Gəlyaɗe 53 - Bible en Guidar

Məzutafaŋ də Maŋgəlva net addəv dələv məraygəni

¹ Səza daya net məyaŋgəlya. Əpel-məmyã'ən na Davit miyan də pozloro.

² Dərwa tay ənah a makran na: «Maŋgəlva tay ɓa.» Arayaŋka, tay əɗɗaŋ zəga daryaw ɗarə; ɗəf məgəɗ moggon tay ɓa.

³ Maŋgəlva sə disiŋ adawle ɗiy afuŋ, kawlan na, kaŋ məsmaɗulan tay taka məzukayan Maŋgəlva sa?

⁴ Pakgit amzlahaŋka, arayaŋgək pakə, ɗəf məgəɗ moggon tay ɓa. Ɗəf təttaka dayday tay ɓa.

⁵ Məɗɗaŋ mbəraynəŋ pak dəsənən ɓa sa? Məzuzimnin ɗiy naw va adawzəmaŋ waya, akkamanən Maŋgəlva ɓa.

⁶ Tay əgeslne'eŋ a təki məs geslne' tay ɓa, vi Maŋgəlva tay ətəreygit sleŋslenɗe net məzusərŋgəslkuni. Wakərbə sit wili vi Maŋgəlva andolike.

⁷ Naway dədapsən əska wəlaɗe sən Israyel sə Siyon di? Gala Maŋgəlva amndeget məfərsəneɗ net ɗiy nani, Yakob wapepɗeki, Israyel wanneken zəni.