Yeremiya 45 - Bible en Guidar

Əpel məslən sən Baruk

¹ Gala Baruk wətən Neriya adawver əpel an Yeremiya adawpel sənəŋ addəv ɗerewel aka əzva mapoɗon na Yoyakim wətən Yosiyas məlĩ na Yuda, Daya apel sənək məskəleŋ Yeremiya aka wən na Baruk dawnəh na:

² Aŋki an Yawe Maŋgəlva na Israyel anah aka wən noko, Baruk.

³ Kənahək na: Haya əray nawa, vi Yawe tay əzleɓ su tatwãh aka tatwãh nawa. Nəyək sən ənɗəs nawa, nawrah əffet ɓa!

⁴ An kədawnah sən yaŋka, aŋki Yawe anahə: In tat əɓzlu an nərkə in tat əptu an nəmpə; səka dələv dəwənnani.

⁵ Ya nok na, is tat əkeyet zəgeɗ gugriɗ ammba kizuko, Kədawkeyet ɓa, vi in tat əki əray aka zəga madaran pakə, Yawe aɗiymani. Ya in tat əpsuk zeŋgilok ka zəga nawrəh na ma əgay nok təki kəmbat adak pakə.