Yudit 15 - Bible en Guidar

Mə Yudeɗ askaŋgək wəla ( 15:1—16:25 ) Ɗiy dəsərŋgəsl dələv anzoŋko

¹ Səza məzəlpaŋ na Asiri naddivit gizlirkeɗe aprəmən an dəgəɗə, ageslne'eŋgik diyɗa.

² Əkkere gəm geslne armeke; ɗəf tay dəsan a maŋgava ɗəf maɓɓan ɓa; ya atərayaŋgək aka ma taka, anzoŋguk dəket tiveɗ temtem na təki məpəlayya gəm naka kivadələv net mossorgoɗe pakə.

³ Ɗiy en dəziyən dibirgidik net aka kivadələv net mossorgoɗe go'o də Betuli pak anzoŋko. Ndəni zel na Israyel, zel məs də mbel zit nalpa na walaŋgit pak azlalbayaŋ aketi.

⁴ Oziyas aslən ɗiy a Betomestayim, a Bebay, a Koba, a Kola gəm aka va dələv na Israyel pak ənah sit an dəgəɗ pakə, gəm ənah sit na ɗiy pak dəzlalbayaŋ aket məzuzelɗe vi kawzeti.

⁵ Də əprəmən vaska, mə Israyelɗe arɓəzlaŋgək aketi, baymet pak aka ma taka, abeynin hã gap a Koba. Ɗiy na Yerusalem azzoŋko'e, vaska'e ɗiy naka kivadələv net mossorgoɗe, vi mənah siti an dətoŋ a dibirgidik net məzuzelɗe neti. Ɗiy na Galad gəm en na Galile awaksitinik sə kəlaka tukzlumit də gbogboŋgo hã gap a Damas də dələv nani.

⁶ Madambirgit ɗiy na Betuli aderzeheŋ aka dibirgidik net ɗiy na Asiri, appohonəni arahaŋ arya diyɗa.

⁷ Səza mə Israyelɗe, amilyoŋ sə təki əzet ɗiy pakə, andahnənək zəga an dəpəl pakə; walaŋgəleɗe dit gazlaŋɗe na kivadələv net mossorgoɗe pakə gəm təki məpəlayya, arahaŋgək zəga na ma wəgay diyɗa, vi diyɗa yi sawɓa.

Ədaw na əska wəla net mə Israyelɗe

⁸ Yoyakim daya net məsdəlvenge gəm əsap net ɗiy məsɓet net ɗiy na Israyelɗe na Yerusalem pak azzoŋgək vi kawla moggon məs Daya agəɗ sən Israyel, kawlət Yudit gəm kasɗata.

⁹ Səza atoŋgoŋ anatda, aɗɗaŋ sətənək zazay ndəɗaŋ sap pakə gəm anah sətən na: «Istə gagdak na Yerusalem, zəga na əkaɓ na Israyel, ənnek metiŋgin na mahəlfa namə.

¹⁰ As pak də vok kəɗɗa, kəgəɗək moggon sən Israyel, Maŋgəlva annekik dəndəni. Soko suk də iya na Daya məlĩ an faɗə.» Ɗiy anahaŋ na: «Kəta dəsan vaska.»

¹¹ Ɗiy pak appohonənək dibirgidik addəv əvoŋ kaklaw hoku. Apsətən gizirlke na Holoferne gəm zəgeɗ nan na təbəz babar pakə, zəgeɗ nawvoŋ nani, mesteɓeɗ nani gəm zəgeɗ na wəza nan pakə. Təndeke tiɗi aka koropələs nata, tətok mawteɗ net pilseŋge nata, təne' addivti.

¹² Gil na Israyel pak anzoŋguk vi kawlətəni gəm aɗɗaŋ sətənək əzaɓa. Ɗiy meɓɓet səret ayaŋ sətənək gəlaya. Təgəmək dis na va gaslamba ammba vata, təpsit ɗiy dəssoŋ ndəndəta.

¹³ Ndət dit gil dəssoŋ dəndət pak tahəŋ də mətərkiya na gaslamba na hereme, tat ədaw abet ɗiy pakə, tat ədawgən gəlya net gil pakə. Zel na Israyel pak tahəŋ əzbetin dit zəgəɗ nalpa də mətərkiya aketi, də gəlyanalva ameti.

¹⁴ Ndəni Yudit təɓap wəla gəlya namndan sokoŋ a walaŋgit məs Israyelɗe pakə, ɗiy pak aslanənək wəla gəlya van hã a disiŋ.