1 Mose 24 - Ṅmãle̱ Kroṅkroṅ Le̱

¹ Ni Abraham egbo̱ ni eye gbĩĩ pī. Ni Iehowa edšō̱ Abraham ye̱ nibii fẽ mli. 12,2. Lal. 112,2. 3.

² Ni Abraham kē̱ etšũlo̱ ní dši ewe le̱ onukpa ní yeo̱ nii fẽ ní eyo̱ le̱ no̱ le̱ ake̱: Ba ni *oke̱ onine abaho̱ mifuo̱ šiši, *47,29.

³ ni mahã okã Iehowa, ṅwei Nyoṅmo̱ ke̱ šikpoṅ Nyoṅmo̱ le̱, kitã ake̱ *ow̌e̱ṅ Kanaanbii ni miyo̱ ame̱teṅ ne̱ abiyei le̱ eko ohãṅ mibi le̱; *28,1. 2 Mose 34,16.

⁴ ši moṅ oote mišikpoṅ le̱ no̱ ke̱ miweku le̱ mli ni oyaw̌e̱ yō abahã mibi Isak.

⁵ Ni tšũlo̱ le̱ kē̱le̱ ake̱: Ekole̱ yō le̱ ebakplẽṅ mise̱ nyiemo̱ ke̱ šikpoṅ ne̱ no̱ bã, bĕle̱ mike̱ obi le̱ akũ se̱ aya šikpoṅ no̱ heni odše̱ oba le̱ lo?

⁶ Ni Abraham kē̱le̱ ake̱: Kwe̱ ohe ni ahĩ ní oke̱ mibi le̱ akakũ se̱ ke̱-mīya dše̱i doṅṅ!

⁷ Iehowa, ṅwei Nyoṅmo̱ le̱, ní ṅõmi ke̱-dše mitše̱ we le̱ ke̱ miwekumei ašikpoṅ le̱ no̱ ni eke̱mi wie ni ekãmi kitã ake̱: Oseši maṅõ ne̱ke̱ šikpoṅ ne̱ mahã le̱, le̱ eetšũ ebo̱fo ke̱-nyie ohĩe ni oyaw̌e̱ yō ke̱-dše̱ dše̱i obahã mibi le̱. 12,1. 7.

⁸ Ni ke̱dši yö le̱ sumo̱o̱ ake̱ eenyie ose̱ le̱, no le̱ obe edše mikitã ne̱ mli; mibi le̱ ke̱ke̱ ni oke̱le̱ akaya dše̱i doṅṅ.

⁹ Ni tšũlo̱ le̱ ṅõ enine eho̱ enuṅtšo̱ Abraham ſuo̱ šiši, ni ekãle̱ kitã ye̱ sane le̱ hewo̱.

¹⁰ Ni tšũlo̱ le̱ ṅõ enuṅtšo̱ yomai le̱ ateṅ nyoṅma, ni eṅõ enuṅtšo̱ nibii kpakpai le̱ fẽ eko ehĩe edẽ, ni ete ši ni eyiṅ ke̱-te *Nahor mã le̱ṅ ye̱ Mesopotamia. *11,31; 27,48.

¹¹ Ni ehã yomai le̱ bumo̱ ši ye̱ maṅ le̱ ṅmaṅmaša le̱, ye̱ nubu ko he gbe̱ke̱nãši, be mli ní yei dšeo̱ kpo baä nuyē̱ le̱.

¹² Ni ekē̱: Iehowa, minuṅtšo̱ Abraham Nyoṅmo̱! Mĩkpao fai ni ohã mihe aba nii ṅme̱ne̱ gbĩ ne̱, ni omli ahĩ ye̱ minuṅtšo̱ Abraham no̱.

¹³ Na, midamo̱ nubu ne̱ he, ni mã le̱ṅ bii abiyei le̱ mīdše kpo mība nuyē̱:

¹⁴ ni hã aba mli ake̱ oblayō moni makē̱le̱ ake̱: Mīkpao fai, to ogbé̱ le̱ ke̱-ba ši, ní manu nu le̱ eko, ní eekē̱ ake̱: Nu, ni mahã oyomai le̱ hũ eko ame̱nu le̱, hã le̱ noṅṅ etšṍ moni odšie ohã otšũlo̱ Isak, ni no maṅõ-le ake̱ omli ehĩ ye̱ minuṅtšo̱ no̱.

