Gəlya net Gəlyaɗe 7 - Bible en Guidar

Gili dit kirin muguluŋgiti

¹ «Amili, amili ade Sulamit! Amili, amili ade, mulukgəni!» mbar kədawlətən Sulamit va məzəskəl aka wəɓel di?

Ndəni

² Təluk tay law addivit hensek noko, wətən məlyã! Megizok tay va verzle məbayay, wəza net məzaɓaŋ zəga.

³ Mammba gədəvuk tay va harat huloŋku, məs mbazla tatrah adakkpa səddəvən kəta ɓa gədəvuk na tay va haykəmari sikitte məzi dəndəfma amani.

⁴ Bidok sulegit tahəŋ va kirtit muneŋge sula, va muneŋɗe meseŋɗe.

⁵ Genhe nawlok tay va məzarŋgasla na gozlobekne. Horok tay va bobok na Hesbon, aka tive nawgilye sə walaŋgəla vani. Məŋkənuk tay va məzarŋgasla na Liban, məzuga kəla maŋgava Damas.

⁶ Kiyuk akok tay va gərəm karmel, muhur kiyuk tay pepreŋge: tay ərma maɗɗula məlyã.

⁷ Gamaralək kənani, də zazay akoko, wəŋgla, istə, wənnek nawa!

⁸ Əɓay nok tay va Gogozlo; bidoko, va mokkoy na uwa na wəlaŋga.

⁹ Nənahək na: «Wanəpeŋ aka Gogozlo, nərmegin kirtini»: Kəta bidok dəssoŋ va mokkoy na megezlembirke, səmyã məzugilyen sə məŋkənuk tay əffok va uwa na goɗoŋgoy,

¹⁰ Borok tay va mbazla na sləma. məzəddan tes aza gəraw na makrawa, məzənzan loklok səmet məzuleŋgeŋgi.

Ndəta

¹¹ Intə gəraw na makraw, əŋgla nan pak akawiyi.

Nenek nassa məŋgluko Ndəta

¹² Ade gəraw na makrawa, agilsəm awra; məvoŋgən a walaŋgəla;

¹³ məmbatgən pum a guli net megezlembirkeɗi, məlgən ula an gbuŋgburun tay əndufo, an matogonon tay əkolo, an tonzokɗe tahəŋ əffiyoŋgu. Nəppayokgən adaka.

¹⁴ Mihã na gawla tahəŋ əffoko; uwa net wəleŋɗe məwele temtemi tahəŋ a maddambeɗe namə: meleketet dit məs vet pak suk nəzeɓet suko gəraw na makrawa.