Gəlyaɗe 114 - Bible en Guidar

Əgilye net mə Israyelɗe sə Eziptə

¹ Gala Israyel agil sə Eziptə, gala gəla na Yakob azar səzet ɗiy məpeleŋ ma na guwa,

² Yuda kpaŋ təki nassa nan salala, Israyel dəkkpaŋ ka nani.

³ Pehe təm ulani, ndən ɓakə, Yurden buryok dirɓe,

⁴ mossorgoɗe gugriɗ əpepɗekeŋ va ndergeyẽɗi, mossorgoɗe tam əpepɗek va kirit gilewi.

⁵ Pehe, vimi kədanzok di? Yurden, vimi kəpilmis dərɓe di?

⁶ Mossorgoɗe gugriɗe, vimi kədawpepɗekeŋ va ndergeyẽɗi gəm mossorgoɗe tam əpepɗek va kirit gilew di?

⁷ Dəlvafuŋ, akker aba Yawe, aba Maŋgəlva na Yakob,

⁸ ndəni məkkpaŋgan milɓe ka bobok dit iŋkile ki hilmis ka heret iŋkile.