Gəlyaɗe 144 - Bible en Guidar

Wəkkam na məlyã

1 Səza Davit.

¹ Səza Davit. Soko sən Yawe milɓe nawa, ndəni dədawyagan su əgaya, gəm əkkpaŋgaw petpet nalpa.

² Ndəni baynawa, gbogboŋ nawa, təki nawɗam naw gəm məzupəlwa, naw na, baray nawi yi, aran nədawɗama; tay əvoŋgən kiyit ɗiy naw ammba vawa.

³ Yawe, mi ɗəf agap kəsəngən di? Ɗəf titir ɗar hara kəɗɗumgən akan di?

⁴ Ɗəf agilik va semyã, ənziya nan tay va zeŋgile məzutoŋgo.

⁵ Yawe, appar disiŋ noko kəprikgəni. Ariŋgit mossorgoɗe gugriɗ enene dəgilyoŋgəni.

⁶ Awiɗgən buna, atəraygiti, aslin herɗe noko, arɓeheti.

⁷ Atəl vok sə disiŋ, akõhguwa, kawmohũ səmet iŋkile məfakay fakayə, səvet molhõyẽɗi,

⁸ məs met məwə wəna gəm məslanən vet dəzəŋ əsway ɗarə.

⁹ Maŋgəlva, waniyə suk gəlya meleketeni, wanəlvok də əbay gəzləŋtəndəŋ məs helegen kəlaw:

¹⁰ istə kədapsit əska wəla sit milyeŋge, məzukõhgən gawla nok Davit səma masalam net ɗiy mbərayni.

¹¹ Akõhguwa, apəlu səvet molhõyẽɗi, məs met muwə wəna gəm məslanən vet dəzəŋ əsway ɗarə.

¹² Vaski kəta kirtəm mezeŋgleket dəssoŋ va wəleŋɗe məzuɓayaŋ aka gewleti; gəm kirtəm muguluŋgit lelewɗeŋ va dədəkeɗ məpyokit nawsla azan na gəla na məlyã.

¹³ Mahẽɗ nam məknəhit paspas dit zəgeɗ zeŋvit temtemi. Zəgeɗ memeyẽɗ nam gabal gabalɗe diyɗa adawwanən kiyti awra anamda.

¹⁴ Wasliɗe nam dəwaŋgə, adalotoŋ ɓa; ɗiy adazzoŋ əwak səm kawkəm ɓa, vaŋvəl na sãhã adawsan a walaŋgəla nam ɓa.

¹⁵ Əzaɓ azet ɗiy məs dəsan sit vaska! Əzaɓ azet ɗiy məs Yawe yi Maŋgəlva neti!