1 Korintobii 14 - Ṅmãle̱ Kroṅkroṅ Le̱

¹ Nyedia suomo̱ se̱. Ši nyehĩe ado̱a ye̱ mumo̱ṅnii le̱ ahe, ši titri le̱, koni nyegba. 12,10. 31.

² Edšake̱ moni wieo̱ ke̱ lile̱i sro̱to ko le̱, dšee gbomei ewieo̱ etšõo̱, ši Nyoṅmo̱ moṅ; edšake̱ mokomoko nuu, ši mumo̱ mli ewieo̱ tēmo̱sãdši ye̱.

³ Ši moni gbaä le̱, gbomei ewieo̱ etšõo̱ ni eṅõ-hã ame̱nane amõ šĩ, ni ebo̱ame̱ ko̱ko̱, ni eše̱dše ame̱mī.

⁴ Moni wieo̱ ke̱ lile̱i sro̱to ko le̱, le̱dientše̱ enane ehãa mõo̱ ši; ši moni gbaä le̱, asafo le̱ nane ehãa mõo̱ ši.

⁵ Ši mīsumo̱ ni *nyefẽ nyewie ke̱ lile̱ii sro̱toi; ši noni misumoo̱ titri dši ake̱ nyegbe; edšake̱ moni gbaä le̱ efè moni wieo̱ ke̱ lile̱ii sro̱toi, dša †etšõ šiši hũ, koni asafo le̱ nane amõ ši. *4 Mose 11,29. †1 Kor. 12,10.

⁶ Ši agbe̱ne̱, anyemimei, ke̱dši miba nyeṅõ mibawie ke̱ lile̱ii sro̱toi ní dšee kpodšiemo̱ alo *nilē alo gbale̱ alo nitšõmo̱ ko ni le̱, mẽ se̱ mihãa nyenaa? *12,8.

⁷ Take̱ bo̱ni nii ni be̱ wala le̱ gbē̱o̱ le̱, ble̱ dsio, saṅkũ dšio, ke̱dši egbē̱ē̱ ke̱ gbēi sro̱toisro̱toi le̱, té aafe tēṅ ní aale noni akpāa lo noni atſaä le̱ṅ?

⁸ Edšake̱ ke̱dši te̱tre̱mantre̱ egbē̱ē̱ gbē̱mo̱ ní yo̱ faṅṅ le̱, namo aasā ehe ato ta?

⁹ Nakai noṅṅ kẽ dši nye̱ hũ ye̱ lile̱i gbe̱fāṅ: ke̱dši nyewiee wiemo̱ ní šiši yo̱ faṅṅ le̱, té aafe tẽṅ ní aale noni akē̱o̱ le̱? Edšake̱ nyetamo̱ mei ní wieo̱ tšõo̱ kō̱yo̱.

¹⁰ Gbēĩ sro̱toi pī ye̱ dše le̱ṅ moṅ, ši ekomeflo be̱ ní be̱ šiši.

¹¹ Ši agbe̱ne̱ ke̱dši minaa wiemo̱ le̱ šiši le̱, bĕle̱ mibatšṍ dšekõnyo ye̱ moni wieo̱ le̱ hĩe, ni moni wieo̱ le̱ hũ batšṍ dšekõnyo ye̱ mihĩe.

¹² Gbĩĩ abo̱ ní nyehĩe do̱ō̱ ye̱ mumo̱ṅnii ahe le̱, nakai noṅṅ nyetaoa koni nyeteke no̱ ni asafo le̱ nane amõ ši. K. 1-4.

¹³ Nohewo̱ le̱ moni wieo̱ ke̱ lile̱i sro̱to ko le̱, hā ní eso̱le koni etšõ šiši, hũ. 12,10.

¹⁴ Edšake̱ ke̱dši miso̱leo̱ ke̱ lile̱i sro̱to dšiṅṅ, mimumo̱ le̱ so̱leo̱ moṅ, ši midſẽṅmo̱ le̱ ewoo yibii.

¹⁵ Agbe̱ne̱ meni? Mĩke̱ mumo̱ aaso̱le, ši mĩke̱ dſẽṅmo̱ hũ aaso̱le; mala *lala ke̱ momo, ši mala lala ke̱ dſẽṅmo hũ. *Ef. 5,19.

¹⁶ Edšake̱ ké̱ oke̱ mumo̱ mīdšō̱ le̱, té aafe tẽṅ ni moni tá mei ni lee mli eko le̱ agbe̱he le̱ aakē̱ Amen aši ošidā le̱ no̱, ake̱-ní elee noni okē̱o̱ le̱?

¹⁷ Edšake̱ bo le̱, oda ši dšogbāṅ moṅ, šĩ kẽle̱ mokroko le̱ nane mõõ ši.

¹⁸ Mīda mi-Nyoṅmo̱ le̱ ši ake̱ mifè nyefẽ ye̱ lile̱ii sro̱toi amli;

¹⁹ ši kẽle̱, asafo le̱ mli le̱, mīsumo̱ ake̱ mike̱ midſẽṅmo̱ awie wiemo̱i komekomei enumo̱, koni maṅõ-tšõ meikrokomei anii moṅ, fè noni mawie wiemo̱i komekomei akpei-nyoṅma ye̱ lile̱i sro̱to mli.

²⁰ Anyemimei, nyekafea nyehe *gbekẽbii ye̱ dſẽṅmo̱ gbe̱ſāṅ, ši efõṅ gbe̱ſāṅ le̱ nyefea nyehe abifabii; ši dſẽṅmo̱ gbe̱fāṅ le̱, nyefea nyehe mei ní †edăra. *Ef. 4,15. †Fil. 3,12. 15.