¹⁵ Ni eha mli ake̱ enā náá anyõ ši, ke̱ke̱ le̱ na, Rebeka, moni afo̱ ahã *Betuel ni dši Abraham nyemi Nahor ṅã Milka le̱ bi le̱ dše kpo ba, ni egbé̱ tſa ekõṅ. *22,23.

¹⁶ Ni ké̱ ona oblayō le̱, ehe ye̱ fe̱o naakpa, ohlayō fro ni, ni nū ko lekole̱; ni ekpleke ši ke̱-te bu le̱ mli, ni eyawo egbé̱ le̱ obõ, ni edše kpo eba.

¹⁷ Ni tšũlo̱ le̱ ša foi eke̱le̱ yakpe ni ekē̱: Mīkpao fai ni ohã manu ogbé̱ le̱ mli nu le̱ fiō!

¹⁸ Ni ekē̱: Nu, minuṅtšo̱! Ni ehe fe oyá ni eto egbé̱ le̱ ehĩe edẽ ni ehã enu.

¹⁹ Ni beni ehã enu egbe nā le̱, ekē̱: Maye̱ eko mahã oyomai le̱ hũ ke̱-yaši beyino̱ ni ame̱anu ame̱gbe nā.

²⁰ Ni ehe fe oyá ni etšṍ egbé̱ le̱ mli nu le̱ ewo nunumo̱nõ le̱ mli, ni eša foi ete bu le̱ṅ ekoṅ eyaye nu le ehã eyomai le̱ fẽ.

²¹ Ni nū le̱ nā ni kpe̱ ehe ye̱ ehe hewo̱ le̱ efe diṅṅ, koni eṅõ-le ake̱ Iehowa ehã ehe eba nii ye̱ egbe̱fā̃ le̱ mli lo.

²² Ni eba mli ake̱, beni yomai le̱ enu etã le̱, nū le̱ ṅõ šika ga ní nā ṅmẽo̱ šekel fã ke̱ ninešigai enyo̱ ni nā ṅmẽo̱ šika šekeli nyõṅma, ni eke̱-wo enine,

²³ ni ekē̱: Namo bi dšio? kē̱mo̱mi ko! Ani wo̱o̱ná gbe̱ ye̱ otše̱ we le̱ ni wo̱yato dše̱i?

²⁴ Ni ekē̱le̱ ake̱: Milka bi Betuel ni eke̱ Nahor fo̱ le̱ bi dšimi.

²⁵ Ni esā ekē̱le̱ ake̱: Wo̱ye̱ dſe̱i ke̱ koloi aníyenii pī, ni gbe̱ hũ ye̱ ni aato dše̱i.

²⁶ Ni nū le̱ mã eyi ši ni edšá Iehowa,

²⁷ ni ekē̱: Aadšie Iehowa, minuṅtšo̱ Abraham Nyoṅmo̱ le̱, yi ake̱ ehãko emlihĩle̱ ke̱ eno̱kwayeli se̱ afo ye̱ minuṅtšo̱ no̱; ni mi hũ, Iehowa ebatšõmi minuṅtšo̱ nyemimei awe gbe̱!

²⁸ Ni oblayō le̱ ša foi ke̱-te ni eyagba mei ní yo̱ enye we le̱ ne̱ke̱ sãdši ne̱.

²⁹ Ni Rebeka ye̱ nyeminũ ko ni atšé̱o̱ egbe̱i Laban; ni Laban ša foi ke̱-dše kpo, ni ete nū le̱ ṅõ ye̱ nubu le̱ he.

³⁰ Ši eba mli ake̱, beni ena ga le̱ ke̱ ninešigai le̱ ye̱ enyemiyõ le̱ nine ši, ni enu enyemiyō Rebeka wiemo̱i ni ewie ake̱: Bo̱ni nū le̱ kē̱mi ne̱ le̱, eba nū le̱ ṅõ, ni na, edamo̱ yomai le̱ amase̱i ye̱ nubu le̱ he.

³¹ Ni eke̱: Ba šĩa, bo moni Iehowa edšō̱o! mẽhewo̱ odamo̱ ṅmaṅmaša? Ši midientše̱ misā šĩa le̱ ke̱ gbe̱ hũ mihã yomai le̱.

³² Ni nū le̱ ba šĩa le̱. Ni edšie yomai le̱ ano̱nii le̱, ni ehã yomai le̱ adſe̱i ke̱ niyenii, ni ebãle̱ ke̱ mei ni eke̱-nyie le̱ nu ni ame̱ke̱-fo̱ ame̱nãdši ahe.

