1 Korintobii 15 - Ṅmãle̱ Kroṅkroṅ Le̱

¹ Ši, anyemimei, mihã nyele ake̱ sanekpakpa le̱ ní mīdšadše mitšõnye, ni nyemõ mli hũ, ni nyehĩe mli hũ le̱,

² no noṅṅ ake̱-aahere nyeyiwala, ké̱ nyemõmo̱ mli bo̱ni midšadše mitšõnye le̱, ké̱ dšee nakai le̱ nyehe nyeye yakatſā.

³ Edšake̱ kleṅkleṅ sãdši ní mike̱-hãnye le̱ ateṅ eko dši noni mi hũ ake̱-hãmi, ake̱ Kristo gbo ye̱ wo̱he ešai le̱ ahewo̱ ye̱ *ṅmãle̱i le̱ anā, *Ies. 53.8. 9.

⁴ ni ake̱ afũle̱, ni ake̱ atēle̱ ši ekoṅ ye̱ gbĩ ní dši gbĩ etẽ le̱ no̱ ye̱ *ṅmãle̱i le̱ anā; *Lal. 16,10.

⁵ ni ake̱ edšie ehe kpo etšõ *Kefa, no se̱ le̱ †mei nyoṅma ke̱ enyo̱ le̱. *Luk. 24,34. †Mar. 16,14.

⁶ No se̱ le̱ edšie ehe kpo etšõ aafe nyemimei ohai-enumo̱ lo nõ šikome, mei ni ame̱teṅ mei pī yo̱ ke̱-baši ṅme̱ne̱, ši meikomei hũ éwo̱.

⁷ No se̱ le̱ edšie ebe kpo etšõ Iakobo, no se̱ le̱ *bo̱foi le̱ fẽ. *Luk. 24,50.

⁸ Ši ame̱fẽ ame̱se̱ le̱ edšie ehe kpo etšõ *mi hũ ní mitamo̱ moko ní akpatu afo̱le̱ le̱. *9,1.

⁹ Edšake̱ mi le̱ midši *bibiō fè fẽ ye̱ bo̱foi le̱ ateṅ, ni misaa tete ake̱ atšé̱o̱mi bo̱fo hũ, edšake̱ miwa Nyoṅmo asafo le yi. *Ef. 3,8.

¹⁰ Ši Nyoṅmo̱ dromo̱ mike̱-dši noni midši ne̱, ni edromo̱ le̱ ni edromi le̱ efee yaka; ši moṅ noni teke ame̱fẽ ame̱nõ le̱ ne̱ ni mitšu; ši dšee mi tete, ši moṅ Nyoṅmo̱ dromo̱ ní ke̱mi yo̱ le. 2 Kor. 11,5. 25.

¹¹ Nohewo̱ le̱ agbe̱ne̱, miṅ ō, ame̱ṅ ō, nakai wo̱šie̱o̱, ni nakai nyehe nyeye hũ.

¹² Ši kē̱ ãšie̱ ye̱ Kristo be ake̱ atēle̱ ši ke̱-dše̱ gbohĩĩ ateṅ le̱, té tẽṅ ní nyeteṅ meikomei kē̱o̱ ake̱ gbohĩĩašitē ko be̱ le̱?

¹³ Ši ké̱ gbohĩĩašitē ko be̱ le̱, bĕle̱ Kristo hũ atēēle̱ ši.

¹⁴ Ši ké̱ atēē Kristo ši le̱, bĕle̱ we̱šie̱mo̱ le̱ efe yaka, ni nyehemo̱-ke̱-yeli le̱ hū efe yaka;

¹⁵ ni asaṅ akpawo̱ ši ake̱ Nyoṅmo̱ be amale-odaseyelo̱i dšiwo̱, edšake̱ wo̱ye Nyoṅmo̱ he odase ako̱ etē Kristo ši, moni, ke̱dši eye̱ mli ake̱ gbohĩĩ etee ši le̱, bĕle̱ etēkole̱ ši. Bo̱f. 1,22.

¹⁶ Edšake̱ ké̱ atēē gbohĩĩ aši le̱, bĕle̱ Kristo hũ atēkole̱ ši. 6,14.

¹⁷ Ni asaṅ ké̱ atēko Kristo ši le̱, no le̱ nyehemo̱-ke̱-yeli le̱ efe yaka, ni nye-kãmo̱ nyehe ešai le̱ amli lolo; K. 14.

¹⁸ no le̱ mei ní ewo̱ ye̱ Kristo mli le̱ hũ elādše.

¹⁹ Ké̱ wala ne̱ mli ke̱ke̱ wo̱hĩe kã Kristo no̱ yo̱ le̱, wo̱nii ye̱ mo̱bo̱ fè gbomei fẽ.

²⁰ Ši agbe̱ne̱ atē Kristo ši ke̱-dše̱ gbohĩĩ ateṅ, efe *kleṅkleṅmo ye̱ mei ní †ewo̱ le̱ ateṅ. *Kol. 1,18. †1 Kor. 11,30.

