Gəlyaɗe 136 - Bible en Guidar

Soko sən məkõhgən Israyel

¹ Məɗi ki Yawe, vi moggoni vi moggon nan tay hã faɗə.

² Məɗi ki Maŋgəlva net meŋgilveɗi, vi moggon nan tay hã faɗə.

³ Məɗi ki Daya net deyeɗe, vi moggon nan tay hã faɗə.

⁴ Ndən məs dəɗɗe sekeneɗ gugriɗ kaka'ə, vi moggon nan tay hã faɗə,

⁵ ndən məs dəɗɗa disiŋ də wəsəna, vi moggon nan tay hã faɗə,

⁶ ndən məs dəɗɗa dəlvafuŋ aket iŋkile, vi moggon nan tay hã faɗə.

⁷ Ndən məs dəɗɗe məkekeɓe'eŋ təki gugriɗe, vi moggon nan tay hã faɗə,

⁸ paya, vi dəzəmgən məlĩ aka əsɓəta, vi moggon nan tay hã faɗə,

⁹ təla dit ŋgərzleɗi, vi dəzəmaŋgən məlĩ aka dəfɗa, vi moggon nan tay hã faɗə.

¹⁰ Ndən məs dəbey magaziɗe net mə Eziptəɗe, vi moggon nan tay hã faɗə,

¹¹ gəm ndən məs dəgilgən Israyel səreti, vi moggon nan tay hã faɗə,

¹² də əɓap nan metiŋgini, vi moggon nan tay hã faɗə.

¹³ Ndən məs dərslan pehe net vəlarɗe pəɗak sula, vi moggon nan tay hã faɗə,

¹⁴ aggargənək Israyel dəddakni, vi moggon nan tay hã faɗə,

¹⁵ asleŋgitik may Farawən dit məzəlpaŋ nan addəv pehe net vəlarɗe, vi moggon nan tay hã faɗə.

¹⁶ Ndən məs dəke ɗiy nan də kapta-muyã, vi moggon nan tay hã faɗə,

¹⁷ ndən məs dəbey milyeŋge gugriɗe, vi moggon nan tay hã faɗə,

¹⁸ abeyik milyeŋge korsomoyɗe, vi moggon nan tay hã faɗə,

¹⁹ Sihon məlĩ net mə Amorɗe, vi moggon nan tay hã faɗə,

²⁰ gəm Og, məlĩ na Basan, vi moggon nan tay hã faɗə.

²¹ Apsitik dələv net ka nawray vet ɗiy nani, vi moggon nan tay hã faɗə,

²² ka nawray va Israyel gawla nani, vi moggon nan tay hã faɗə.

²³ Ndən məs dəɗɗum akam addəv əvoŋgən kiya namə, vi moggon nan tay hã faɗə,

²⁴ amõhmək səvet məzusərnən mamə, vi moggon nan tay hã faɗə.

²⁵ Ndən məs məzəpsit əzəm sit zəgeɗ mederet pakə, vi moggon nan tay hã faɗə.

²⁶ Məɗi ki Maŋgəlva na disiŋ, vi moggon nan tay hã faɗə.