³³ Ni ake̱ nii ba mã ehĩe ni eye; ši eke̱ ake̱: Miyeṅ nii, ake̱ dša midšadše nõ sane ní mihĩe ke̱-ba le̱ dã. Ni ekē̱: Wiemo̱!

³⁴ Ni ekē̱: Abraham tšũlo̱ dšimi.

³⁵ Ni Iehowa edšō̱ minuṅtšo̱ naakpa, ni etšṍ gbomo agbo; ni ehãle̱ tōi ke̱ tšinai, ke̱ dſie̱te̱i ke̱ šika, ke̱ wehĩĩ ke̱ weyei, ke̱ yomai ke̱ tedšii.

³⁶ Ni minuṅtšo̱ ṅã Sara le̱ ke̱ minuṅtšo̱ efo̱ binū ye̱ egbo̱le̱ se̱ ne̱; ni le̱ eṅõ enii fẽ ni eyo̱ le̱ ehã.

³⁷ Ni minuṅtšo̱ hã mikã kitã ake̱: Kaw̌e̱ Kanaanbii, mei ašikpoṅ no̱ ni miyo̱ ne̱ abiyei le̱ ateṅ moko obã mibi le̱,

³⁸ ši ya mitše̱ we le̱ ke̱ midšaku le̱ moṅ oyawe̱ yō obahã mibi le̱.

³⁹ Ni mikē̱ minuṅtšo̱ akē̱: Ekole̱ yō le̱ ebanyieṅ mise̱.

⁴⁰ Ni ekē̱mi akē̱: Iehowa, *mo hĩe ní minyie ne̱, aatšũ ebo̱fo afata ohe ke̱-ya, ni eehã ogbe̱ le̱ adša, ni oyaw̌e̱ yō ye̱ midšaku ke̱ mitše̱ we lē̱ obahã mibi le̱. *17,1.

⁴¹ No dãni obe aadše mikitã lē̱ mli; kē̱ ote midšaku le̱, ni ame̱hãāo le̱, bẽle̱ ohe edše mikitã le̱ mli.

⁴² Ni ṅme̱ne̱ miba nubu le̱ he, ni mikē̱: Iehowa, minuṅtšo̱ Abraham Nyoṅmo̱! ke̱dši oobã migbe̱ ni minyie ne̱ adša le̱,

⁴³ no le̱ na, midamo̱ nubu ne̱ he, ni hã aba mli ake̱ oblayō ni aadše kpo aba nuyē̱, ni makē̱le̱ ake̱: Mikpao fai ni ohãmi ogbé̱ le̱ mli nu le̱ fiō manu,

⁴⁴ ni eekē̱mi ake̱: Bodientše̱ nu, ni masã maye̱ eko mahã oyomai le̱ hũ le̱, hã le̱ noṅṅ efe yō̱ moni Iehowa edšie ebã minuṅtšo̱ bi le̱.

⁴⁵ Ni beni mikē̱ miwieo̱ migbeo̱ nā ye̱ mitšui mli pe̱ le̱, na, Rebeka pue, ni egbé̱ tſa ekõṅ ke̱-mība, ni ekpleke ši ke̱-te bu le̱ mli eyaye̱ nu; ni mikē̱le̱ ake̱: Mīkpao fai ni ohã manu eko!

⁴⁶ Ni ehe fe oyá, ni eto egbé̱ le̱ ehĩe edẽ, ni eké̱: Nu! ni mahã oyomai le̱ hũ eko ame̱nu. Ni minu, ni yomai le̱ hũ ehãame̱ eko ame̱nu.

⁴⁷ Ni mibile̱ ake̱: Namo bi dšio? Ni ekē̱: Betuel, Nahor bi ni eke̱ Milka fo̱ le̱, bi dšimi. Ni miṅõ ga le̱ miwo egugõṅ, ni miṅõ ninešigai le̱ miwo enine;

⁴⁸ ni mimã miyi ši, ni midšá Iehowa, ni midšie Iehowa, minuṅtšo̱ Abraham Nyoṅmo̱ le̱, yi ake̱ etšõmi gbe̱ kpakpa, ní mike̱-yaṅõ minuṅtšo̱ nyemibi mihã ebi le̱.

⁴⁹ Ni agbē̱ne̱, ke̱dši nyeke̱ minuṅtšo̱ aaye ye̱ mlihìle̱ ke̱ ano̱kwayeli mli le̱, no le̱ nyekē̱ mi; ni ke̱-dšee nakai hũ, nyekē̱ami, koni mawo ninedšũrõ lo abe̱kuiaṅ tšṍmo̱.

