1 Kronika 5 - Ṅmãle̱ Kroṅkroṅ Le̱

¹ Ni Ruben, Israel kromo̱bi le̱, bii ne̱ (edšake̱ le̱ dši kromo̱bi; ši ake̱-ní ebule etše̱ sā le̱ hewo̱ le̱ aṅõ ekromo̱bi-gbe̱nā le̱ ahã Israel bi Iosef bii le̱, ni abuu ekromo̱bi-gbe̱nā le̱ ye̱ weku akontābū le̱ mli; 1 Mose 35,22; 49,4.

² edšake̱ Iuda he wa ye̱ enyemimei le̱ ateṅ, ni emli lumo̱ le̱ dše̱; ši kromo̱bi-gbe̱nā le̱ tšṍ Iosef nõ): 1 Mose 49,8. 10. 22. 5 Mose 28,7. 15-17.

³ Ruben, Israel kromo̱bi le̱, bii dši: Hanok ke̱ Palu, Hezron ke̱ Karmi. 2 Mose 5,11.

⁴ Ioel bi dši Šemaia, ni Šemaia bi dši Gog, ni Gog bi dši Šimei,

⁵ ni Šimei bi dši Mika, ni Mika bi dši Reaia, ni Reaia bi dši Baal,

⁶ ni Baal bi dši Beera, moni *Tiglat-Pilneser, Ašur maṅtše̱ le̱, baṅõle̱ nom ke̱-te le̱; le̱ dši lumo̱ ye̱ Rubenbii le̱ ateṅ. *K. 26.

⁷ Ši boni abuo̱ ame̱weku akontā ye̱ ame̱fo̱mo̱i le̱ anā le̱, enyemimei ye̱ ame̱wekui le̱ anā ne̱: Onukpa Ieiel ke̱ Zakaria,

⁸ ke̱ Bela, Ioel bi Šema bi Azaz bi le̱; le̱ ehĩ Aroer āhũ ke̱-yaši Nebo ke̱ Baal-Meon he.

⁹ Ni ehĩ bokãgbe̱ le̱ hũ ke̱-yaši ṅã le̱ no̱ ke̱ Eufrate fā le̱ nā; edšake̱ ame̱koloi le̱ ſere ye̱ Gilead šikpoṅ le̱ no̱.

¹⁰ Ni Saul yino̱ le̱ ame̱ke̱ Hagribii le̱ wu, ni ame̱gbegbēame̱, ni ame̱hĩ ame̱būi le̱ amli ye̱ Gilead bokãgbe̱ niiaṅ fẽ.

¹¹ Ni Gadbii le̱ hĩ ši ye̱ ame̱ṅe̱le̱no̱ ye̱ Bašan šikpoṅ le̱ no̱ ke̱-yaši Salka.

¹² Ioel dši onukpa, ni Šafam nyie ese̱, ke̱ Ianai ke̱ Šafat ye̱ Bašan.

¹³ Ni ame̱nyemimei ni dše̱ ame̱tše̱mei awei le̱ dši: Mikael ke̱ Mešulam ke̱ Šeba ke̱ Iorai ke̱ Iakan ke̱ Zia ke̱ Eber, mei kpawo.

¹⁴ Mene̱mei dši Buz bi Iado bi Iešišai bi Mikael bi Gilead bi Iaroa bi Huri bi Abihail bii le̱.

¹⁵ Ahi ní dši Guni bi Abdiel bi le̱ dši onukpa ye̱ ame̱tše̱mei awe le̱.

¹⁶ Ni ame̱hĩ Gilead ke̱ Bašan ke̱ ehe mãdši le̱ amli ke̱ Šaron he šikpõdši le̱ fẽ no̱ ke̱-yaši ame̱hũsũi le̱ ane̱.

¹⁷ Akane mene̱mei fẽ-kwa ye̱ ame̱wekui le̱ anã ye̱ Iuda maṅtše̱ *Iotam yino̱ ke̱ Israel maṅtše̱ †Ierobeam hũ yino̱. *2 Maṅ. 15,32. †2 Maṅ. 14,28.

¹⁸ Rubenbii le̱ ke̱ Gadbii le̱ ke̱ Manase akutšo le̱ fã le̱, mei ní dši hewalo̱i ke̱ hĩĩ ní hĩeo̱ tše̱ṅ ke̱ klante ni ame̱dō̱ro̱ō̱ gãii ni ame̱kase tawū le̱ dši mei akpei-nyoṅmai-edſe̱-ke̱-edſe̱ ke̱ ohai-kpawo ke̱ nyoṅmai-ekpa, mei so̱ṅṅ ni eše̱ tayā.

¹⁹ Ni ame̱ke̱ Hagribii le̱ ke̱ Ietur ke̱ Nafiš ke̱ Nodab wu.