²¹ Edšake̱ bo̱ni gbĕle tšṍ gbomo no̱ ke̱-ba le̱, nakai noṅṅ šitē hũ tšṍ gbomo no̱ ko̱-ba. 1 Mose 3,17-18. Rom. 5,12. 18.

²² Edšake̱ take̱ bo̱ni Adam mli ni mei fẽ gboio̱ ye̱ le̱, nakai noṅṅ kẽ Kristo mli ni ame̱fẽ ame̱yi aaná wala ye̱.

²³ Ši mofẽmo ye̱ le̱dientše̱ egbe̱dšiano̱: *kleṅkleṅmo dši Kristo, †no se̱ le̱ mei ni dši Kristo nii le̱, ye̱ ebā le̱ mli; *K. 20. †1 Tes. 4,15. Kpods. 20,5.

²⁴ no se̱ dãni nāgbē le̱ baba, beni eeṅõ maṅtše̱yeli le̱ ehã Nyoṅmo̱ ke̱ tše̱ le̱, ni eefo no̱yeli fẽ ke̱ hegbe̱ fẽ ke̱ hewale̱ fẽ se̱ le̱. Dan. 2,44.

²⁵ Ši dša eye maṅtše̱ ke̱-yaši beyino̱ ní eeṅõ henye̱lo̱i le̱ fẽ eto enãdšiaši. Lal. 110,1. Mat. 22,44.

²⁶ Nāgbē henye̱lo̱ ní abafo ese̱ dši gbĕle. Kpods. 20,14; 21,5.

²⁷ Edšake̱ *eṅõ nibii fẽ-kwa eto enãdšiaši. Ši ké̱ ekē̱ ake̱ aṅõ nibii fẽ ato ešiši le̱, bĕle̱ eye̱ faṅṅ ake̱ moni ṅõ nibii fẽ to ešiši le̱ be̱ mli. *Lal. 8,7.

²⁸ Ši beni aṅõ nii fẽ ato bi le̱ šiši le̱, no le̱ le̱dientše̱ hũ eeṅõ ehe eto moni ṅõ nii fẽ to ešiši le̱ šiši, koni Nyoṅmo̱ afe nibii fẽ ayitšo.

²⁹ Edšake̱, mei ní hãa abaptisio̱ame̱ ye̱ gbohĩĩ anãdšiaṅ le̱, tē ame̱bafe tēṅ? Ké̱ gbohĩĩ eteṅ ši kwrā le̱, mẽba mo̱ ni ame̱hãa abaptisio̱ame̱ ye̱ gbohĩĩ anãdšiaṅ le̱?

³⁰ Mẽba wo̱ hũ wo̱naã amane ṅmle̱tſā-fẽ-ṅmle̱tſā le̱? Rom. 8,36.

³¹ Mina nyeheſā̃ ní miyo̱ ye̱ wo̱-Nuṅtšo̱ Kristo Iesu mli le̱, ake̱ migboo̱ dãne̱. 2 Kor. 4,10. 11.

³² Ké̱ gbomo gbe̱fãṅ ni mike̱ koloi awuyelo̱i wu ye̱, ye̱ Efeso le̱, kũle̱ mẽ se̱námo̱ miyo̱? Ké̱ gbohĩĩ etee ši le̱: *“Nyehãa wo̱yea nii ni wo̱nua dā̃i, edšake̱ wó̱ le̱, wo̱bagboi!” *Ies. 22,13.

³³ Nyekahša ašišinanye. Nanyobō̱ fõṅ fiteo̱ dšeṅba kpakpa.

³⁴ *Nyehãa nyehĩe atše̱re̱anye dšogbāṅ, ni nyekafea eša; edšake̱ nyeteṅ meikomei †lee nokonoko ye̱ Nyoṅmo̱ hewo̱. **Mīkē̱ ene̱ mike̱-wonye hĩegbĕle. *Rom. 13,11. Ef. 5,14. †Bo̱f. 26,8. **1 Kor. 6,5.

³⁵ Ši ekole̱ moko aabi ake̱: Té gbohĩĩ aafe tẽṅ ate šiṅ? ni asaṅ mẽ gbomotšo ame̱ke̱-aba?

³⁶ Kwašia! Noni bo̱dientše̱ odũo̱ le̱, *dša egbo fẽdã ni eyi náa wala, *Ioh. 12,24.

³⁷ ni asaṅ noni odũo̱ le̱, dšee tšo ní babale̱ odũo̱ lé̱, ši moṅ dũmo̱wú kuli ko ke̱ke̱, ké̱ ṅmã ni dšio, nii ni eſe̱ le̱ eko ni dšio;

³⁸ ši Nyoṅmo̱ hãale̱ tšo bo̱ni esumoo̱, ni wú-fẽ-wú le̱, ehãale̱ le̱dientše̱ etšo. 1 Mose 1,11.

³⁹ Dšee helo ſẽ dši helo kome, ši moṅ esõro gbomei ahelo, ni esõro koloi ahelo, esõro nuṅloi anõ, ni esõro lofõdši anõ hũ.

