Gəlyaɗe 122 - Bible en Guidar

Wiynama na zazaya ammba Yerusalem

1 Gəlya nawpeŋ ədda əkkam a Yerusalem, səza Davit.

¹ Gəlya nawpeŋ ədda əkkam a Yerusalem, səza Davit. Zu neki an mənah suwi na: «Dam addəv gəla na Yawe!»

² Nam məziwik a met maddambeɗe noko, Yerusalem!

³ Yerusalem, mərkan moggoni, va walaŋgəla-metiŋ surmutuku!

⁴ Adaki yi, mahəlfaɗe apeŋgeŋgi, mahəlfaɗe na Yawe, va məziwgin a Israyel, kawgagdakan iya na Yawe.

⁵ Vi adaki mətuk mezeŋgeɗ na məlĩ nawtawwəna, mezeŋgeɗ na məlĩ na gəla na Davit.

⁶ Məssohõn zazay sən Yerusalem: Kəta en dəŋglukən dəssoŋ fendeŋgi;

⁷ kəta zazay dəsan addəv zlava noko, əssa fendeŋ dəsan addivit gəleɗe na məlĩ noko!

⁸ Aka wən net milmiŋgiɗu dit geleŋgiɗuwa, wanənah na: «Ha'aw Zazay dəsan anokda!»

⁹ Aka wən na gəla na Yawe Maŋgəlva namə, wanəkayan moggon viko.