⁵⁰ Ke̱ke̱ ni Laban ke̱ Betuel here no̱ ni ame̱kē̱: Iehowa ṅõ sane nē̱ dše̱; wo̱nyẽṅ wo̱ke̱o awie efõṅ lo ekpakpa.

⁵¹ Na, Rebeka le̱ ne̱, ṅõle̱ ni oke̱le̱ aya, ni eyatšṍ onuntše̱ bi le̱ ṅã, take̱ bo̱ni Iehowa ekē̱ lē̱.

⁵² Ni eba mli akē̱, beni Abraham tšũlo̱ lē̱ nu ame̱wiemo̱i le̱, ebo ebu ši ni edšá Iehowa.

⁵³ Ni tšũlo̱ le̱ dšie dſie̱te̱i nibii ke̱ šika nibii ke̱ mamai ke̱-ba, ni eke̱-bahã Rebeka; ni esā ehã enyeminũ le̱ ke̱ enye hū nibii ní dšra wa.

⁵⁴ Ke̱ke̱ ni eke̱ mei ni fata ehe le̱ ye nii ni ame̱nu noko, ni ame̱wo̱ dše̱i nakai nyō le̱ṅ; ni beni ame̱te ši lebi le̱, ekē̱: Nyewoami gbe̱, ni maya minuṅtšo̱ ṅõ!

⁵⁵ Ni enyeminũ le̱ ke̱ enye kē̱: Hā oblayō le̱ ke̱wo̱ ahĩ ši gbĩĩ fiō ake̱ gbĩĩ nyoṅma ne̱ke̱, no se̱ koni oke̱le̱ aya.

⁵⁶ Ni ekē̱ame̱ ake̱: Nyekatšĩa minā, edšake̱ Iehowa ehã migbe̱ le̱ edša; nyewoami gbe̱, ní maya minuṅtšo̱ ṅõ!

⁵⁷ Ni ame̱kē̱: Wo̱tšé̱ oblayō le̱, ni wo̱bi edāṅ gbē.

⁵⁸ Ni ame̱tšē̱ Rebeka ni ame̱bile̱ ake̱: Oke̱ nū ne̱ aate lo? Ni ekē̱: Mate.

⁵⁹ Ni ame̱wo ame̱nyemiyō Rebeka ke̱ efufo̱hālo̱ le̱ ke̱ Abraham tšũlo̱ le̱ ke̱ emei ni fata ehe le̱ agbe̱.

⁶⁰ Niame̱dšō̱ Rebeka, ni ame̱kē̱le̱ ake̱: Wo̱nyemiyō, tšṍ mei akpei huhā anye, ni oseši aye ehenye̱lo̱i agbói le̱ ano̱! 22,17.

⁶¹ Ni Rebeka te ši ke̱ eblayei le̱, ni ame̱ho ame̱trá yomai le̱ ano̱ ke̱-nyie nū le̱ se̱; ni tšũlo̱ le̱ ṅõ Rebeka ni eṅõſie no̱.

⁶² Ni Isak dše̱ hĩekãlo̱ ní naämi le̱ *nubu le̱ gbe̱ le̱ no̱ ẽba; ši wuoyigbe̱ šikpoṅ le̱ no̱ ehĩo̱; *16,14; 25,11.

⁶³ ni gbē̱ke̱nāši le̱ Isak edše kpo ete eyiṅſiemo̱ ye ṅã le̱ ne̱; ni ehole ehĩṅme̱ii ano̱, ni ekwe̱, ni na, yomai mība.

⁶⁴ Ni Rebeka hũ hole ehĩṅme̱ii ane̱, ni beni ena Isak le̱, edše yoma le̱ no̱ eyi ši,

⁶⁵ ni ebi tšũlo̱ le̱ ake̱: Nẽ nū nyie ṅã le̱ṅ ke̱wo̱ bakpe ne̱? Ni tšũlo̱ le̱ kē̱: Minuṅtšo̱ ni. Ke̱ke̱ ni eko̱ ehĩehānõ ni eṅõ-ha ehĩe.

⁶⁶ Ni tšũlo̱ le̱ gba Isak sãdši fẽ ní eyaye le̱.

⁶⁷ Ni Isak ke̱le̱ ba enye Sara bū le̱ mli; ni eṅõ Rebeka ni ebatšṍ eṅã, ni esumo̱le̱. Ni Isak tšé̱ etšui eṅmẽ emli ye̱ *enye gbĕle le̱ se̱. *23,2.