Gəlyaɗe 75 - Bible en Guidar

Maŋgəlva yi mətawwəna

¹ Səza daya net məyaŋgəlya, məyan də wəla adawyaŋ na: «kəraygən ɓa». Gəlyanalva na Asaf, gəlya.

² Mənam tat əɗi kiyko Maŋgəlva, mənam tat əɗi ki iya noko, vi go'o yi, məpeli wən net sekeneɗ noko.

³ An nəŋgəɗək va, naw təstəs nədawtawwəna.

⁴ Dəlvafuŋ wasan pirfif dit ɗiy nakan pakə. Intə nəziwgit dədəkeɗ nani. Əziwe

⁵ Nənah sit məɗiynən kiyzit na: «Kədaɗɗaŋ fərka ɓa!» Sit məsdarawɗe na: «Kəsilgənən kiykum ɓa!

⁶ Kəsilgənən kiykum a disiŋ ɓa; kədawpeleŋ vas ɓa, wən nawkuwi.»

⁷ Gagdak səmmba pay nampum ade ɓa, may na moskoy ɓa, sə kapta-muyã ade ɓa'a.

⁸ Vi Maŋgəlva yi mətawwəna: waprikgin gagdak na ɗəfa, waɓaygən an na ɗəf maɓɓani.

⁹ Yawe tay dət huloŋguk avani məknəhət də mbazla məhəsən tatakplaka: wabəlan siti, gabban daydayə, waɗɗekəni, məsdarawɗe naka dələv pak wasaŋgə.

¹⁰ Naw wanəbbalan wən nan pay pakə, wanəlvan Maŋgəlva na Yakob məzunəh na:

¹¹ «Wanəɓe'gən gagdak net məsdarawɗe pakə, wanəɓaygən an net ɗiy təstəsə.»