Yosuwa 21 - Bible en Guidar

Walaŋgəleɗe net mə Leviɗe ( 21:1-45 ) Walaŋgəleɗe gugriɗ net mə Leviɗe

¹ Ɗiy gugriɗ na məlma net mə Leviɗe, payaŋ azet may məsdələv Ele'azar, Yosuwa wətən Nun gəm ɗiy gugriɗ net mahəlfaɗe net mə Israyelɗe.

² Apeleŋ sitin a Silo, aka dələv na Kana'an də ənah na: «Yawe aɗiyək wən nan ava Moyis dəpsəmgən walaŋgəleɗe gugriɗ nassa nam də gəla, də mapoho nawtaɗ arya namə.»

³ Ndeni mə Israyelɗe apsitin walaŋgəleɗe guriɗiŋ də mapoho net pak səza hara dələv net sit mə leviɗe va Yawe aɗi wən nani.

⁴ Vẽpəlu abətək aka məlma net mə Kehatɗe; səret mə leviɗes na, kirtin məsdələv Aron arəhaŋgək walaŋgəleɗe gugriɗ kəlaw kiyit hoku də vẽpəlu səza haran na mahəlfa na Yuda, səza haran na mahəlfa na Simeyon gəm səza haran na mahəlfa na Benyamin.

⁵ Sit kirtin Kehat en dəmmbraŋ na, vẽpəlu apsitik walaŋgəleɗe gugriɗ kəlaw səva məlma na mahəlfa na Efrayim, na Dan gəm na wəɗak na mahəlfa na Manase.

⁶ Kirtin Gerson arəhaŋgək walaŋgəleɗe gugriɗ kəlaw kiyit hoku də vẽpəlwa səddəv Basan səva zev mahəlfa na Isakar, mahəlfa na Aser, mahəlfa na Neftali, gəm səva wəɗak na mahəlfa na Manase.

⁷ Zev Merari arəhaŋgək walaŋgəleɗe gugriɗ kəlaw kiyit sula aza məlma na zit səzan na mahəlfa na Ruben, mahəlfa na Gad, gəm səzan na mahəlfa Zabulon.

⁸ Mə Israyelɗe apsitinik Walaŋgəleɗe gugriɗes də mapoho net pak sit mə leviɗe də əɗɗa vẽpəlwa va Yawe aɗi wən nan ava Moyisi.

⁹ Iya net walaŋgəleɗe gugriɗ na zev Yuda gəm na zev Simeyon en məpsit yəŋki

¹⁰ net kirtin Aron zev Kenat səret kirtin Levi. Vi aket vẽpəlwa abət daabəŋ.

¹¹ Apsitinik Kiryat-Arba adawyaŋ na Hebron də mapoho nan pakə. Arba van ndəni afən Anak, dəsan a walaŋ mossorgo na Yuda.

¹² Ya gulyeŋge na walaŋgəleɗe gugriɗ dit walaŋgəleɗe en meɗmeɗ nan hara na, apsininik Kaleb wətən Yefunne ka nani.

¹³ Sit kirtin məsdələv Aron na, apsitinik walaŋgəleɗe nawɗam net piɗe na məbay gəbaya. Hebron də mapoho nani, Libna də mapoho nani,

¹⁴ Yatir də mapoho nani, Estemo'a də mapoho nani,

¹⁵ Holon də mapoho nani, Debir də mapoho nani,

¹⁶ Ayin də mapoho nani, Yutta də mapoho nani, Betsemes də mapoho nani, sap walaŋgəleɗe gugriɗ vaytak səva mahəlfa na Yuda də an na Simeyon.

¹⁷ Səva mahəlfa na Benyamin na: Gabawən də mapoho nani, Geba də mapoho nani,

¹⁸ Anatot də mapoho nani, Almon də mapoho nani, sap walaŋgəleɗe gugriɗ poɗo.

¹⁹ Sap pak walaŋgəleɗe gugriɗ kəlaw kiyit hoku də mapoho net sit məsdəlveŋge kirtin Aron.

²⁰ Sən məlma net mə leviɗe kirtin Kehat meɓɓet na, vẽpəlwa apsitik walaŋgəleɗe gugriɗ səva mahəlfa na Efrayim.

²¹ En apsitin ka walaŋgəleɗe gugriɗ nawɗam net piɗe na məbaygəbay na, ndəɗaŋgə: Sikem də mapoho nan aggərəm na Efrayim, Gezer də mapoho nani,

²² Kibsayim də mapoho nani, Bet-Horon də mapoho nani, sap walaŋgəleɗe gugriɗ poɗo.

