1 Kronika 10 - Ṅmãle̱ Kroṅkroṅ Le̱

¹ Ši Filistibii le̱ ke̱ Israel wu, ni Israelbii le̱ dšo foi ye̱ Filistibii le̱ ahĩe, ni ame̱nyõnyõi ye̱ Gilboa goṅ le̱ no̱.

² Ni Filistibii le̱ nyie Saul ke̱ ebihĩĩ le̱ ase̱ wā, ni Filistibii le̱ gbe Ionatan ke̱ Abinadab ke̱ Malkišua, Saul bihĩĩ le̱.

³ Ni beni ta le̱ mli wa hã Saul, ni gãitšẽlo̱i le̱ mīninale̱ le̱, etšui fã ye̱ ame̱hewo̱.

⁴ Ke̱ke̱ ni Saul kē̱ etawūniihĩelo̱ le̱ ake̱: Gblamo̱ oklante ni oke̱-dũmi, koni ne̱ke̱ fõlo̱i ne̱ akaba ni ame̱bafemi niseniianii. Ši etawūniihĩelo̱ le̱ ekplẽẽ; edšake̱ ēše gbeyei naakpa dientše̱. Nohewo le̱ Saul ko̱ eklante ni eho egbẽ no̱.

⁵ Ni beni etawūniihĩelo̱ le̱ na ake̱ Saul egbo le̱, le̱ hũ eho egbē eklante no̱ ni egbo.

⁶ Boni Saul ke̱ ebihĩĩ etẽ le̱ ke̱ ewe le̱ fẽ gboi šikome ne̱.

⁷ Ni beni Israelbii le̱ ni yo̱ dšō̱ le̱ mli le̱ na ake̱ ame̱dšo foi, ni ake̱ Saul ke̱ ebihĩĩ le̱ egboi le̱, ame̱šī ame̱mădši le̱ ni ame̱dšo foi. Ni Filistibii le̱ ba ni ame̱bahĩ mli.

⁸ Ni eba mli ake̱ dšetše̱reno̱, beni Filistibii le̱ ba gbohĩĩ le̱ ahe nii kplo̱mo̱ le̱, ame̱na Saul ke̱ ebihĩĩ le̱ ní ame̱nyõnyõi ye̱ Gilboa goṅ le̱ no̱.

⁹ Ni ame̱kplo̱ ehe nii le̱, ni ame̱ṅõ eyitšo ke̱ etawūnii le̱, ni ame̱tšũ ayakpa Filistibii le̱ ašikpoṅ le̱ no̱ kpũla, koni ašie̱ atšõ ame̱dšemãwo̱dši le̱ ke̱ maṅ le̱.

¹⁰ Ni ame̱ṅõ etawūnii le̱ ame̱yato ame̱nyoṅmo̱i le̱ awe le̱; ši eyitšoṅoṅo le̱ ame̱ yaka ame̱kpe̱te̱ Dagon we le̱.

¹¹ Ši beni Iabeš-Gilead mū le̱ fẽ nu nii fẽ ni Filistibii le̱ efe Saul le̱,

¹² hĩĩ ekãlo̱i le̱ fẽ te ši ni *ameyadšie Saul gbonyo le̱ ke̱ ebihĩĩ le̱ agbohĩĩ le̱, ni ame̱ke̱-ba Iabeš, ni ame̱bafũ ame̱wui le̱ ye̱ blo̱fo-yō̱itšo ni yo̱ Iabeš le̱ šiši, ni ame̱ye buada gbĩĩ kpawo. *2 Sam. 2,5.

¹³ Ni Saul gbo ye̱ tõ ni etõ Iehowa no̱ ke̱ Iehowa *wiemo̱ ní ebuu le̱ hewo̱, ni asaṅ eyafe nii †ye̱ sisatšé̱lo̱ ṅõ eke̱bi nii, *1 Sam. 15,11. †1 Sam 28,8.

¹⁴ ši ebii Iehowa dāṅgbē hewo le̱ egbele̱, ni edãi maṅtše̱yeli le̱ ehã David, Išai bi le̱.