Matiye 1 - Bible en Guidar

Mahəlfa gəm uwa na Yesu ( 1:1—2:23 ) Dəhəŋgiɗ Yesu

¹ Iya net dihigiɗin Yesu Kristu, wətən Davit, wətən Abraham:

² Abraham duwa Isak, Isak duwa Yakob, Yakob duwa Yuda dit milmiŋgiɗni,

³ Yuda duwa Fares gəm Zara, Tamar tə meti, Fares duwa Esrom, Esrom duwa Aram,

⁴ Aram duwa Aminadabu, Aminadabu duwa Nason, Nason duwa Salomoŋ,

⁵ Salomoŋ duwa Bo'ez, Rahap tə mani. Bo'ez duwa Obed, Rut tə mani. Obed duwa Yesse,

⁶ Yesse duwa məlĩ Davit. Davit duwa Salmoŋ, dət guluk na Uriya,

⁷ Salmoŋ duwa Robo'am, Robo'am duwa Abiya, Abiya duwa Asaf,

⁸ Asaf duwa Yosafat, Yosafat duwa Yoram, Yoram duwa Oziya,

⁹ Oziya duwa Yohatam, Yohatam duwa Akaz, Akaz duwa Hizkiya,

¹⁰ Hizkiya duwa Manasse, Manasse duwa Amon, Amon duwa Yosiya,

¹¹ Yosiya duwa Yekoniya dit milmiŋgiɗni, gala məsimgit ɗiy a Babilon.

¹² Səza məsimgit ɗiy a Babilon, Yekoniya duwa Salatiyel, Salatiyel duwa Zorobabel,

¹³ Zorobabel duwa Abiyu, Abiyu duwa Eliyakim, Eliyakim duwa Azor,

¹⁴ Azor duwa Sadok, Sadok duwa Akim, Akim duwa Eliyu,

¹⁵ Eliyu duwa Eliyazar, Eliyazar duwa Matan, Matan duwa Yakob,

¹⁶ Yakob duwa Yosef zələt Miryam, məs tuwa Yesu, məs adawyaŋ na Kristu.

¹⁷ Sap net dihigiɗin təŋ səza Abraham hã gap Davit na, kəlaw kiyit poɗo, təŋ səza Davit hã gap məsimgit ɗiy a Babilon dihigiɗin kəlaw kiyit poɗo, təŋ səza məsimgit ɗiy a Babilon hã gap aza Kristu, dihigiɗin kəlaw kiyit poɗo.

Uwa na Yesu Kristu

¹⁸ Vaŋki uwa na Yesu Kristu agəɗə. Miryam, mani, Yosef məzudahta, tak təɓəl əsap dəndən ɓa, təɗiyək daway də Zeŋgile Salala.

¹⁹ Yosef məzudahta, ɗəf təstəsi, dəŋgəl ərbə sət wil ɓa, aynanək nappat məhaɗama.

²⁰ Adan adaɗɗum vaska, maslay na Daya adek əsine akani, anah sənək na, Yosef wətən Davit kəgeslne dawgəmət Miryam, ɗak nok ɓa, vi an dəsəɗ addəvta də gagdak na Zeŋgile Salalayi,

²¹ watəwə wiyna, wakəlvan na Yesu. Vi wakõhgit ɗiy nan səka mbərayən neti.

²² As pak agəɗ na, vi kaknahan an Daya anah də ma məskəleŋ na:

²³ Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

²⁴ Gala afɗah səket sini, Yosef aɗɗak va maslay na Daya aɗiy sən wən nani, agəmtək gon ananda,

²⁵ ya dəvoŋ dəndət ɓa hã ndət bok wiyna, yaŋ alvan na Yesu.