Gəlyaɗe 26 - Bible en Guidar

Məs də mazlibezlibe na man tay iya Maŋgəlva

1 Səza Davit.

¹ Səza Davit. Ataw su wən nawa Yawe, vi aka təstəs nədawdawa, sən Yawe nəppan makrawa, nəɓəl na ɓa.

² Asluwa Yawe, awla nazawa, akkosson əɗɗum nawa gəm makrawa.

³ Moggon nok tay ama harawa; addəv gesiŋ nok nədawdawa.

⁴ Nawsaw dit ɗiy muwaŋ wən ɓa; nabbal dit məluvuluvuɗe ɓa;

⁵ nəzelik wəkkal net ɗiy məɗɗaŋ mbərayən; nəsaw dit məsdarawɗe ɓa.

⁶ In tat əɗɗa vaw karban na maw bartatay yi, in tat əsulək ki matuya noko, Yawe,

⁷ kaprəman suk wəfet naw wəlaw koɓokoɓo, gəm kawpel aket sekeneɗ noko.

⁸ Yawe, nəŋgluwək gəla nok məs kəsok addəvənəŋka, gəm təki gagdak nok asani.

⁹ Kəsapan wən naw də an net ɗiy mbəreyit ɓa, kədawbayu sap dit məbayaŋ gəbay ɓa.

¹⁰ Ərba wili aveti, vet dəzəŋ aknahək də zəga na makaryam na vurum.

¹¹ Naw tive na təstəs nədazba, apəlwa, agəɗ su mbəlembəle!

¹² Naw aka təstəs nəziwi, wanəfet aka Yawe addəvit əkkalɗe.