Yosuwa 19 - Bible en Guidar

Hara dələv na Simeyon

¹ Hara dələv masula'ən dərbə na, asanək sən mahəlfa na Simeyon aza məlma na ziti. Hara dələv net asanək addak haran net kirtin Yuda.

² An dəsan haran net yaŋka: Ber-Seba, Sema, Molada,

³ Hasar-Suwal, Bala, Esem,

⁴ Eltolad, Betul, Horma,

⁵ Siklag, Bet-Markabot, Hasar-Susa,

⁶ Bet-Leba'ot gəm Saruwen, sap walaŋgəleɗe gugriɗ kəlaw kiyit hoku dit walaŋgəleɗe en meɗmeɗ neti.

⁷ Gəm Ayin, Rimmon, Eter, də Asan, sap walaŋgəleɗe gugriɗ poɗo dit walaŋgəleɗe en meɗmeɗ neti;

⁸ gəm walaŋgəleɗe en meɗmeɗ məs dəssoŋ tərwəsl kiyit walaŋgəleɗe gugriɗ vetis hã gap a Balat-Be'er awaniɓa Ramat-Negev. Aski hara dələv na mahəlfa net kirtin Simeyon aza məlma na ziti.

⁹ Hara dələv na Simeyon na, səddəv haran net kirtin Yuda mərslani, vi haran net kirtin Yuda day yi ezeti, ndəni kan kirtin Simeyon arəhaŋ haran net addakən net kirtin Yuda.

Hara dələv na Zabulon

¹⁰ Hara dələv mohoko'ən arbək sit kirtin Zabulon aza məlma na ziti. Meŋge na dələv net addoŋguk hã a Sarid;

¹¹ apeŋgeŋ dəmmba pay na moskoy hã a Marala, arəŋgənən Dabbeset gəm məlpaŋgək təsat ama hara Yokne'am.

¹² Sə Sarid na, amulyoŋ dəmmba pay nampum aket meŋge na Kislot-Tabor, ambataŋ kəla Dabrat, apeŋgeŋ a Yafiya.

¹³ Siske na apeŋgeŋ dəmmba pay nampum na Gad-Hefer də Et-Kasin, agulyoŋ a Rimmon, akkpaŋgaŋ kəla Ne'a.

¹⁴ Yaŋ, meŋge a təwəɗaŋ də disiŋ ki Hannaton, abotoŋ a miktik na Ifta-El.

¹⁵ Gəm Katta, Nahalal, Simron, Yidala də Bet-Lehem walaŋgəleɗe gugriɗ kəlaw kiyit sula dit walaŋgəleɗe en meɗmeɗ neti.

¹⁶ Aski hara dələv net kirtin Zabulon aza məlma na ziti, walaŋgəleɗe gugriɗis dit memeɗeŋɗe neti.

Hara dələv na Isakar

¹⁷ Hara dələv ma poɗon dərbə na, ndəni na Isakar aza məlma na ziti.

¹⁸ Məŋge net asanək Yizrel, Kesulot, Sunem,

¹⁹ Hafarayim, Siyon, Anaharat,

²⁰ Rabbit, Kisiyon, Ebes,

²¹ Remet, En-Gannim, En-Hadda, gəm Bet-Pases.

²² Meŋge arəŋgənək Tabor, Sahasama, Betsemes abayən met a Yurden, sap walaŋgəleɗe gugriɗ kəlaw kiyit sləre dit memeɗeŋɗe neti.

²³ Aski hara dələv net kirtin Isakar aza məlma na ziti, walaŋgəleɗe gugriɗis dit en memeɗeŋɗe neti.

Hara dələv na Aser

²⁴ Hara dələv mesle'en dərbə na, ndəni na mahəlfa na Aser aza məlma na ziti.

²⁵ Meŋge net assoŋguk də: Helkat, Hali, Beten, Akesaf,

²⁶ Alamelek, Amad gəm Mise'al; arəŋgənən Karmel də Sihor-Libnat dəmmba pay na moskoyo,

²⁷ akkpaŋgaŋ dəmmba pay nampum a Bet-Dagon, arəŋgənən Zabulon də miktik na Ifta-El də disiŋ na Bet-Emek gəm na Neyel, aziyən heret a Kabul də disiŋ nani,

²⁸ addoŋ də Ebron, Rehob, Hammon, gəm kəla Kana, kadda əbaymet a maŋgava Sidon walaŋgəla-metiŋ.

