Gəlyaɗe 6 - Bible en Guidar

Yawe, kətawwən akaw ɓa

¹ Səza daya net məyaŋgəlya, də zəgeɗ naskəla, gəzləŋtəndəŋ məs helegen dodopoɗo. Gəlyanalva na Davit.

² Yawe, Kəpəku də wədagədəv ɓa, kəzga' su dit herɗe nok ɓa!

³ Awla sasãhwa, Yawe, vi nəddakka; anzaɗwa Yawe, vi sleŋsleŋgu zləwətzləwəti,

⁴ zlem zu tay əkker diyɗa. Ya hã ka dewe kandi Yawe?

⁵ Amil ade Yawe, apəl zlem zuwa, akõhguwa, sən moggon noko!

⁶ Vi ɗəf tay səret mimtit naɗɗumok ɓa. Naway nawɗi kiyuk sə təki nanziya net ɗiy mimtit di?

⁷ Nəyək sən ənɗəs nawa. Dəfəɗ pak in tat əlɓan zəga nawvoŋ naw dit sin nawa, sin naw tahəŋ ənzoŋ aka ɓərzləma nawa.

⁸ Haraw pəreɗpəreɗ sən əzəmsahã, haraw agirifke vi məzugilguwən adayaŋka.

⁹ Mənokum məɗɗaŋ mbərayən pak məzar səzaw faraɗa, vi Yawe aprəmək əhəm nawa.

¹⁰ Yawe aprəmək əɓuhma nawa, Yawe wataf əkkam nawa.

¹¹ Wil wabeynin məzuzelɗe nawa, geslne warme diyɗa, wamndoŋgu, wil wadenin ləŋgə!