²¹ *Aṅmã ye̱ mla le̱ mli ake̱: “Wiemo̱i sro̱toi amli ke̱ nãbui sro̱toi ano̱ matšṍ mike̱ ne̱ke̱ maṅ ne̱ awie, ši no hū tete ame̱boṅmi toi, Nuṅtšo̱ le̱ kē̱.” *5 Mose 28,49. Ies. 28,11. 12.

²² Nohewo̱ le̱ lile̱ii sro̱toi le̱ edšee okadi hã heyelilo̱i, ši moṅ edši okadi hã mei ni hee yee; ni gbale̱ le̱, edšee mei ní hee yee le̱ anõ, ši moṅ heyelilo̱i anõ ni.

²³ Nohewo̱ le̱ agbe̱ne̱ ke̱dši asafo mū le̱ fẽ nā bakpe ši ye̱ hekome, ni mei le̱ fẽ ke̱ lile̱ii sro̱toi mīwie, ni mei ní lee mli eko alo mei ní hee yee le̱ ateṅ meikomei hũ ba dše̱i le̱, ani ame̱kē̱ṅ ake̱ nyemīye se̱ke̱?

²⁴ Ši ke̱dši mei le̱ fẽ mīgba, ni moko ní hee yee alo elee mli eko ba dše̱i le̱, mei le̱ fẽ aakãle̱, mei le̱ fẽ aakodšole̱,

²⁵ aadšie etšuiṅ tēmo̱nii akpo faṅṅ, ni no aahã eke̱ ehĩe abu ši edšá Nyoṅmo̱, ni eedšadše ake̱ Nyoṅmo̱ ye̱ nyeteṅ le̱le̱ṅ. Ioh. 14,8.

²⁶ Bĕle̱ meniṅ mo̱, anyemimei? Ké̱ *nyenā bakpe ši, ni nyeteṅ moko ye̱ lala ko, moko hũ †ye̱ tšõmo̱ ko, moko ye̱ lile̱i sro̱to ko, moko ye̱ kpodšiemo̱ ko, moko ye̱ šišitšõmo̱ ko le̱: nyehãa afea fẽ **bo̱ni mei anane aamõ ši. *11,18. 20. †12,8-10. **Ef. 4,12.

²⁷ Ke̱dši aawie lile̱i sro̱to le̱, dāne̱, mei enyo̱ lo, ké̱ efá āhũ le̱, mei etẽ pe̱ áwĩe, mokomekome, ni mokome hũ átšõ šiši;

²⁸ ši ke̱dši šĩšitšõlo̱ ko be̱ le̱, hã ní efe diō ye̱ asafo le̱ mli, ši ewie ehã le̱dientše̱ ehe ke̱ Nyoṅmo̱.

²⁹ Ši gbaloi le̱, mei enyo̱ lo mei etẽ awie, ni mei ní eſe̱ le̱ *akodšo. *1 Tes. 5,21. Bo̱f. 17,11.

³⁰ Ši ke̱dši adšie noko kpo atšõ moko ni tá ši le̱, tšutšumo le̱ afe diō.

³¹ Edšake̱ ké̱ afe mokomekome le̱, nyefẽ nyeanyẽ nyegba, koni mei fẽ akase nii ni awie atšõ mei fẽ.

³² Ši gbalo̱i amumo̱i le̱ baã ame̱he ši ame̱hãa gbaloi le̱;

³³ edšake̱ Nyoṅmo̱ le̱, edšee sakasa-kafemo̱ Nyoṅmo̱, ši moṅ hedšo̱le̱ Nyoṅmo̱ ni; take̱ bo̱ni eyo̱ ye̱ hetšelo̱i asafoi le̱ fẽ mli le̱.

³⁴ Nyehãa *yei le̱ afea diō ye̱ asafoi le̱ amli, edšake̱ aṅmẽẽame̱ gbe̱ ní ame̱wie, ši moṅ †ame̱ba ame̱he ši, take̱ bo̱ni mla le̱ hũ kē̱o le̱. *1 Tim. 2,12. †1 Kor. 11.3. Ef. 5,22. Tit. 2,5. 1 Mose 3,16.

³⁵ Ši ké̱ ame̱mīsumo̱ ake̱ ame̱kase noko le̱, ame̱bi ame̱dientše̱ ame̱wùmei ye̱ šĩa. Edšake̱ eye̱ hīegbĕle hã yei ake̱ ame̱awie ye̱ asafo mli.

³⁶ Alo nyeṅõ Nyoṅmo̱ wiemo̱ le̱ dše̱? Alo nye ke̱ke̱ nyeṅõ eba?

³⁷ Ké̱ efeo̱ moko ake̱ gbalo̱ alo mumo̱ṅgbomo dšile̱ le̱, sa ake̱ ele ake̱ noni miṅmãnye ne̱, Nuṅtšo̱ le̱ kitãi ni; 1 Ioh. 4,6.

³⁸ ši ké̱ moko lee noko le̱, ekale.

³⁹ Nohewo̱ le̱, anyemimei, nyehĩe ado̱a ye̱ gbalo̱ hewo̱, ni lile̱ii sro̱toi ke̱ wiemo̱ le̱ hũ nyekatšĩa nā.

⁴⁰ Afe nii fẽ bo̱ni yo̱ fe̱o ke̱ gbe̱nā-gbe̱nā. Kol. 2,5.