²³ Səva mahəlfa na Dan na: Elteke də mapoho nani, Gibeton də mapoho nani,

²⁴ Ayalon də mapoho nani, Gad-Rimmon də mapoho nani, sap walaŋgəleɗe gugriɗ poɗo.

²⁵ Səva wəɗak na mahəlfa na Manase na: Ta'anak də mapoho nani, Gad-Rimmon də mapoho nani. Sap walaŋgəleɗe gugriɗ sula.

²⁶ Sap net walaŋgəleɗe gugriɗ də mapoho net na, aɗɗaŋgək kəlaw sən məlma net kirtin Kehat en dəmmbraŋgə.

²⁷ Sən məlma na zev Levi an kirtin Gerson na, mipsiti yi walaŋgəleɗe gugriɗ nawɗam na məbaygəbay aka dələv na wəɗak na mahəlfa na Manase, ndəɗaŋgə: Golan addəv Basan də mapoho nani, Be'estera də mapoho nani, sap walaŋgəleɗe gugriɗ sula,

²⁸ Səva mahəlfa na Isakar na: Kisiyon də mapoho nani, Dabrat də mapoho nani,

²⁹ Yarmut də mapoho nani, En-Gannim də mapoho nani. Sap walaŋgəleɗe gugriɗ poɗo.

³⁰ Səva mahəlfa na Aser na, Mise'al də mapoho nani, Abdon də mapoho nani,

³¹ Helkat də mapoho nani, Rehob də mapoho nani. Sap walaŋgəleɗe gugriɗ poɗo.

³² Səva mahəlfa na Neftali na, walaŋgəleɗe gugriɗ en nawɗam net piɗe na məbaygəbay yeŋki: Kedes na Galile də mapoho nani, Hammot-Dor də mapoho nani, Kartan də mapoho nani. Sap walaŋgəleɗe gugriɗ Hoku.

³³ Sap net walaŋgəleɗe gugriɗ net mə Gersonɗe aza məlma na zit aɗɗaŋgək walaŋgəleɗe gugriɗ də mapoho net kəlaw kiyit hoku.

³⁴ Sit mə leviɗe meɓɓet en məlma na zev Merari na, mipsiti yi səza haran na mahəlfa na Zabulon. Ndən yaŋ Yokne'am də mapoho nani, Karta də mapoho nani,

³⁵ Dimna də mapoho nani, Nahalal də mapoho nani. Sap walaŋgəleɗe gugriɗ poɗo.

³⁶ Səzan na mahəlfa na Ruben na, Beser walaŋgəla-metiŋ də mapoho nani, Yasa də mapoho nani,

³⁷ Kedemot də mapoho nani, Mefat də mapoho nani. Sap pak walaŋgəleɗe gugriɗ poɗo.

³⁸ Səva mahəlfa na Gad na, walaŋgəleɗe gugriɗ nawɗam net piɗe sən məbaygəbay yeŋki: Ramot na Galad də mapoho nani, Mahanayim də mapoho nani,

³⁹ Hesbon də mapoho nani, Yazer də mapoho nani; sap walaŋgəleɗe gugriɗ poɗo.

⁴⁰ Sap net walaŋgəleɗe gugriɗ en mipsit kirtin Merari meɓɓet naddəv məlma net mə leviɗe aza məlma na zit də əɗɗa vẽpəlwa aɗɗaŋgək walaŋgəleɗe gugriɗ kəlaw kiyit sula.

⁴¹ Beymet walaŋgəleɗe gugriɗ dəssoŋ sit mə leviɗe a walaŋ haran net mə Israyelɗe aɗɗaŋgək walaŋgəleɗe gugriɗ kaklaw poɗo kiyit dədopoɗo də mapoho neti.

⁴² Taka səret walaŋgəɗe gugriɗes pak tay də mapoho nan kiyən tərwəslə; vaskəŋ walaŋgəleɗe gugriɗe vet pakə.

⁴³ Yawe apsitik dələv məs asway sit mə Israyelɗe na wapsit efiŋgitti nak bayman. Amõhənən ka neti, assoŋ akan də gəla.

⁴⁴ Yawe apsitik əffet kiyit tərwəsl va asway sit efiŋgitti. Meseŋgiɗit mə Israyelɗe va assoŋgu, ɗəf taka tay səret dəɓap əgar sit mə Israyelɗe ɓa. Yawe apsitik meseŋgiɗit beymet ammba veti.

⁴⁵ Moggon məs Yawe apel sən Israyel pak tay dəmbər məza dəgəɗ ɓa ɓa; arbək baymani.