Gəlyaɗe 137 - Bible en Guidar

Məsamək gurom a met məlpeŋɗe na Babilon

¹ A met məlpeŋɗe na Babilon adak, məsam gurom əhəm an məkiyək wən na Siyon.

² Məlewik gaŋgaraɗe nam aket kekelguzloɗe.

³ Vi adaki ɗiy dərməmən aka balam assohõmən məyəgən gəlya, məzusərnən mam zit neki: «Miyə səm gəlya taka na Siyon ɗa.»

⁴ Mbarmbar mədawya gəlya na Yawe, a guw di?

⁵ Yerusalem, an nəzgətək kiyko, asna nəzgət ki əbay gəzləŋtəndəŋ!

⁶ Asna hərzləmu dətip a geŋɗetwa an nəɗɗum akok ɓa, an nəɗi Yerusalem day ki zəga nannek naw pak ɓa.

⁷ Aɗɗumon wən net mə Edomɗe Yawe, məzunahaŋ aka pay məwaksən Yerusalem na: «Məɓzluwa, məɓzlu hã səza gabbani!»

⁸ Waŋ na Babilon, kawraygəti, əzaɓ aza ɗəf an dədamndan suk an kəgəɗ səm va kəsər mamə!

⁹ Əzaɓ aza ɗəf an dədarme mepriŋgeɗ nok vi kaklopit aka milɓe!