⁴⁰ Ni ṅwei gbomotšei ye̱, ni šikpoṅ no̱ gbomotšei hũ ye̱; ši kẽle̱ esõro ṅwei nii anumnyam, ni esõro šikpoṅ no̱ nii le̱ hũ anõ.

⁴¹ Esŏro hũlũ anumnyam, ni esõro nyoṅtšẽre hũ anumnyam, ni esŏro ṅulamii anumnyam; edšake̱ ṅulami kome fè ṅulami kroko anumnyam.

⁴² Nakai noṅṅ dši gbohĩĩašitē le̱ hũ. Adũo̱le̱ ye̱ fitemo̱ mli, atēo̱le̱ ši ye̱ noni fitee mli;

⁴³ adũo̱le̱ ye̱ noni be̱ nyam mli, atēo̱le̱ ši ye̱ *anumnyam mli; adũo̱le̱ ye̱ gbedemo̱ mli, atēo̱le̱ ši ye̱ hewale̱ mli; *Fil. 3,20. 21.

⁴⁴ aduo̱ susuma gbomotšo, atēo̱ mumo̱ gbomotšo ši. Ké̱ Susuma gbomotšo ye̱ le̱, mumo̱ gbomotšo hũ ye̱.

⁴⁵ Nakai *aṅmā hũ ake̱: “Adam ni dši kleṅkleṅ gbomo le̱ tšṍ misusu ní hĩe kã,” nāgbē Adam le̱ tšṍ †mumo̱ ní hãa mo yi náa wala. *1 Mose 2,7. †2 Kor. 3,17.

⁴⁶ Ši dšee mumo̱nõ le̱ dši kleṅkleṅnõ, ši moṅ susumanõ le̱, no se̱ le̱ mumo̱nõ le̱.

⁴⁷ Kleṅkleṅ gbomo le̱ ní dše̱ šikpoṅ no̱ le̱, šikpoṅno̱nyo ni; gbomo ní dši enyo̱ le̱, dši Nuṅtšo̱ ní dše̱ ṅwei le̱.

⁴⁸ Bo̱ni šikpoṅno̱nyo le̱ yo̱ le̱, nakai šikpoṅno̱bii le̱ hũ yo̱; ni bo̱ni ṅweinyo le̱ yo̱ le̱, nakai ṅweibii le̱ hũ yo̱;

⁴⁹ ni tamo̱ bo̱ni wo̱hĩe šikpoṅno̱nyo le̱ *subãṅ le̱, nakai noṅṅ wo̱bahĩe ṅweinyo le̱ hũ subãṅ. 1 Mose 5,3.

⁵⁰ Anyemimei, noni mikē̱o̱ dši ake̱, helo ke̱ lá nine še̱ṅ Nyoṅmo̱ maṅtše̱yeli le̱ no̱, ni asaṅ fitemo̱ hũ nine še̱ṅ noni fitee le̱ no̱. 6,13.

⁵¹ Na, tēmo̱sane miṅõ-kē̱o̱nye ne̱: *Dšee wo̱fẽ wo̱bawo̱ le̱, ši abatšake wo̱fẽ, *1 Tes. 4,15. 17.

⁵² trukă, hĩṅme̱itſā mli, beni aakpã́ nāgbē *te̱tre̱mantre̱ le̱; edšake̱ abakpã́ te̱tre̱mantre̱, ni aatē gbohĩĩ aši ni ame̱fiteṅ doṅṅ, ni wo̱ le̱, abatšakewo̱. *Mat 24,31. 1 Tes. 4,16.

⁵³ Edšake̱ dša ne̱ke̱ fitemo̱nō ne̱ wo noni fitee le̱, ni ne̱ke̱ gbĕlenō ne̱ wo noni gboo le̱. 2 Kor. 5,4.

⁵⁴ Ši beni ne̱ke̱ fitemo̱nõ ne̱ ewo nom fitee le̱, ni ne̱ke̱ gbĕlenõ ne̱ ewo noni gboo le̱, no le̱ wiemo̱ ní aṅmã le̱ aaba mli ake̱:

⁵⁵ “Amĩ gbĕle ye̱ kũnim mli. Bo gbĕle, nēgbe̱ ogãi le̱ yo̱? bo gbohĩĩadše, nẽgbe̱ okũnim le̱ ye̱?” Ies. 25,8. Hos. 13,14.

⁵⁶ Ši gbĕle gãi dši eša; ni *eša hewale̱ dši mla le̱. *Rom. 7,13; 6,14.

⁵⁷ Ši šidā ahã Nyoṅmo̱, moni tšṍ wo̱-Nuṅtšo̱ Iesu Kristo no̱ ni ehã wo̱ye kũnim le̱.

⁵⁸ Nohewo̱ le̱, minyemimei ni misumoo̱, nyefĩa ši ní nyekagbugbãa, ni nyetekea no̱ ye̱ Nuntše̱ le̱ nitšumo̱ le̱ mli dāne̱, edšake̱ nyele *ake̱ nyemo̱deṅbō̱ le̱ efee yaka ye̱ Nuṅtšo̱ le̱ mli. *2 Kron. 15,7.