Gəlyaɗe 142 - Bible en Guidar

Yawe, təki nawɗam na ɗəf məsərmani

¹ Əpel-məmyã'ən na Davit. Wəkkam nan gala asan a bətəŋ.

² Də wəlaw koɓo' koɓo' nədakkaman Yawe; də wəlaw koɓo' koɓo' nədawɓuh maw sən Yawe, əŋgla mbəlembəle.

³ In tat əɓuh maw abani, aban nədawboton tatwãh nawa.

⁴ Pay əmpəs naw addakə, kəsənək tive naw də təki nədawdawa: anslineŋgik bizwil abawa.

⁵ Azi horok dəka dəzəŋ awle: ɗəf tay dəsənu əmpa ɓa! Təki nawɗam naw tay ɓa, ɗəf tay dədaɗɗum aka zeŋgilew ɓa!

⁶ Nəhəm sukko Yawe! Nəmna: «Istə təki nawɗam nawa, haran naw aka dələv net medereti!»

⁷ Apak sləmok ammba wəhəm nawa, vi nədakkək diyɗa! Akõhgu səvet məzərɓahawəni, vi gboŋgboŋgəŋ daykiywa.

⁸ Agilgu sə fərsəna nawa vi nəɗigən ki iya noko. Ɗiy təstəs wakaraŋ kiyu pay kəgəɗ su moggoni.