²⁰ Ni afata ame̱he ni ame̱ke̱ame̱ wu, ni adšie Hagribii le̱ ke̱ mei fẽ ni fata ame̱he le̱ awo ame̱deṅ; edšake̱ ame̱blo̱ ame̱tšé̱ Nānyoṅmo̱ ye̱ ta le̱ṅ, ni eboame̱ toi; edšake̱ ame̱hĩe kã eno̱.

²¹ Ni ame̱lō ame̱koloi ke̱-te: yomai akpei-nyoṅmai-enumo̱, ke̱ tōi akpei-ohai-enyo̱-ke̱-nyoṅmai-enumo̱, ke̱ tedšii akpei-enyo̱, ke̱ gbomei akpei-oha.

²² Ni mei pī nyõnyõi, edšake̱ Nyoṅmo̱ ṅō ta le̱ dše̱. Ni ame̱hĩ ši ye̱ ame̱nãdšiaṅ ke̱-yaši nomṅõ be le̱ṅ.

²³ Ši Manase akutšo le̱ fã le̱ṅ bii le̱ hĩ šikpoṅ le̱ no̱ ke̱-dše̱ Bašan ke̱-yaši Baal-Hermon ke̱ *Senir ke̱ Hermon goṅ le̱ he; ame̱yi fá. *5 Mose 8,9.

²⁴ Ame̱tše̱mei awei le̱ ano̱ onukpai ne̱: Efer ke̱ Iši ke̱ Eliel ke̱ Azriel ke̱ Ieremia ke̱ Iodavia ke̱ Iadiel: hĩĩ kãkãlo̱i ni yo̱ gbe̱i ni dši ame̱tše̱mei awei le̱ ano̱ onukpai.

²⁵ Ši beni ame̱tō ame̱tše̱mei a-Nyoṅmo̱ le̱ mla, ni ame̱yabo̱ adſamaṅ ke̱-nyie šikpoṅ le̱ no̱ mãdši ní Nyoṅmo̱ fite ye̱ ame̱hĩe le̱ anyoṅmo̱i le̱ ase̱ le̱,

²⁶ ke̱ke̱ ni Israel Nyoṅmo̱ le̱ tšē̱ *Pul, Ašur maṅtše̱ le̱, ke̱ †Tiglat-Pilneser, Ašur maṅtše̱ le̱, ewo ame̱he, ni ebaṅõ Rubenbii ke̱ Gadbii ke̱ Manase akutšo le̱ fẽ le̱ nom, ni elōame̱ ke̱-te Hala ke̱ Habor ke̱ Hara ke̱ Gozan fā le̱ nā ke̱-baši ṅme̱ne̱. *1 Maṅ. 15,19. †2 Maṅ. 15,29.

²⁷ [Y. 6,1.] Levi bii dši: Geršon ke̱ Kahat ke̱ Merari. 6,1. 5.

²⁸ [2.] Ni Kahat bii dši: Amram ke̱ Izehar ke̱ Hebron ke̱ Uziel.

²⁹ [3.] Ni Amram bii dši: Aaron ke̱ Mose ke̱ Miriam. Ni Aaron bii dši: Nadab ke̱ Abihu ke̱ Eleazar ke̱ Itamar. 2 Mose 6,20. 23. 25. 1 Kron. 6,36-38.

³⁰ [4.] Eleazar fo̱ Pinehas, Pinehas fo̱ Abišua,

³¹ [5.] ni Abišua fo̱ Buki, ni Buki fo̱ Uzi,

³² [6.] ni Uzi fo̱ Zerahia, ni Zerahia fo̱ Meraiot,

³³ [7.] ni Meraiot fo̱ Amaria, ni Amaria fo̱ Ahitub,

³⁴ [8.] ni Ahitub fo̱ Zadok, ni Zadok fo̱ Ahimaaz, 2 Sam. 8,17; 16,27. 35.

³⁵ [9.] ni Ahimaaz fo̱ Azaria, ni Azaria fo̱ Iohanan,

³⁶ [10.] ni Iohanan fo̱ Azaria (le̱ dši moni ya oso̱fo ye̱ šĩa ní Salomo mã ye̱ Ierusalem le̱).

³⁷ [11.] Ni Azaria fo̱ Amaria, ni Amaria fo̱ Ahitub,

³⁸ [12.] ni Ahitub fo̱ Zadok, ni Zadok fo̱ Šalum,

³⁹ [13.] ni Šalum fo̱ *Hilkia, ni Hilkia fo̱ Azaria, *2 Maṅ. 22,5.

⁴⁰ [14.] ni Azaria fo̱ *Seraia, ni Seraia fo̱ Iehozadak, *2 Maṅ. 26,8. Ezra 7,1. †Neh. 12,26.

⁴¹ [15.] ni *beni Iehowa tšṍ Nebukadnezar nine no̱ ehã abalō Iuda ke̱ Ierusalem ke̱-te le̱, Iehozadak hū te nomṅṍ mli. *2 Maṅ. 25,21.