Gəlyaɗe 13 - Bible en Guidar

Yawe, hã gap dewe kədazgət kiyu di?

¹ Səza daya net məyaŋgəlya. Gəlyanalva na Davit.

² Hã gap dewe kədassok aka əzgət kiyu di Yawe? Hã gap dewe kədassok aka əɗaman su horok di?

³ Hã gap dewe nədazban əɗəka, makraw adawzlu ɗayɗay di? Hã gap dewe kədassok aka əppan məzuzel naw əsilyen akaw di?

⁴ Awle, azlan suwa Yawe Maŋgəlva nawa! Haraw dəsan kerkeri, vi nədawleŋ kamta ɓa,

⁵ vi məzuzel naw adawnah na: «Nəskak wəlani» ɓa, məzuseɓɗe naw adannekenən zit an nəzbərək ɓa.

⁶ Naw aka moggon nok nəbay vawa: makraw dənnek də əkõh məs kəvayə, nəyə gəlya sən Yawe na, vi agəɗ su moggoni!