Gəlyaɗe 129 - Bible en Guidar

Məgəɗ suwi mbərayən diyɗa

1 Gəlya nawpəŋ ədda əkkam a Yerusalem.

¹ Gəlya nawpəŋ ədda əkkam a Yerusalem. Asərnənək maw təŋ səka gawlawa, Israyel dəmsak ənahən:

² Təl ɓəɓay asərnən maw təŋ səka gawlawa, zəga tay aɓap əɗɗaŋ suwən ɓa.

³ Appanənək gəla azlawar aka gəɓawa va barayɗe zezekɗe net məzənseŋgi.

⁴ Yawe təstəsi yi, aɓuhik helegeɗ net məsdarawɗe.

⁵ Məzuzelenən Siyon pak wil dədenini, dəddereŋ dirɓe!

⁶ Dəssoŋ va kevile naka təgbalka, dəŋkəl tak əɓay nani.

⁷ Məzutawən aknəh van ɓa, məzəkkalan arah na naknah van ɓa,

⁸ məzutoŋgoŋ tive tive adawnahaŋ na: «Yawe dəzoɓokum ɓa!» Mənamtə məzaɓokum də iya na Yawe.