Gəlya net Gəlyaɗe 6 - Bible en Guidar

Kirin muguluŋgiti

¹ Aŋgay gərok na mokrok al di, haya gamaralək daykiyit gili? Dəŋga gərok na mokrok ambat ka məkayangən sap də is di?

Ndəta

² Gəraw na makraw aprikik a guli net wəleŋɗe nani, a təki məzaɓan moggon məmpa alapeɗi vi kawtaɗ a guli net wəleŋɗe gəm kawɓuh dəndəfmeɗi.

³ Na gəraw na makraw nani, ndən tamə nawa, tay ətaɗ addəvit dəndəfmeɗi.

Gəlya mesle'ən ( 6:4—8:4 ) Gamaralək kənanə, ɗak nawa Ndəni

⁴ Gamaralək kənanə gərawa, va walaŋgəla na Tirsa, lalawək va Yerusalem, məzlagən makra ɗəf va gabaga narban wəgaya.

⁵ Akkpaŋgan harok səkawa, vi ula nok tay əɗɗa kiyu rimme. Muhur kiyuk tay va gazlaŋ net gilew məzəprikeŋ də kakara səka gərəm na Galad.

⁶ Slayuk tay va gazlaŋ net timeŋgiɗi, məzəmilyoŋ sə təki naskoɓti: Pakgit tahəŋ dit meseŋɗe, tay dəzə səmmbet ɓa.

⁷ Galiyuk tay va uwa na tonzok məpɗakən ara məsərət kiya noko

⁸ Ma'ayɗe tahəŋ kaklaw sləre, gəreŋgiɗin kaklaw dədopoɗo, gəm gil məs kirin kirin tamə wəŋɗa net tay ɓa.

⁹ Karmalayəktə, bəŋgək na maha nawa, gamaralək an gərakə. Karmalayəktə avat mata, tat əwiɗ ama harat akən tuwəta. Kirin muguluŋgit tahəŋ ulətəni: ənahaŋ sətən na nok dəɗah noko; Gil na məlĩ dit gəreŋgiɗin pak tahəŋ wəgagdakatəni:

Məŋgluta

¹⁰ «Nawattə məzərban zət va bapummo, lalawək va təla, məzəwiɗ va pay məzuzlagən makra ɗəf va gabaga narban wəgay di?»

¹¹ Nəprikik addəv guli net wəleŋɗe məs kirtin addəv uwa neti vi kawla geslembeɗ na təki məpəlayya dawndəfoŋgu, vi kawla megezlembirkeɗ dawɗinən motogoneti, Tonzokɗe daffiyoŋgu.

¹² Vi nəsaw wətit ɗiy tektek zlaŋ! Nawsən kiyu ɓa: akkpaŋgawək limbirre.