hewiemo̱i fẽ nyeſiea, *Ef. 4,22.

² ni nyeſea wiemo le̱ mli *fufo̱ kro̱ṅṅ le̱ tamo̱ †fufo̱bii ní afo̱ biane̱, koni nyedăra ye̱ mli ke̱-ná yiwalaheremo̱; *Heb. 6,12. 13. †Mat. 18,3.

³ ke̱dši nyesa nyenā ake̱ Nuṅtšo̱ le̱ mli hĩ le̱. Lal. 34,9.

⁴ Le̱ eno nyeba ake̱ *te̱ ní hĩe kã, ní gbomei ékwale̱ moṅ, ši Nyoṅmo̱ le̱, le̱ ehalale̱ ní edšra wa ye̱ ehĩe, *Lal. 118,22.

⁵ ni nye hũ, nyehãa aṅõanye tamo̱ te̱i ni hĩe kãmo̱ ake̱-tſaä mumo̱ṅ *tšũ ni afenye †oso̱foiaweku kroṅkroṅ, koni aṅõ-šã **mumo̱ṅ afo̱lei ní sa Nyoṅmo̱ hĩe ye̱ Iesu Kristo hewo̱.

⁶ Nohewo̱ hũ ni *eyo̱ ṅmãle̱ le̱ mli ake̱: “Na, mike̱ koṅte̱ mīṅmẽ ši ye̱ Zion, te̱ ní ahala ní edšra wa, ni moni heo̱ eno yeo̱ le̱ hĩe gboṅ kwrā.” *Ies. 28,16.

⁷ Nohewo̱ le̱ nye mei ní nyeheo̱ nyeyeo̱ le̱, edšra wa hãnye; ši mei ní hee yee le̱, *te̱ ní tšũtſalo̱i le̱ ekwa le̱, no noṅṅ etšṍ koṅte̱ ke̱ te̱mo̱te̱ ke̱ nanetõtõmo̱ te̱sā ehãame̱. *Mat. 21,25.

⁸ edšake̱ ake̱-ní ame̱boo wiemo̱ le̱ toi hewo̱ le̱ ame̱tĕ̱re̱, ni no noṅṅ atoame̱ ahã. Ies. 8,14. Rom 9,33.

⁹ Ši nye le̱, weku ní ahala dšinye, *maṅtše̱mei ní yeo̱ oso̱foi, dšeṅmaṅ kroṅkroṅ, maṅ ni eṅõ-fe enõ, koni nyedšadše moni tšé̱nye ke̱-dše̱ duṅ le̱ mli ke̱-ba le̱dientše̱ enākpe̱ la le̱ he le̱ agbodšē le̱; *2 Mose 19,6. Kpods. 1,6.

¹⁰ nye ní sá le̱ nyedšee maṅ, ši agbene le̱ Nyoṅmo̱ maṅ dšinye, ní anaanye mo̱bo̱, ši agbe̱ne̱ ánanye mo̱bo̱ le̱. Hos. 2,25. Rom. 9.25.

¹¹ Misuomo̱mei, mīwie mītšõnye ake̱ *gbo̱i ke̱ meikpõdši, ake̱ nyehĩa helo se̱dinii ní ke̱ susuma †wuo̱ ta le, *Lal. 39,13. †Iak. 4,1.

¹² ni nyeba nyedšeṅ dšogbāṅ ye̱ dšeṅmãdšiaṅbii le̱ ateṅ, koni nõ mli ní ame̱wieo̱ nyehe ye̱ ake̱ efõṅfelo̱i le̱, *nyenitšumo̱i kpakpai le̱ ni ame̱naä le̱ ame̱ke̱-wo Nyoṅmo̱ hĩe nyam, ye̱ sramo-gbĩ le̱ no̱. *Mat 5,16.

