Va'Atəŋ 46 - Bible en Guidar

Yakob tay əmbat a Eziptə

¹ Israyel ambatək dit zəgeɗ nan pakə. Agapək a Ber-Seba, azaɓək-Maŋgəlva sən Maŋgəlva na Isak, afəni.

² Maŋgəlva aɓsən Israyel addəv issine də dəfɗa, amna: «Yakob, Yakob.» Azlan na: «In yakəŋkə».

³ Yaŋ amna: «Intə Maŋgəlva, Maŋgəlva na afuko. Kəgeslne' dawmbat a Eziptə ɓa, vi wanəkkpaŋgok ka Vanday metiŋgin adaka.

⁴ Naw, wanəmbat də is a Eziptə, intə nawgilguk sədaka'e. Yosef iyi, nawbay horoko.»

⁵ Yakob asilik sə Ber-Seba. Kirtin Israyel akanənək Yakob afiti, kirtiti gəm gil net addəvit mawteɗ məs Farawən aslən nawndani.

⁶ Almetinik gazlaŋɗe net dit aryeɗ net arahaŋ səka dələv na Kana'an. Yakob ambatək a Eziptə də zeŋvin pakə,

⁷ Kirtin mezeŋgleket dit muguluŋgiti, dihigiɗin mezeŋgleket dit etiŋgiɗin en kirtit mezeŋgleket pakə. Akiyək zeŋvin pak a Eziptə.

Dangla na Yakob

⁸ Iya net mə Israyelɗe dəzzoŋ a Eziptə yaŋka: Yakob dit kirtini. Ruben tizi na Yakob.

⁹ Kirtin Ruben: Hanok, Pallu, Hesron, Karmi.

¹⁰ Kirtin Simeyon: Yemu'el, Yamin, Ohad, Yakin, Sohar, Sawul, wətət mə Kana'ankə.

¹¹ Kirtin Levi: Gerson, Kehat gəm Merari.

¹² Kirtin Yuda: Er, Onan, Sela, Peres gəm Zera. May Er də Onan amtaŋgək aka dələv na Kana'an adaka. Kirtin Peres yeŋki: Hesron də Hamul.

¹³ Kirtin Isakar: Tola, Puwa, Yob, Simron.

¹⁴ Kirtin Zabulon: Sered, Elon, Yahle'el.

¹⁵ Eskiŋ kirtət Le'a tuwə sən Yakob a təki məpəlayya na Paddan-Aram, gəm Dina, wətət muguluŋguta. Ɗəf titir tay mezeŋgleket dit muguluŋgit pak kaklaw hoku kiyən hoku.

¹⁶ Kirtin Gad: Sifiyon də Haggi, Suni də Esbon, Eri, Arodi gəm Areli.

¹⁷ Kirtin Aser: Yimna, Yiswa, Yiswi, Beriya dət milmit Serah. Kirtin Beriya: Heber də Malkiyel.

¹⁸ Eskiŋ kirtət Zilpa, məs Laban apsət Le'a wətəni. Tuwə kəlaw kiyən slere sən Yakob.

¹⁹ Kirtət Rakel guluk na Yakob: may Yosef də Benyamin.

²⁰ Uwa, Asnat wətən Poti-Fera məsdələv na On tuwə sən Yosef a Eziptə na: Manase gəm Efrayim.

²¹ Kirtin Benyamin: Bela, Beker gəm Asbel, Gera gəm Na'aman, Ehi gəm Ros, Muppim, Huppim gəm Ard.

²² Eskiŋ Kirtət Rakel, məs məwə sən Yakob, ɗəf titir kəlaw kiyən poɗo.

²³ Dan də Husim wətəni.

²⁴ Kirtin Neftali: Yahse'el, Guni, Yeser, Sillem.

²⁵ Eskiŋ kirtət Bilha, məs Laban apsət Rakel wətəni, eskiŋ tuwə sən Yakob. Ɗəf titir buhulu.

²⁶ Sap ɗiy na Yakob dəgilyoŋ səzan məs dəgapaŋ a Eziptə pak mbəksa gil net kirtin Yakob: Ɗəf titir kaklaw sləre kiyən sləre.

²⁷ Kirtin Yosef en muwet a Eziptə: ɗiy sula. Sap ɗəf titir neŋgil ana Yakob da məs dəde a Eziptə pak, kaklaw buhulu.

Yakob a Eziptə

²⁸ Aslənək Yuda aza Yosef, dədegən daabəŋ kiyən a Gosen. Agapaŋ aka dələv na Gosen na,

²⁹ Yosef atokuk mawta nan ambatək kawləm sən Israyel afən a Gosen, ulan ləŋgə, Yosef allamək awlan slakatə, ndən həmhəmə.

³⁰ Yaŋ Israyel anah sən Yosef na: «Kakaŋ adan nulak horok is tat egge, wanəmtə kan sə dərɓagani.»

³¹ Yosef anah sit milmiŋgiɗin gəm sən gəla na afən na: «Wanəpeŋ əprəman sən Farawən, nənah səngən na: “Milmiŋgiɗu də gəla na əbba, en dəssoŋ aka dələv na Kana'an, azzoŋguk azawa.

³² Ɗiy vet məzuteɗeŋge net gilewiŋ, vi ɗiy dit gazlaŋɗeŋgə, akininik gilew dit wasliɗe gəm zəgeɗ net pakə.”

³³ Pay Farawən ayukum kattokokum na miy wəza nokum di na?

³⁴ Kəzlanəngən na: “Belemɗe nok zəgeɗ memeyẽɗ adazgəlaŋ far səka sawẽt hã gap pay dəpaŋka; va net migilim məsamə.” Vasna wakəɓapaŋ wəssoŋ aka dələv na Gosen, vi mə Eziptə pak, tay ula məzutaɗa net timeŋgiɗ va zəga ɗarə.»