Gəlyaɗe 70 - Bible en GuidarAde abbah su də kakara Yawe ( GLƊ 40:14-18 ) 1 Səza daya net məyaŋgəlya, səza Davit; vi kaɗɗumoni. 2 Aw Maŋgəlva, abitwa, Yawe ade abbah su də kakara! 3 Məkayanən zeŋgilewa, wil dəbeynəni, dəssoŋ simbim simbimi! Məs dəŋglaŋ əray naw dəmndoŋ dirɓe, dəssoŋ simbim simbimi! 4 Məzumasaŋ akaw kəɗek kəɗek dəddoŋ də wil aketi! 5 Məzukoyokun pak dənnekenin zit babyak babyakə; en dəŋglaŋ əkõh nok pak dənahaŋ pay pak na: «Maŋgəlva metiŋgini!» 6 Məssãhã nan məzuraya; aw Maŋgəlva ade azaw də kakara! Məzəbbah su də məzukõhgu kənani, aw Yawe, ade kakara. |
All right reserved
Bible Society of Cameroon