²⁹ Yaŋ meŋge akkpaŋgaŋ kəla Rama hã gap a Tir walaŋgəla na korgu, akkpaŋgaŋ kəla Hosa, abayən met a pehe naddak təki dawtoŋ kəla Mahaleb, Akzip,

³⁰ Uma, Afek gəm Rehob. Sap walaŋgəleɗe gugriɗ kaklaw sula kiyit sula dit memeɗəŋɗe neti.

³¹ Aski hara dələv na mahəlfa na Aser aza məlma na ziti, walaŋgəleɗe gugriɗis dit memeɗeŋɗe neti.

Hara dələv na Neftali

³² Hara dələv masləre'in dərbə na, ndəni na mahəlfa na Neftali aza məlma na ziti.

³³ Sə Helef na meŋge net addoŋguk də Elon ətoŋ kəla Sa'anayim, atoŋgoŋ kəla Adami-Nekeb gəm kəla Yabneyel, armanən Lakum abayən met a Yurden.

³⁴ Yaŋ meŋge akkpaŋgaŋ dəmmba pay na moskoy kəla Aznot-Tabor, agulyoŋ siske əmbat a Hukok, armanən Zabulon də dohoŋ, gəm Aser də Yuda dəmmba pay na moskoyo, Yurden dəmmba pay nampum.

³⁵ Walaŋgəleɗe na korgu na: Siddim, Ser, Hammat, Rakkat, Kinneret,

³⁶ Adama, Rama, Hasor,

³⁷ Kedes, Edrey, En-Hasor,

³⁸ Yire'on, Migdal-El, Horem, Bet-Anat gəm Betsemes; walaŋgəleɗe gugriɗ kəlaw kiyit vaytak dit memeɗeŋɗe neti.

³⁹ Aski hara dələv na mahəlfa na Neftali aza məlma na ziti, walaŋgəleɗe gugriɗis dit memeɗeŋɗe neti.

Hara dələv na Dan

⁴⁰ Hara dələv mabuhulon dərbə na, asanək sən mahəlfa na Dan aza məlma na ziti.

⁴¹ Meŋge na dələv net na də: Soreya, Esta'ol, Ir-Semes,

⁴² Salabin, Ayalon, Yitla,

⁴³ Elon, Timna, Ekron,

⁴⁴ Elteke, Gibeton, Ba'alat,

⁴⁵ Yehud, Bene-Berak, Gad-Rimmon,

⁴⁶ iŋkile na Yarkon, Rakkon, gəm dələv an sulək ki Yaffa.

⁴⁷ Ya dələv net kirtin Dan kõh səveti, yaŋ addoŋ əwak sən Lesem. Amõhənən, abeynin ɗiy nadak də masalam, akkpaganən ka neti, assoŋ akan də gəla. Yaŋ alvanən Lesem van na, Dan, də iya na Dan, dihti.

⁴⁸ Aski hara dələv na mahəlfa na Dan aza məlma na ziti, walaŋgəleɗe gugriɗis dit memeɗeŋɗe neti.

⁴⁹ Səza aggrakən uɗak dələv dit meŋge nan na, mə Israyelɗe ta' sənən hara dələv na Yosuwa, wətən Nun a weleŋti.

⁵⁰ Də əzban va Yawe aɗi wən nan na, apsənən Timnat-Sera, walaŋgəla məs assõh aka kivadələv məs mossorgoɗe na Efrayim. Amsak əzaɓan walaŋgəla vani, asan adak də gəla.

⁵¹ Aski hara dələv temtem an məsdələv Ele'azar, Yosuwa wətən Nun, dit ɗiy gugriɗ na mahəlfa net mə Israyelɗe awɗakaŋ də vẽpəlu aba Yawe, a maddamba na gizlirke nalma də Maŋgəlva a Silo. Vaski kan abaynən ma uɗak na dəlva.