1 Korintobii 5 - Ṅmãle̱ Kroṅkroṅ Le̱

¹ Anuo̱ ye̱ nyehewo̱ kwa, ake̱ adſamaṅbō̱ ye̱ nyeteṅ, adſamaṅbō̱ ní be̱ dšeṅmãdši le̱ amli tete, ake̱ *moko w̌eo etše̱ ṅã le. *3 Mose 18,7. 8.

² Ni nye le̱, nyehe moṅ nyewoo, ši nyeyee ṅko̱mo̱, beni afe ní adšie moni tšu ne̱ke̱ nii ne̱ ye̱ nyeteṅ?

³ Edšake̱ mi ní mibe̱ nyeṅõ ye̱ gbomotšo gbe̱fāṅ, ši moṅ mumo̱ mli miyo̱ ye̱ le̱, mikodšo moni tšu ne̱ke̱ nii ne̱ momo, tamo̱ noni miye̱ nyeṅõ, ni mikē̱ Kol. 2,5.

⁴ ake̱, ke̱dši nyeke̱ mimumo̱ le̱ fẽ nā kpe ši ye̱ wo̱-Nuṅtšo̱ Iesu Kristo gbe̱i amli, ní wo̱-Nuṅtšo̱ Iesu Kristo *hewale̱ fata he le̱, *Mat 16,19; 18,18. 2 Kor. 13,10.

⁵ wo̱ṅõ ne̱ke̱ gbomo ne̱ *wo̱wo satan deṅ, koni ehelo le̱ hĩe akpãtã, ní ahere mumo̱ le̱ yiwala ye̱ Nuṅtšo̱ Iesu gbĩ le̱ no̱. *1 Tim. 1,20.

⁶ Nyeſã le̱ be̱ fe̱o. Nyelee ake̱ *mãša bibiō šaä mã sui le̱ fẽ? *Gal. 5,9.

⁷ Nohewo̱ le̱ *nyedšiea mãša momo le̱, koni nyetšṍmo̱ mã́ hē, tamo̱ boni mã́ akpĩtĩ dšinye le̱; edšake̱ agbe †wo̱-Hehō tōbi ní dši Kristo le̱ ahãwo. *2 Mose 13,7. †Ies. 53,7. 1 Pet. 1,19.

⁸ Nohewo̱ le̱ nyehãa wo̱yea Hehō gbĩdšũrõ le̱, dšee ke̱ mãša momo, ni asaṅ dšee ke̱ efõṅ lo nõšafemo̱ mãša, ši moṅ ke̱ ano̱kwale akpĩtĩ ṅmĩṅmi. 2 Mose 12,3-20.

⁹ Miṅmãnye ye̱ wolo le̱ mli ake̱ nyeke̱ adſamaṅbo̱lo̱i *akabo̱; *Mat. 18,17. 2 Tes 3,14.

¹⁰ dšee dše ne̱ṅ adſamaṅbo̱lo̱i lo hĩedsōlo̱i lo amimyelo̱i lo wo̱ṅdšálo̱i ahe kwrā miwieo̱ ne̱, edšake̱ ame̱ ni kũle̱ dša nyedše dše le̱ṅ;

¹¹ ši agbe̱ne̱ miṅmãnye ake̱ nyeke̱ame̱ akabo̱: ke̱dši moko ní atšé̱o̱le̱ nyemi le̱ dši adſamaṅbo̱lo̱ lo hĩedšōlo̱ lo wo̱ṅdšálo̱ lo modše̱lo̱ lo dā̃to̱lo̱ lo amimyelo̱ le̱, le̱ le̱ nyeke̱le̱ akayea nii tete. 2 Tes. 3.6. Tit. 3,10. 2 Ioh 10.

¹² Ši mei ní *yo̱ se̱ le̱, mẽ ame̱kodšomo̱ hũ miná? Ani dšee mei ní yo̱ mli le̱, nyekodšoo̱, *Mar. 4,11.

¹³ ši mei ní yo̱ se̱ le̱, Nyoṅmo̱ dši moni kodšoo̱ame̱? *Nyedšiea mofõṅ le̱ ye̱ nyeteṅ. *5 Mose 13,6.