Hənhən 22 - Bible en Guidar

¹ Yaŋ maslay nak arban su məlpa net iŋkile na zeŋgile. Tay wiɗ va darawgal, səka walaŋ mazaŋga na məlyã də ndargayã na Maŋgəlva ade.

² Aka tive na walaŋgəla-metiŋ adadawa. Wəlaŋga na zeŋgile tay adak dəka təkzləmən dahã dahã pakə. Tay uwa təl kəlaw kiyən sula addəv wəzva taka pakə, addəv təla pak təl taka adawa. Van akkpaŋgək miha nawmbəlgit ɗiy naka dələv pakə.

³ Zəga məs Maŋgəlva araygən pak tay a walaŋgəla-metiŋ van ɓa. Mazaŋga na məlĩ na Maŋgəlva də ndargayã nan pak adaki asani, məzəɗɗaŋ sənən wəza sən Maŋgəlva wagagdakanəni.

⁴ Wawlanən Maŋgəlva də hereti, iya nan tay məverin a mirbizti.

⁵ Dəfəɗ tay adak ɓa, wəray tay na lalam adak ɓa, awaniɓa na pay ɓa, vi Daya Maŋgəlva sən kiyən wasan əkeɗeɗe neti. Wazəmaŋ məlĩ hã dudan.

Əgraka ( 22:6-21 ) Yesu tay əzani

⁶ Yaŋ maslay nak apsu na: Wənnəs pak gesiŋgi, təstəssi wən vani, Maŋgəlva Daya, məs dəpsit Əmpəs nan sit məskəleŋ ɗe, aslinik maslayɗe nani, vi dərbanəngən an məs dədaɗɗa gu' gesiŋ.

⁷ Yesu amna: Apprəma, in tat əzaw də kakara! Ɗiy məs dəsbanən wən naddəv ɗerewel net məskəleŋ ɗe zit wasan neki!

⁸ In Yohanna nəprəmək wənnəs pakə, nulaka. Səza nəprəm wən nani, də ulani, nəkdukuk ammba təl maslay məs dərban zəga pak naka, vi kawgagdakani.

⁹ Ya yaŋ aɓsu na: Owwo kədaɗɗa vas ɓa! Naw pak gawla na Maŋgəlva nan va isi gəm va milmiŋgiɗu məskəleŋɗe, va ɗiy məzbanən ɗereweləŋ pak nani. Agagdakan Maŋgəlva!

¹⁰ Yaŋ anah su əmpa na: Kədawɗaman əpel net məskəleŋ ɗe səddəv ɗereweləŋ ɓa, vi payan məɗəyən ka wənnəŋ dəgəɗgənnəŋ go'oy aza wəgapa.

¹¹ Ɗəf an mambray pak dəsban wəɗɗa mambray nani, ɗəf an dəsan də zəga daryaw, dəsban wəsan də zəga daryaw, ɗəf an məgəɗ moggoni, dəsban wəɗɗa moggoni, ɗəf an təstəssə, dəsban wəɗɗa təstəssə.

¹² Yesu amna: Məzi zukum! Gu'o nan aza wəzawa. Wanəki əfaɗ na wəza dazawa, kapsən naway pak va aza wəza nan məs agəɗə.

¹³ Intə A, intə Z, intə Tizi na zəga pakə, intə bayma na zəga pakə, intə wətəŋ na zəga, intə wəbayma zəga nan pakə.

¹⁴ Zəzay azet ɗiy məs dəskoɓən lukutɗe neti ndəɗaŋgəŋ dərəhaŋ tive nawzəm uwa na wəlaŋga na zeŋgile, warəhaŋ wətoŋ kla madambeɗe na walaŋgəla-metiŋ neki.

¹⁵ Ya məɗɗaŋ ɗarɗarə, dit məɗɗaŋ sekene na tuya, dit məɗɗaŋ mana'a, dit məbayaŋ gəbaya, dit məzugagdeketin zəgeɗkamaŋgəlva, dit məŋglaŋ tepelke dit məwaŋ tepelke, vavyak azeti wassoŋ amapoho na walaŋgəla nani.

¹⁶ Intə Yesu, nəslənək maslay naw dəpel sukumgən wənəs pakə, azet məkristu pakə. Intə əlfən Davit, intə baŋgay naba pumpum məzuwiɗe.

¹⁷ Əmpəs dət waŋ məgəmət aɓɗaŋ na: Ade! Ɗəf dəprəm pak, dənah na! Ade! Ɗəf an meme adawdaŋ pak dəde, ɗəf an dəŋgəl iŋkile na zeŋgile warah na mekeleŋ.

Əbayma na wənnəŋ kana

¹⁸ In Yohanna, in tat əsəɓ sukum, ɗəf an dəprəm wən na kleŋgəŋ səddəv ɗereweləŋka: An ɗəf nan akiyək wən maɓɓan akani, Maŋgəlva wapsən meŋgesl ətawwən nani, ndəni əzəmsahã məs ɗereweləŋ arban wənnani.

¹⁹ An ɗəf akdahək wən na kleŋgəŋ səddəv ɗereweləŋka, Maŋgəlva wakdəh haran nan səza uwa na wəlaŋga na zeŋgile də haran nan səddəv walaŋgəla-metiŋgin məs salala.

²⁰ Ɗəf an məs dəziw aka gesiŋ na as pak amna: Gesiŋ gu'o nan aza əzawa. Ha'aw dəgəɗ vaska! Ade Daya Yesu!

²¹ Mbəlembəle na Daya Yesu dəsan də naway pakə.