Gəlyaɗe 60 - Bible en GuidarMaŋgəlva tay əzlan ama iya net ɗiy nan məska wəleti ( 60:7-14 ; 108:7-14 ) 1 Səza daya net məyaŋgəlya. Miyan də gəzləŋtəndəŋ. Gəlyanalva na Davit. Nawyaka. 2 Gala adawgay də Aram na Weleŋgit-Məlpeŋge gəm Aram na Soba. Yo'ab buryok arbisit mə Edomɗe, aɗɗaŋgək gap gabal kəlaw kiyit sula məbeyit a walaŋ na bətuwa. 3 Aw Maŋgəlva əzga kəzgam sa? Əgoh kəgohom sa? Gədəv kədə akam sa? Akkalamə! 4 Kəɓlanək dəlvafuŋ, kəpɗakanka; atip əpɗak nani, vi tay əɓzla. 5 Kərban sitik zəga tatwãh sit ɗiy noko, kəzlərsəmək mbazla məbay ɗəfa. 6 Kuffu sitik məzugeslne'eŋ sukun dənzoŋgən səba har net mətəvəlaɗe. Əziwe 7 Vi ɗiy nok en kəŋgəl dəssoŋgən na kiyti, akõhgit də gbogboŋ noko, azlan səmə. 8 Maŋgəlva apelik səddəv gəla nani amna: «Wanəskəwəla! Wanuɗak Sikem, gəm wanuɗak walaŋ na Sukkot.» 9 Galad nawi yi; Manase nawi yi; Efrayim kulpupu nawgay nakawi yi; Yuda zleŋge na məlĩ nawi yi. 10 Mo'ab, gefleŋ naslslay nawi. Wanəzgan hensek naw aka Edom. Aka Filisti nədaŋzla vaŋvəl nawgaya. 11 Naway nawku a walaŋgəla-metiŋ na korguŋ di? Naway nawku hã a Edom di? 12 Is Maŋgəlva tə kəzgam ɓa sa? Maŋgəlva kawgilyok dit məzəlpaŋ nam ɓa. 13 Ade abbah səmə, atərəm səva məzuseɓ namə, vi əkõh na va ɗəf zəga ɗari. 14 Də Maŋgəlva na wamərah əskawəla, nan wandepet məzuseɓɗe namə. |
All right reserved
Bible Society of Cameroon