1 Kronika 18 - Ṅmãle̱ Kroṅkroṅ Le̱

¹ Ni ene̱ se̱ le̱ eba mli ake̱ David tſia Filistibii le̱ anii, ni eyeame̱ no̱, ni ešō Gat ke̱ ehe mãdši le̱ ye̱ Filistibii le̱ adeṅ.

² Ni etſia Moab hũ nii, ni Moabbii le̱ tšṍmo̱ David tšũdši, ni ame̱tšũo̱ onĩa ame̱hãale̱.

³ Ni asaṅ David tſia Hadarezer, Zoba maṅtše̱ le̱, nii ăhũ ke̱-yaſie Hamat tō̃, beni eyiṅ ete ni eyaṅõ Eufrate fā le̱ he efe eno̱yelihe le̱.

⁴ Ni David mõmo̱ eſīlii akpe ke̱ ekpo̱ṅo̱iatše̱mei akpei-kpawo ke̱ nădšiatše̱mei akpei-nyoṅmai-enyo̱; ni David flo̱ ame̱ſīlii le̱ anā okpo̱ṅo̱i le̱ fẽ anãdši ase̱ fãi, ši ešī ame̱teṅ ſīlii oha nā okpo̱ṅo̱i.

⁵ Ši beni Arambii ni yo̱ Damasko le̱ ba Zoba maṅtše̱ Hadarezer le̱ yeli-ke̱-buamo̱ le̱, David gbe Arambii le̱ ateṅ mei akpei-nyoṅmai-enyo̱-ke̱-enyo̱.

⁶ Ni David ke̱ asrafoi to Damasko ní yo̱ Aram le̱, ni Arambii le̱ tšṍmo̱ David tšũdši ni tšũo̱ onĩa hăale̱. Ni Iehowa hãa David yeo̱ kũnim ye̱ hefẽhe ní eyaä.

⁷ Ni David šõ šika tše̱ṅi le̱ ní Hadarezer tšũdši le̱ hīe le̱, ni eke̱-ba Ierusalem.

⁸ Ni David lō akō̱ble babaõ dientše̱ ye̱ Tibehat ke̱ Kun, Hadarezer mãdši le̱ amli; no Salomo ṅō-fe *akō̱ble ṅšo̱ le̱ ke̱ akulašĩṅi enyo̱ le̱ ke̱ akō̱ble nibii krokomei le̱. *1 Maṅ. 7,15. 23.

⁹ ši beni Hamat maṅtše̱ Tou le̱ nu ake̱ David etſia Hadarezer, Zoba maṅtše̱ le̱, ta le̱ fẽ nii le̱,

¹⁰ ke̱ke̱ ni etšũ ebi Hadoram ke̱-ba maṅtše̱ David ṅō ni ebahãle̱ ahekō ní edšō̱le̱, ake̱-ni eke̱ Hadarezer ewu ni etſiale̱ nii le̱; edšake̱ Hadarezer ke̱ Tou ewuwū tai āhũ; ni ehĩe šika nibii ke̱ dſie̱te̱i nibii ke̱ akō̱ble nibii sro̱toi fẽ ke̱-ba.

¹¹ Ene̱mei hũ maṅtše̱ David dšō̱ no̱ ke Iehowa, eke̱fata dſie̱te̱i ke̱ šika, ní eyalõ ke̱-dše̱ dšeṅmãdši le̱ fẽ mli, ke̱-dše̱ Edom ke̱ Moab ke̱ Amonbii le̱ ke̱ Filistibii le̱ ke̱ Amalekbii le̱ adeṅ le̱, he.

¹² Ni asaṅ Abišai, Zeruia bi le̱, gbe Edombii le̱ ateṅ mei akpei-nyoṅma-ke̱-kpānyo̱ ye̱ Ṅō-dšō̱ le̱ṅ.

¹³ Ni eto asrafoi ye̱ Edom, ni Edombii le̱ fẽ tšṍmo̱ David tšũdši; ni Iehowa hãa David yeo̱ kūnim ye̱ hefẽhe ni eyaã.

¹⁴ Ni David ye Israel fẽ no̱ maṅtše̱, ni ekodšoo̱ ni eyeo dšale̱ sane ehãa maṅ le̱ fẽ.

¹⁵ Ni Ioab, Zeruia bi le̱, dši ta le̱ tše̱; ni Iehošafat, Ahilud bi le̱, dši sãdšiaṅmãlo̱;

¹⁶ ni Zadok, Ahitub bi le̱, ke̱ *Abimelek, Abiatar bi le̱, dši oso̱foi; ni Šaweša dši woloṅmãlo̱; *24,6.

¹⁷ ni Benaia, Iehoiada hi le̱, dši Keretifoi ke̱ Peletifoi le̱ atše̱; ni David bihĩĩ le̱ dši maṅtše̱ súolo̱i le̱ ateṅ onukpai.