¹³ Nohewo̱ le̱ *nyebaä nyehe ši nyehãa gbomei agbe̱dšiano̱tō-fẽ-gbe̱dšiano̱tō, ye̱ Nuṅtšo̱ le̱ hewo̱, maṅtše̱ moni yeo̱, no̱ le̱ dsio, *Rom 13,1-7. Tit. 3,1.

¹⁴ lume̱i ní etšũ ye̱ efõṅfelo̱i aweletō̱ hewo̱ ke̱ ekpakpafelo̱i ayidšiemo̱ hewo̱ le̱ dšio.

¹⁵ Edšake̱ nakai dši Nyoṅmo̱ suomo̱-nānii le̱, *ake̱ ekpakpafemo̱ nyeke̱-atšĩmo̱ gbomei ní be̱ yitšoṅ le akwašiafemo le̱ nā, *3,16.

¹⁶ tamo̱ *odehei, ši dšee mei ní ṅõo̱ odeheyeli ne̱ ame̱feo̱ efõṅ no̱hanõ, ši moṅ tamo̱ Nyoṅmo̱ tšũdši. *Gal. 5.13.

¹⁷ *Nyewoa mei fẽ; nyesumo̱a nyenyemimei; †nyešea Nyoṅmo̱ gbeyei; nyewoa maṅtše̱. *Rom. 12,10. †Abe̱i 24,21. Mat. 22.21.

¹⁸ *Webii, nyeke̱ gbeyeišemo̱ fẽ abaä nyehe ši ahãa nyenuṅtšo̱mei, dšee meikpakpai ke̱ mlihīlo̱i ke̱ke, ši moṅ meifõdši hũ. *Ef. 6,5. Tit. 2,9.

¹⁹ Edšake̱ eno dši dromo̱, ké̱ Nyoṅmo̱ he nilē hewo̱ ni moko hĩeo̱ nidō̱nii amli, ni enaä amanehũlù ní edšaa gbe̱ le̱.

²⁰ Edšake̱ ké̱ tõ nyetõ ni ayinye ni nyeto nyetšui ši ye̱ mli le̱, mẽ anumnyam yo̱ mli? Ši ké̱ *ekpakpa nyefe ni nyena he amanehũlũ ni nyeto nyetšui ši ye̱ mli le̱, no dši dromo̱ ye̱ Nyoṅmo̱ hĩe. *3,14. 17; 4,13. 14. Mat, 5,10.

²¹ Edšake̱ ene noṅṅ hewo̱ atšé̱nye, edšake̱ Kristo hũ na amanehũlũ ehãnye ni eke̱-to *okadi efõ ši ehãnye, koni nyenyie enanemãhei le̱ ase̱, *Mat. 16.14.

²² le̱ moni efee eša, ni asaṅ anaa apasa ye̱ edāṅ le̱, Ies. 53,9. Ioh. 8,46. 2 Kor. 5,21.

²³ moni, beni adše̱o̱le̱ le̱, edše̱e̱ moko etoo nãdšiaṅ, beni enaä amanehũlũ le̱, elomo̱o̱ moko, ši moṅ etu esane ewo moni kodšoo̱ dšale̱ nā le̱ deṅ;

²⁴ moni le̱dientše̱ etĕre *wo̱he ešai le̱ ye̱ egbomotšo le̱ mli ke̱-te (se̱ṅmo̱-) tšo le̱ no̱, koni †wo̱gboi wo̱hã eša ní wo̱hĩe akãmo̱ aha dšale̱, mo he fadši ní aṅõ-tšánye le̱. *1 Ioh. 3,5. †Rom. 6,11.

²⁵ Edšake̱ kũle̱ *nyetamo̱ tōi ní elādše, ši agbe̱ne̱ le̱ nyekũ nyese̱ ke̱-ba nyesusumai †alè̱lo̱ ke̱ no̱kwe̱lo̱ le̱ ṅõ. *Ies. 53,6. Ezek. 34,5. †Ioh. 10,11. 1 Pet. 5,4.