Yosuwa 16 - Bible en Guidar

Hara dələv na Efrayim də an na Manase

¹ Hara dələv net kirtin Yosef atəŋgək də Yurden sə Yeriko, dəmmba pay nampum na met iŋkile na Yeriko vani. Ndəni kapta-muyã məzupeŋ sə Yeriko aka mossorgo na Betel.

² Agulyoŋguk sə Betel kəla Luz, atoŋgoŋ kəlaket meŋge na Arkit a Atarot.

³ Yaŋ apurkoŋ kəlammba pay na moskoyo, aka dələv net mə Yafletiɗe da. Səza aggaraŋ ki Bet-Horon nafuŋ də Gezer na, ndəɗaŋ met bay də pehe naddak təkiya.

⁴ Vaski kan kirtin Yosef may Manase də Efrayim arəhaŋ təki haran neti.

⁵ Meŋge net kirtin Efrayim yeŋ aza məlma na ziti: Meŋge na dələv net dəmmba pay nampum na, ndəni Atro-Addar hã a Bet-horon na disiŋ.

⁶ Dəmmba pay na moskoy na, meŋge azzekeŋgək kəla Mikmetat də disiŋ, adoɗoŋ dəmmba pay nampum a Ta'anat-Silo, atoŋgoŋ kiyən dəmmba pay nampum kəla Yano'a.

⁷ Yaŋ apurkoŋ sə Yano'a a Atarot də Na'ara, armanən Yeriko, azzekeŋ hã a Yurden.

⁸ Sə Tappuwa na, meŋge addoŋguk dəmmba pay na moskoy na lolohõ na Kana kadda əbaymet a pehe naddak təkiya. Aski dələv an məpsən mahəlfa na Efrayim aza məlma na ziti,

⁹ mbəksa walaŋgəleɗe gugriɗ dit en memedeŋɗe beymet məs mipsit kirtin Efrayim aka dələv net kirtin Manase.

¹⁰ Ya dərɓehetin mə Kana'anɗe məs dəssoŋ də gəla a Gezer ɓa. Mə Kana'anɗe vet tahəŋ də gəla aweleŋgit ɗiy na Efrayim hã pay dəpaŋka, sən wəza na balam assoŋ sənən hara.