Gəlyaɗe 98 - Bible en Guidar

Mərga vokum sən Daya məzəzzani

1 Gəlyanalva.

¹ Gəlyanalva. Məyə sən gəlya meleketen sən Yawe, vi agəɗək sekeneɗi. Dəzəŋ nani, van salala dəpsən əska wəla.

² Yawe arbanək əska wəla nani; arbanək təstəs nan a maheret ɗiy-ɗarə.

³ Aɗɗumonək ulasahã nan də moggon nan aka batam Israyel. Mammba dələv pak, awlak əkõh na Maŋgəlva namə.

⁴ Dələv gboŋgu, mərga vokum sən Yawe; məɓahə, məŋgəsl vaŋvəl sən ənneke, məyə gəlyanalva;

⁵ Məyə gəlyanalva sən Yawe də gaŋgara, də gaŋgara gəm məlvan dayadaya.

⁶ Dit mohõnɗe, də ɓaɓəlma gozloro, məɗɗəl sən məlĩ Yawe.

⁷ Pehe dit zəgeɗ naddəvən pak dəbayaŋ gagay, gəm dəlvafuŋ gboŋ dit ɗiy nakani!

⁸ Məlpeŋɗe dərganən veti, mossorgoɗe gugriɗ dəŋzlaŋ vaŋvəl nannek sap dənɗaŋ,

⁹ aba Yawe, vi tay əzzan kawtaw wən aka dəlvafuŋ. Watawwən aka dələv də təstəsə gəm aket ɗiy tam də tiveni.